DANIELI 2:21 - Biblía Axweesantá Hhohho' ar Mungú 2004

²¹ Inós qom'i nee siiwaduuwo gin warqeemiis. Waawitá gun gawaá kiteerií wa aweerimiis, oo hatlá' guri qamín, múk sageeloén gun sagalooár i hanmiis. Múk xu'utír koóm gun fuqurángw i hanmiis.

DANIELI 2:21 Iomraidhean Croise

1 WAAWITÁ 10:24

Múk baraá yaamu sleémeero Solomon kuna artá wa slaá' as sagalooarós tidá' Mungú aa haniís kawa axaasi.

1 WAAWITÁ 3:28

Múk Israeli sleémeero kángw kwasleemarír waawutmo aa tsaát, kuri axaás, inós kuri ló'wa daimiít, asma adór sagalooár Mungú ir baraawós kana ár, asma qaa/aay nguwa tlaaqi ar gan'amu.

1 WAAWITÁ 4:29

Mungú Solomon guna sagalooárí haniís nee tsaahha nee xu'utír yaariir adór hhasángw afaá tlawi.

1 QOM'I 22:12

AAKOÓ MUNGÚ dahar nee tsaahha ngi haniisi, as kahhó' bál bar geeraharu'uumár múk Israeli ngaa kuúng i haniís, kuúng dabér AAKOÓ MUNGÚ Munguúwók kawa ot.

1 QOM'I 29:30

Kitaabi'iidá' kángw waawuti'iimarós ngu kaahiyá' nee /uuruuwose, nee muruú inós gwaa slayi nee xoorór Israeliro, nee waawuti'iima sleémeero baraá yaamuwo.

ESTA 1:13

Aluuwo waawutmo mukdá' sageeloén kudá' qom'i gi xuú' guna ateét. Asma alhootaariro waawutmo gurbua gan leelehhaahhiit dír múk sageeloén kudá' qom'i gi xuú', aluuwo waawutmo mukdá' dabér xuú' nee kuduú hara'ayuuseero giri yaahaás adór ta laqi.

YOBU 12:18

Hhartá waawuti'iima gan baraá dabaá waawitá wa hayóh, afeetler'ín gari tlabaá lawali'iimárí tseek.

TI'INAANGW 31:3

Aníng ugwa hatsiís qeeruueene as aleesleemu nguwa slay, nee fuquraangw, nee xu'uti, nee umuúqo gadiyeede ngiwa aleeslay,

TI'INAANGW 31:6

Slám ga/aaweek, aníng Oholiabu garmoó Ahisamaki oo tlahhoó Dani ugwa tsawaár sleeme, as kahhó' nee Besaleli iwa algadiyuusiya'. Aníng múk hatlá' oo sageloén ugwa sagalooár i doók as gadiyeduudá' sleémeero ugwa báw iwa tleehharutiya'.

DANIELI 1:17

Mungú daaqaywí tsiyáhh guri fuqurángw i haniís nee xu'utír muruú yaariír nee sagalooa. Ala Danieli guri aleesleemuú í haniís oo igu'utu nguwa araa'ari nee tlataawo.

DANIELI 10:1

Kurkú tám oo waawuti'iimár Koreshi, waawutmoó Persia, axweesantá Mungú kana geehhooeés dír Danieli, kudá' taa báy Belteshasa. Geehhooeemaaká' awa tsuwa ló', a daanduú slaqwarár ur. Inós geehhoeemaaká' giri tsaáhh nee iigu'utudá' guri xuú'.

DANIELI 11:6

Alaá kureeraá niina birna waarahhiyé', waawutmoó basa al'axweesantá mulqi'iima ga tleehh nee waawutmoó /iya, nee dasiirós gari haniis dír waawutmoó /iya. Ala mulqi'iimar'ín i tlikká gwa'araro. Asma dasiirós nee na/oó aa xwayluúr, nee hhawaatuwós nee sagadiyuseerós tidá' nee inós taa alkone' kin tsuu/.

DANIELI 2:20

Danieli iri oó', «Umuú Mungú ku xirfeemamisi ay alhhe'eesay wasle, asma sagalooa nee aleesleemu a kós.

DANIELI 2:23

Aá Munguú baabi'iieé', án kuúng un xirfayeemiís nee un diidi'iimiís, kuúngudá' án iga sagalooár i hanis nee aleesleemu. Nee hamí gadaádá' uwa yaahasaán ngaa dir'eénií xu'utís, asma gadaádár waawutmo ngaa aténí xu'utís.»

DANIELI 2:9

Ala bar tlataaeé' ngaa aníng i oi'iiká, /aymu a wak oo kuungá' nuwa hariím, asma kuungá' taa axweesani axasé' lama kawa tlaqa' dír geeraaeé' wa ale, nee tlaqandafaá tawo kiwa leera' amorqae looa i hara darát. Gawaá adoorihe kuungá' tlataeé' ooare', daqaní aníng a tsaáhh adór kuungá' waagweeraro kir aleesleerá'.»

DANIELI 4:14

Iri tseé' ar afór ur i kaahi, ‹Xa'anoowí tsataak, haleemiiwós alkwaslaak loo/oorós bu'uumaak, mamuuwós tsiyayaxaak, masók makaá sla/a i diya/aatiyá' baraá mahhtírose, nee tsir/o i tlatlahh gawaá haleemiiwose.

DANIELI 4:17

Gaarí an sakwasleemadá' taa oó' nee malaykér Mungú, a gár taa oó' nee inooínaadá hhohho', as muu sleémeero umuú diiro kawa tsaahhi adór Munguú úr ir aleesleemuú kón daanduú waawuti'iima sleémeero ar muko, nee inós waawutmoó i slai gun tsawaar, tam heedaádá' liitlaákw kuduú alhhe'eesáy gun waawutmoó wá qaas.

DANIELI 4:22

«Gimáy, xa'anoodá' an kuúng waawutámo, kudá' aa uraaray nee /uuruú koóm. Yangareemaawók naa hardihiyé' ay gawaá doori nee waawuti'iimarók aa iia tleeruúr ay alhhe'eesoó yaamu.

DANIELI 4:32

Kuúng tu guus dír tla/ángw muko, tari alhotá' nee makaá baraá sla/a, nee gitso kari /ák adór awu har afi qoomoó kureeraá faanqwe. Ay dír kay tsahh adór Munguú úr ir waawuti'ii'ín baraá waawuti'iimár muko nee waawuti'iima gan haniis dír heedaádá' inós i slai.»

DANIELI 7:25

Kwí Munguúduú Gawa gu /ooslislín nee mukdá' hhohhó' oo Munguú Gawa guri baramaanuús. Inós ado gan leeleehh ar qooma ngir warqeesi nee dabeero, nee múk hhohhó' ku gawaá dabaawós i qaas har afiqoomár kureeri tám nee tlaqi.

Luka 21:15

Asma aníng /ayma'aá sagalooa ngi haniís, awa ta oa', tam wakuuserhúng sleémeero kuungá' tlaampa'aasaro nuy aleesleeraaká, nee sleeme axweesantahúng kay si'iiká.

Rumi 13:1

Umuúqo heewo geeraharuusér serikaáli ngi ilaiwawa/i, asma aleesleemuú amór Mungú dahhaaká i kaahh, nee aleesleemuudá' dáw kuna hara'ayín nee Mungú.

1 Korinto 1:30

Ala kuungá' a baraá Kristo Yesu i dir'á'. Adoorí heé gaa tleehh a Mungú. Mungú Kristo Yesu guna sagalooarén tleéhh. Slám inós a gan'amuurén, nee hhohhoaarirén nee gweermoorén.

Yakobo 1:17

Umuúqo gár hhoo' nee umuúqo gár ganaa' amór kingiwa hanmiisi a gawaá doori. Amór Mungú ngin dáhh, kudá' gwa/aateemaá gawaá doori gaa tleehh. Asma inós i warqaaqayká, slám atén ti baraá giwtírií geexayká.

Yakobo 1:5

Ala baraá tla/angwhunge hee barnaxes sagalooa gwa wa /aaruúr, gár kuwa hariím a Mungú gun firín, kudá' muu sleémeero gu tsuuqaá i hanmiís ar yaareema, slám i gahhamiitiiká. Inós sagalooa ngi haniis.

Geehhoeemaá 19:16

Nee inós baraá inqwaarirose nee gawaá kutl/umoowose kwaa umií gooín tawa kaahi, «Waawutmoó waawitá nee Aakoó bariise.»