DANIELI 2:22 - Biblía Axweesantá Hhohho' ar Mungú 2004

²² Axweesanoó bó/ nee oo lu/aaráy gun geehhooees, gár baraá ma/ami ga xuu' nee gwa/aateema i dirós i dirii'iyá'.

DANIELI 2:22 Iomraidhean Croise

IIMU/UUNGW 41:16

Yosefu iri oó' dír Farao, «Aníng aleesleemu u koomaaká, ala Mungú inósuú kilá' tlataawók ngi waagweer ar adór wayduú huuw.»

YOBU 12:22

Iloodaá baraá giwti gin geehhooees, nee muruú baraá giwti ngun huúw baraá gwa/aateema.

YOBU 26:6

Gi'i dír ilaá Munguhe i tsee/aá tawo. Tam didár hhituru'uuma sleeme kaa lu/iiká.

WARA'AMI 104:2

Gwa/aateema ina tsít adór hiyáy wa ale. Doori ina intlát adór inqwaarír wa ale.

WARA'AMI 25:14

AAKOÓ MUNGÚ a mulqumoó mukdá' inós gu ilaiwawaá/, nee inós giri intsaahhatimis dabér alqaduuwose.

WARA'AMI 36:9

Asma diroge kutloó ma'aá slafiingw i deer, baraá gwa/aateemaawoge atén gwa/aateema i araán.

DAHARUSMO 8:1

Heé adór heé sagaloó' a heemá? Xáy, heé umuú gaaro adór i diri' ga xuú' a heemá? Sagalooa hee gu qwal/ás, nee gitsee/aá heé gurhaamuút giri warqés.

ISAYA 41:22

muruú naa ti'iit atén bawaare', daqaní u alqaytsitaán, laqaá muruú aluú wa hardáh ooare'. Masók muruú hardáh u xuaán.

ISAYA 41:26

Heé iimír iimu/uungo iigu'utuuwí gwa oo', as kahhó' atén kuwa xuaan. A heemá heé adoorí ga geerií oo'? As atén tawa ooaan, looeema gaa oó', I kaahh tumu wák oo adoorí gaa oo', laqaá oo gaa alki/iit, Sleeme i kaahh tumu wák oo /aymi'iiwós gaa axaas.

ISAYA 42:9

Ga/aawaak, muruudá' naa geerií oó' aa tleehharuút, hám daxta a muruú /abén un káh dír ira ti'itiiká aníng un oó'.

ISAYA 45:7

Aníng gwa/aateema nee giwtiro ina tleéhh; Aníng qwala/ nee gurhaami ina tleéhh. Aníng an AAKOÓ MUNGÚ oo muruuwí sleémeero gwaa tleehh.

YEREMIA 23:24

Xáy, hee nahhaata gaqo aleesláya ngway qo tsuwa araaká? Ahaá, anuú AAKOÓ MUNGÚ a kudá' dawaakáhe umuú diiro, gawaá doori nee baraá yaamuwo? Anuú AAKOÓ MUNGÚ tí ngina oó'.

YEREMIA 33:3

«Aníng ateetáng, aníng kuúng un mu/aywaáts, nee muruú urén ngu kuúng báw, kudá' taa luú/ oo kuúng ta baloó xu'uká.

DANIELI 2:11

/Aymuuwí kuúng ta leelehhit ku ló'wa gawít. Aá waawutámo, tam heé geehhooeesaro gu aleesláw i kaahh, aqo har munguiidá' nee muu alhoota'aaká.»

DANIELI 2:19

Xweeradae tlataadá' nee gár i kaahiia kina laqán dír Danieli ar baraá iigu'utu. Danieli Munguú doori guri diidi'imiís.

DANIELI 2:47

Waawutmo Danieli guri báy, «Ar ló', Munguúhúng ku úr ta munguaá hatlae, nee a baalusmoó waawitá, kángw baraá naaqo gu aleesláy geehhooeesaro, asma kuúng kángw naaqoorí ugwa aleesleér geehhooeesaro.»

DANIELI 5:11

Waawutámo, baraá ayaawoge heeko wák oo qeeruú Munguúdá' hhoohhoó' gu koóm i deer, qoomár waawuti'iimár baabuúwoge heewí una tsaahhaán inós tawa heé fuqurángw koóm, nee tsaahha nee sagalooár adór tiqár mungui. Baabuúwók waawutmo Nebukadnesa heedaádá' guna qaás tawa heé úr oo qwaslaare nee oo da/aluuse nee xu'utuusér tlata nee xu'utusér tsatse/uwo,

DANIELI 5:14

Aníng aga axaás adór qeeruú Munguúdá' hhoohhoó' ir baraawók nee adór kuúng sagalooa nee fuquraangw nee inslawoó ganaá' kur koón.

Matayo 13:13

Gawaá adoorihe aníng an dir'ínií axweés ar slaqsi'i. Asma inooín barta xumiis, gár ta ara'ari i káhh, nee barta axamiis, gár ta axamiisi i káhh, slám gár ta tsatsahhan i káhh sleeme.

Yohana 1:9

Ala gwa/aateemaá ló' kudá' umuúqo heewo ngu gwa/atamiisá', i baraá yaamií hi'iitiyá'.

Yohana 21:17

Yesu iri malé oó' sagaáwa tame, «Símon, garmoó Yohane, án kuúng i slá'a?» Petro iri gurhaamuút asma adoodá' kuwa yaahaás sagaáwa tame, nguwa báy, «Án kuúng i slá'a?» Petro iri oó', «Aáko, kuúng mura' sleémeero u xú', nee kuúng aga tsáhh adór án kuúng ur slaá'.» Yesu iri oó', «Bee/angw'eé' /aymiiseek.

Yohana 8:12

Yesu inooín giri malé báy, «Aníng a gwa/aateemaá yaamu. Heé aníng iga eehaar, i baloó baraá giwtír wa hi'iimitiiká, ala inós gwa/aateemaá slafiingw gi kón.»

1 Korinto 4:5

Gawaá adoorihe hee mu gaanslár sakwasleemuutara', ay dír Aako nay hardihi. Inós muruudá' taa luú/ baraá giwti, ngun geehhooatis dír gwa/aátií alé, nee inslawoó munér muu nguri geehhoatis. Daqaní umuúqo heewo xirfuudá' inós wa hariím gu sláy dír Munguhe.

Efeso 3:5

Qoomár aa waarahhi lu/aaráywí kwa laqaniká dír muu. Ala daxta Qeeru gwa geehhooatís dír ya/abuuseerós ar hhohho' nee dír aaruuse.

DABE 29:28

AAKOÓ MUNGÚ giri tlatlahhaás baraá yaamuuín wa ale ar buhhtaá xaraasla', giri kwaáhh baraá xoordaá hatlá' adoodá' hamí laarí i dirii'iya'.›

1 Timoteo 6:16

Inós kilós in gwaaiiká, dír i hooti a didá' gwa/aateemaá ta baloó i tseewuyká, slám inós heé gwa ar i kaahh, nee slám heé gu baala wa ár i kaahh. Xirif an kós, nee aleesleemu, ay alhhe'eesay wasle. Amin.

Ebrania 4:13

Umuúqo gaaro ar Mungú i harslaaqati arto i káhh. Mura' sleémeero i kístí dirii', nee ku geehhoó' dír ilaawose, nee atén adór tara hootaán an dír geeraawósií kwalilimaán.

Yakobo 1:17

Umuúqo gár hhoo' nee umuúqo gár ganaa' amór kingiwa hanmiisi a gawaá doori. Amór Mungú ngin dáhh, kudá' gwa/aateemaá gawaá doori gaa tleehh. Asma inós i warqaaqayká, slám atén ti baraá giwtírií geexayká.

1 Yohana 1:5

Kángwa taa dirós wa axaasaán oo ni kuungá' i alki/iitaan an kwí, Mungú a gwa/aateema, giwtír baraawose dáw tam ar niiná i káhh.