DANIELI 12:7 - Biblía Axweesantá Hhohho' ar Mungú 2004

⁷ «Heedaádá' aa sihhiit bihhaá gawa awa yaae, kudá' tlabaá neewór kitaáni gaa dahaas, dabaawós tsaraawo giri gáwtí tleés, nguri axaás i lo'ór /aay ar umuú Munguúdá' hotatiím ay kureeraá kureér, ‹Baala i xeér ar afiqoomadaá tám nee tlaqi qoomár slahh'amuú múk hhohhó' bira faák, muruuwí sleémeero daqaní i boo/.›

DANIELI 12:7 Iomraidhean Croise

YOBU 27:2

«Munguú Gawa iqo daadeer, kudá' hariímar'eé' gaa hayoh, nee Munguú Aleesleemusmo iqo daadeer, kudá' hhiintluueé' gwa artis.

ISAYA 62:12

Kuungá' tunduri bay, «Múk hhohhó' oo Mungú, Múk AAKOÓ MUNGÚ aa gweér.» Kiíng Yerusalemu tiri bay, «Gixsár taa leeleéhh, Gixsár ta baloó geexayká.»

YEREMIA 4:2

Barnaxes lo'o aga /ák ar looeema nee ar sakwasleemár ganaa' nee ar hotaá ganaa'á', tari ó', ‹Ar adór AAKOÓ MUNGÚ ir hotaatina,› daqaní xoordu tsuuqa ngiri dir'eé' wa slayá', tari xirfayeemisiyá' as aníng.»

ESEKIELI 20:5

Ki beer, anuú Aakoó MUNGÚ a kah, ‹Baldá' múk Israeli nguwa tsawaár, xwaylár Yakobo ana lo'ór wa /aáy. Tina geehhooatís dir'ín i aleeró qoomár tawa baraá yaamaá Misri, lo'o ana /aáy, ana oó', Aníng a AAKOÓ MUNGÚ, Munguúhúng.›

DANIELI 10:5

Niwa qaytsiít, naxés heé tlabaá neewór kitaáni ngaa tsiit una ár, nee afeetloowose himuú sahaábuú Ufasír daáhh nguna tseek.

DANIELI 11:13

«Naagáy waawutmoó /iya slaqwaruusér yaariir ar tidár geera ga baa/ gari amohhe'ees. Alaá kureeraá niina birna waaraahhiyé', nin hardah nee slaqwaruusér yaariir ar taa qaroó amohhe'eés ar xoslaá yaariír koom awa slaqwara.

DANIELI 12:6

Heedaádá' aa bihhaá gáwtí sihhiit awa yaae, kudá' tlabaá neewór kitaánidá' hhohho' ngaa tsiit, nguri yaahaás nguri báw, ‹Muruuwí i kumamiti ay xaylá iwa faakiiká?›

DANIELI 12:8

«Aga mak tawo axaás, ala gár naa tsaáhh i káhh, ngway male yaahaás, ‹Aakooeé', alhhe'eesoó muruuwí sleémeero a adoomá?›

DANIELI 4:31

Qoomár iwa axweesantí kaahi, afo ina ilaawáts gawaá doorí wa aleeró, i kat, «Aá waawutmo Nebukadnesa, tí án ni kah iiárí qaaseek, waawuti'iimarók ka hayoh.

DANIELI 4:34

«Alaá kureeridá' faanqw niwa waarahhiyé' anuú Nebukadnesa ana gawaá doorí qaytsiít, nee fuqurangw'eé' niri kií/. Munguúdá' úr una diidi'iís nguri sluufiís nee nguri ilaiwa/amér i tleéhh kudá' hotatiím ay alhhe'eesay wasle. Asma waawuti'iimarós an waawuti'iimár alhhe'eesoó koomaaká. Waawuti'iimarós in kumaamít qari sleémeero.

DANIELI 7:21

«Qoomár ngiwa adoorí wa ga/aw, xarmoodá' nee mukdá' hhohhó' oo Mungú tina muxiyé', inós mukdá' guri baál.

DANIELI 7:25

Kwí Munguúduú Gawa gu /ooslislín nee mukdá' hhohhó' oo Munguú Gawa guri baramaanuús. Inós ado gan leeleehh ar qooma ngir warqeesi nee dabeero, nee múk hhohhó' ku gawaá dabaawós i qaas har afiqoomár kureeri tám nee tlaqi.

DANIELI 8:14

Iri oó', ‹Ar har afiqoomár tsiindo nee matlaatlér kume tsár nee tsiire tám. Ala aluudae daqaní hotaaín Mungú gi adoodár aáng i ki/is.› »

DANIELI 8:24

Inós i ló'wa aleesleemuú kón, nee muruú yaariír gu ló'wa hhitín, umuú gaaro ar i tleehhamór wa slai ga aleesláy. Múk yaariír oo iia tleér nee múk hhohhó' oo Mungú gu hhaamiis.

Luka 21:14

Ala kuungá' baraá munerhunge gár ta oa' ma geerií amohhe'eemisaara'.›

Luka 21:24

Inooín ki tsuu/ ar paánga, kiri lohatis baraá yaamuuine, kay huuw baraá xoordaá dimbadimbé. Gixsár Yerusalemu kay i iwiit nee xoordaá hatlá' ay dír qoomár xoordu i bo/.»

DABE 26:19

Kuungá' nu xoorór ur tleehh ta xoorduukaá hatlá' sleémeero aa tlehhahhiít ba/a, as kuungá' inós kuwa xirfayeemisa', nee kuwa aleekala/a', nee kuwa ilaiwawaa/a'. Kuungá' tari mukós oo hhohhó' adoodá' AAKOÓ MUNGÚ, Munguúhúng ngira al'axweés.»

DABE 32:36

Looeemaawo AAKOÓ MUNGÚ mukós gu alekalaa/, sagadiyuuseerós ga gurtláy, qoomár birnga ár /uureemooín naa faakiyé', nee birnga ár heé meét i kaahh, oo lawaalmo nee lawaalmoowooká.

DABE 32:40

Aníng dakwe'eé' un gawaá doori tleés nee lo'o ngiri /aáy ar umuueé'.

DABE 7:6

Adoorí tleehhaak, asma kuungá' tunda paraátl as AAKOÓ MUNGÚ, Munguúhúng. Kuungá' AAKOÓ MUNGÚ nuna tsawaár baraá tla/ángw xoorduuwo as tawa mukós oo kilá'.

1 Petro 2:9

Ala kuungá' a xoorór taa tsawaár, kaahamuusér waawuti'iimár Mungú, xoorór hhoohhoo', xooroodá' Mungú aa tós tleéhh, as kuungá' tlehhemi'iiwós kudá' xirfayen kiwa alki/ita', kudá' inós aa tleéhh. Inós kuungá' nuna ateét baraá giwtír wa ale, nuri dahaás baraá gwa/aateemaawós kudá' waa/oo/amór koomá'.

Geehhoeemaá 12:14

Ala /ameenidá' kari hhampe'eeraá tsár i haniís awa gwareesidá' ur, as inós iwa /akut ay baraá xaanxaay, ay dirós tidá' inós kawa /aymaamisi qoomár kureeraá tám nee tlaqi. Didá' ka saaw dír dayshamoodae.

Geehhoeemaá 12:6

/Ameenidá' iri góp ay baraá xaanxaay. Amoodae dirós kaa amohhe'eés nee Mungú as kawa amoodá' wa /aymiisi deelo kumuú wák nee tsiire tsár nee mibeeri lahhoó'.

Geehhoeemaá 13:5

Makiito'oodá' kari afkwí haniís oo /ayma'aá dara/aangw nee awa /ooslisliingw ngiwa axwes. Slám kari aleesleemií haniís oo gadiyeé ngiwa tlehh slahheeri mibeeri tsiyáhh nee tsár.

Geehhoeemaá 4:10

Qoomár inooín barta adoorí tlehhiit, umuúqo daqto bariiseedá' mibeeri tsár nee tsiyáhh in tumbarara'amít dír geeraá kudá' gawaá kitángw aleesleemuú i dirií'. Inooín kudá' slaáf ay alhhe'eesay wasle kun sluufmiis. Nee inooín slam'eeri'ín kin kwakwaahh dír geeraá kitangwduú aleesleemu, ta kaahi,

Geehhoeemaá 4:9

Muruuwí slaáf xirif nee ilaiwa/ame nee sluufaay kun hanmiis dír kudá' gawaá kitángw aleesleemuú i dirií', kudá' slaáf ay alhhe'eesay wasle.