DANIELI 2:23 - Biblía Axweesantá Hhohho' ar Mungú 2004

²³ Aá Munguú baabi'iieé', án kuúng un xirfayeemiís nee un diidi'iimiís, kuúngudá' án iga sagalooár i hanis nee aleesleemu. Nee hamí gadaádá' uwa yaahasaán ngaa dir'eénií xu'utís, asma gadaádár waawutmo ngaa aténí xu'utís.»

DANIELI 2:23 Iomraidhean Croise

IIMU/UUNGW 18:17

AAKOÓ MUNGÚ iri oó', «Xáy, gaarí ni tleehh an lú/a dír Abrahamuwo?

IIMU/UUNGW 31:42

Geera bar Munguú baabuúeé', Munguú Abrahamu, Kudá' Isaka i da'ayumiiti, bir barte'eeneeká, geera án kuúng iga gús ar dabaá kaaharen. Ala Mungú slahh'amaayer'eé' nee gadiyér dabaaeé' gaa ár. An gár kuúng Mungú usa iigahhaát xweeraá laarí ni dahhaana.»

1 WAAWITÁ 18:36

Qoomár ilahhooár tsiindo haniisaro iwa xeér, aarusmo Eliya ina tseewúy dír kitangwdá', iri firín, «Aá AAKOÓ MUNGÚ, Munguú Abrahamu, nee Isaka nee Israeli, laarí i xu'utit adór kuúng tar Munguú Israeli, nee adór aníng tar sagadiyusmoowók, nee adór án muruuwí sleémeero ngura tleehh ar adoodá' kuúng ngira ó'.

1 WAAWITÁ 8:57

AAKOÓ MUNGÚ, Munguúrén ta dinkwa nee atén, adoodá' ira dinku'umaamiís nee baabi'iirén, atén mitiwa máy, laqaá mitiwa gunqareés.

1 QOM'I 29:10

Aluuwo Daudi AAKOÓ MUNGÚ gway diidi'iís dír geeraá muu sleémeero wa ale, iwa kaahi, «Aá AAKOÓ MUNGÚ, Munguú taati'iirén awa Israeli, kuúng tu diidi'iimaamisi ay alhhe'eesay wasle.

1 QOM'I 29:13

Daxta Munguúrén, atén kuúng u sluufisaán nee umuuwók u xirfayeemisaán.

2 QOM'I 20:6

Iri firín ar afór ur iwa kaahi, «Aá AAKOÓ MUNGÚ, Munguú baabi'iirén, kuúng a Munguú gawaá doori, xoordu sleémeero in sawaawuti'iín, kuúng a /uuruú koón nee aleesleemu, slamí heé kuúng u tlaampa'aás i kaahh.

WARA'AMI 21:2

Tidá' muunaáwose i slai aga hanís, tidá' afkose aa firín aga /itiindiiká.

WARA'AMI 21:4

Inós slafiingw guna dirógí firín kuri hanís, slafíngw deelór yaariir oo alhhe'eesoó koomaaká.

WARA'AMI 25:14

AAKOÓ MUNGÚ a mulqumoó mukdá' inós gu ilaiwawaá/, nee inós giri intsaahhatimis dabér alqaduuwose.

WARA'AMI 50:14

Mungú ilahhooár sluufáy duxuumeek. Al'axweesantók boo/eeseek dír kudá' gáwtí diriia.

TI'INAANGW 3:15

Mungú Mose guri malé báy, «Múk Israeli gár ku beer a tí: AAKOÓ MUNGÚ, Munguú baabi'iihúng, Munguú Abrahamu, nee Munguú Isaka, nee Munguú Yakobo, aníng iga amorhúng i ya/aáw. Umuuwós an kwí ay alhhe'eesay wasle, nee adoorí an adór tir inslaslay baraá qari sleémeero.

AXWEESANOÓ SAGALOOA 21:22

Heé sagaloó' gixsár /uuruú koom gan hayoh. Tam koo/idá' na harahhifiyé' gan yaamií slaax.

AXWEESANOÓ SAGALOOA 24:5

Heé sagaloó' i aleesleemuú kón ta heé /uuruú kooma, nee heé xu'utír koóm a tin /uurií dogiit.

AXWEESANOÓ SAGALOOA 8:14

Aníng gurbu'uungw u koóm, nee sagalooaro, tsaahha a koóm sleeme nee /uuruuwo.

DAHARUSMO 7:19

Sagalooa i /uuruú hanmís dír heé sagalooe, ta waawituú mibaangw oo gixsár sawaawuti'ii'ima.

DAHARUSMO 9:16

Ala aníng an kah, sagalooa a tsiní ta /uuruuwo tam sagalooár narkutmo i waaqa'atita, laqaá tam axweesantós heé ga axamiís i kahhi.

DAHARUSMO 9:18

Sagalooa xooslár slaqwara ga bá/, ala heé tlaákw oo wák hhoeemaá yaariir gin hhitín.

ISAYA 12:1

Baalaadae kuúng an o', «AAKOÓ MUNGÚ án kuúng u sluufmiís, asma tam geeraawo aníng iga i buuhhi, buhhtaawók iga meér, nee aníng iga gurkwa/ás.

YEREMIA 33:3

«Aníng ateetáng, aníng kuúng un mu/aywaáts, nee muruú urén ngu kuúng báw, kudá' taa luú/ oo kuúng ta baloó xu'uká.

DANIELI 1:17

Mungú daaqaywí tsiyáhh guri fuqurángw i haniís nee xu'utír muruú yaariír nee sagalooa. Ala Danieli guri aleesleemuú í haniís oo igu'utu nguwa araa'ari nee tlataawo.

DANIELI 2:18

Giri i axweés gurtleemuú Munguú doori nguwa firina' daanduú naaqoorihe, as kahhó' Danieli nee hhaeewós mikiwa tsuú/ as kaangwí dinkwa nee múk sageeloén oo Babuloni.

AMOS 3:7

Ar tsuuwa ló', Aakoó MUNGÚ gaa ga tawo tleehhiiká, bar naaqoorós ngaa geehhooeesiiká dír sagadiyuuseerós tidár aaruuse.

Matayo 11:25

Qoomaadae Yesu iri axweés iri oó', «Aníng kuúng u sluufiís, Baabá, Aakoó doori nee yaamu, asma muruuwí ugwa lú/ dír múk sagalooár kooma nee fuquraangw, kuri laqaán dír na/aá ninakw.

Luka 10:21

Hamtidár kilae Yesu kuri qwal/aás nee Qeeruú hhoohhoó' oo Mungú, iri oó', «Án kuúng un sluufiís, Baabá, Aakoó doori nee yaamu, asma muruuwí ugwa laqaandiiká dír múk dahareemaá koóm nee fuquraangw, ala una laqaán dír na/aá ninakw. Eeít, Baabá, asma an adoodá' kuúng kara slá'.»

Yohana 11:41

Tlaa/adá' kari hingeés. Yesu iri gáwtí qaytsiít, iri oó', «Baabá, án kuúng un sluufiís, asma án kuúng iga iiárií qás.

Yohana 15:15

Án kuungá' nu malé lawaalér ar ateetimaaká, asma lawaalmo gár aakoowós i tleehhi ga xuiiká. Ala án kuungá' nun mulqér ar ateetiím, asma tidá' sleémeero án naa axaás amór Baabuúeé' wa ale, nga kuungá' i oó'.

Geehhoeemaá 1:1

Gaarí a gár Mungú aa geehhoeés dír Yesu Kristo, as Yesu Kristo muruudá' hardáh ar gaanslaay nguwa laqan dír sagadiyuuseerós. Kristo malaykamoowós guri ya/aáw amór sagadiyusmoowós Yohane, as muruuwí nguwa dirós i laqan.

Geehhoeemaá 5:5

Nee heé wák baraá bariiseedae aníng ina báy, «Ma /aa/amiimaar. Qaytsiít, Dirángw tlahhoó Yuda i deer, oo hhay Daudi. Inós arba/ati gaa sláy. Gawaá adoorihe inós i harín kitaábu nguwa gweeri nee tam dugeeniiwós kudá' faanqw kura tseegi.»