DANIELI 2:11 - Biblía Axweesantá Hhohho' ar Mungú 2004

¹¹ /Aymuuwí kuúng ta leelehhit ku ló'wa gawít. Aá waawutámo, tam heé geehhooeesaro gu aleesláw i kaahh, aqo har munguiidá' nee muu alhoota'aaká.»

DANIELI 2:11 Iomraidhean Croise

IIMU/UUNGW 41:39

Farao Yosefu guri báy, «As Mungú tí ngiwa kuúngí xu'utís, heé hatlá' oo adór kuúng oo aleesleemuú koóm nee xu'uti, i kaahh.

IIMU/UUNGW 41:8

Tam matlaatleero looa niwa tleér, muunaáwós i ló'wa gurhaamuut. Muu guna ya/aáw as qwaslaare sleémeero nee mukdá' sageelooén oo baraá yaamaá Misri kiwa ateeti. Mukdá' niwa hardáh, Farao tlataawós giri alki/iít. Ala heé tlataawós waagweeraro gaa aleeslay i kaahh.

1 WAAWITÁ 8:27

«Ala looeemaawo, Mungú, kuúng aqo hóta baraakaá yaamuú wa ale? Bar doori, laqaá tam dooraá gáwtí saaw, sleeme u buiaaká, do'owí aníng naa tleéhh adór ir bu'uuti a adoomá!

2 QOM'I 6:18

Ala Mungú, kuúng aqo tsuwa hóta baraaká daanduú yaamuwo dinkwa nee muu? Bar doori nee dooriidá' gáwtí saawá' in bu'umitiaaká, xáy, do'owí aníng naa tleéhh adór ir bu'uuti?

WARA'AMI 132:14

«Diirí an dir'eé' ar amohhoo' ar alhhe'eesoó koomaaká. Diirí an hoót asma aga waatlakweés.

WARA'AMI 68:18

Kuúng aga gáwtí tsa/aán, múk yaariír ugwa haasaáng wa húp. Qeemu ugwa sleér dír múk wa ale, eeít, tam mukdá' aa dee/aanuut ugwa qáy sleeme, AAKOÓ MUNGÚ i tla/angw'ín wá hoot.

TI'INAANGW 29:45

Aníng nari hoót baraá tla/ángw múk Israelír wa alé. Aníng tari Munguúín.

TI'INAANGW 8:19

Nee qwaslaare Farao guri beér, «Gaarí ar dákw Mungú.» Ala Farao muunaáwós guri gawdeés, inooín gaa iiárií qaasiiká, adoodá' AAKOÓ MUNGÚ ngira oó'.

ISAYA 47:12

Magaáhh baraá qwaslaari'iimaroge nee da/ariiwók kudá' ure, kudá' handá' aáng taa tlehhít iimír baraá masoombi'imarók doóqa slaasláw a sleér, laqaá ka xu' an baaliín.

ISAYA 57:15

Asma adoorí an adoodá' kuduú gáwtí dirií', kudá' xiríf, kudá' hotaatiím ay alhhe'eesay wasle, kudá' umuuwós ta bay Oo hhoohhoó' i kaahi, «Aníng dír ni hoot a didá' gáwtí dirii', didá' hhoohhoo', slam a dinkwa nee kudá' aa hhu'uu'un, nee oo tsatsaa'aár baraawose. Asma kahhó' qeereemaá múk tsaén ngiwa slafis nee munér mukdá' aa hhu'uu'un ngiwa slafis.

ISAYA 8:18

Ga/aaweek, aníng nee na/iiká' AAKOÓ MUNGÚ naa haniís a laya nee waa/oo/amo baraá Israeliwo ar amór AAKOÓ MUNGÚ Aleesleemusmoó daáhh, kudá' gawaá tloomár Siyonír hoót.

DANIELI 4:4

«Anuú Nebukadnesa aáng ana hoót dír dooeé' wa ale ar yaandahhooa, nee ana hoót ar diihhooa baraá dooeé' kuduú waawuti'iimaro.

DANIELI 5:11

Waawutámo, baraá ayaawoge heeko wák oo qeeruú Munguúdá' hhoohhoó' gu koóm i deer, qoomár waawuti'iimár baabuúwoge heewí una tsaahhaán inós tawa heé fuqurángw koóm, nee tsaahha nee sagalooár adór tiqár mungui. Baabuúwók waawutmo Nebukadnesa heedaádá' guna qaás tawa heé úr oo qwaslaare nee oo da/aluuse nee xu'utuusér tlata nee xu'utusér tsatse/uwo,

Yoeli 3:21

Aníng kudá' tseerdaá múk Yuda ngaa ku'usiye', in li/áy buú', slám kudá' naa dakuusiye' i mawaaká. Anuú AAKOÓ MUNGÚ an Siyonír hoót.»

FAARO 35:34

Yaamuuká' ta hota' mi hhitiimara', kuká' án niwa baraá tla/angwhúng wa hoot, asma anuú AAKOÓ MUNGÚ an hoót baraá tla/ángw múk Israeli wa ale.»

Matayo 19:26

Yesu eeharuuse gari i qaytsiít gari báy, «Dír muko adoosíng i ya/aandaaká, ala dír Munguhe umuúqo gaaro i ya/aán.»

Yohana 1:14

/Aymuuwí ina hee tleehhiít, iri amoorén wa hoót. Atén xirfuuwós ngway araán, i ló'wa haats gurtleemuuwo nee looeemawo. Xirfuuwí guna amór Baabá wa sláy, asma inós a Garmoó kilós oo Mungú.

Yohana 14:17

Inós a Qeeruú looeema. Múk aa haratlintii'iiká Qeeruuwí gu ara'ariiká, slám gu tsatsahhanká. Gawaá adoorihe ilaooharo ku aleeslayká. Ala kuungá' u xuá', asma i dirhúngií dirii', nee iri baraahúng wá hoot.

Yohana 14:23

Yesu iri oó', «Hee bar aníng i slaa', axweesante'eé' ga oh, nee inós kway slaa' nee Baabuúeé'. Aníng nee Baabuúeé' nay hardahaán amoorós, hootaarén kiri baraawósí tleehhaán.

2 korinto 6:16

Slám Doó Munguú nee munguaá hatlá', adór tir slaslaya' a adoomá? Asma atén an Doó Munguú kudá' slaáf. Asma Munguú ina oó', «Aníng a baraaín wa hoót, nee nay baraá tla/angw'ín wa hi'iimiít. Aníng tari Munguúín, nee inooín tari muk'eé'.»

Geehhoeemaá 21:3

Aníng afór ur ngiri axaás ar baraá kitangwduú aleesleemuú daahh. Afoorí i kat, «Ga/aawaak, hotángw Mungú dír i dirii'i a dír tla/ángw muu. Inós iri hoot tla/angw'ín wa ale, nee inooín tari mukós. Nee Mungú inósuú kilá' tari dinkwa nee inooín.