DANIELI 12:11 - Biblía Axweesantá Hhohho' ar Mungú 2004

¹¹ «Iimidár qoomár ilahhooár da/a/aangw kawa hingeés, tidár umuú daqi, iimír qoomár gadaádá' ta waki kawa sihhtís, a afiqoomár deelo kumuú wák nee tsiire tsár nee mibeeraá gwaleél.

DANIELI 12:11 Iomraidhean Croise

TI'INAANGW 29:38

«De'emaá hi'iita'a umuú daqto ilahhooár ta hanmisa' dír kitángw ilahhooaro a tí: Deeloó tsár oo bee/aangw oo kurkú wák.

ESEKIELI 4:6

Deeloorí bara hhe'és faakaro, daqaní ta qát ar bihhaá doó /iyáy, nee diirihe a tlakweemaá múk Yuda in loohís har afiqoomoó deelo mibeeri tsiyáhh. Baalár wák i qoná' nee kurkú wák.

DANIELI 1:12

«Xaa na'ás atén ti iiat baraá deelo mibaango. Muruú /aymarén masók a naanuú loo/o nee ma'aá wahaangw.

DANIELI 11:31

Slaqwaruuseerós muruú ta waki kun dahaas baraá Doó Mungú nee baraá gixsa. Ilahhooadár da/aa/aangw ar umuú baala kan ilaa/. Gadaádá' ta waki gan sihhtis baraá Doó Mungú.

DANIELI 7:25

Kwí Munguúduú Gawa gu /ooslislín nee mukdá' hhohhó' oo Munguú Gawa guri baramaanuús. Inós ado gan leeleehh ar qooma ngir warqeesi nee dabeero, nee múk hhohhó' ku gawaá dabaawós i qaas har afiqoomár kureeri tám nee tlaqi.

DANIELI 8:26

Iigu'utudú ilahhooár tsiindo nee matlaatle tinda kuúngií oó' oo ló'. Hamí ala maweek baraá naaqórí ale, asma hardahamuuwós ku baloó tseeweeká oo iwa boo/i.

DANIELI 9:27

Waawutmowí mulqi'iimár gawit ga tleehh nee múk yaariír har afiqoomár wiíkír wake. Alaá tlaqtá wiíkiro inós ilahhooár muruú ta tsu/i nee ilahhooár hatlae gin qwaarees. Inós gár ta waki gari qaas didár kitángw ilahhooa kawa hanmamisi. Gadaádá' ta waki in diirií mét ay dír heedaádá' gaa sihhtis kway suquy nee Mungú ar adoodá' ngira tsabín.»

HOSEA 3:4

Asma múk Israeli deelór yaariire i waawutmoó kon'aaká, laqaá heé úr, laqaá ilahhooár muruú ta tsu/i, laqaá /aampa, laqaá naifeéra laqaá tam slaqsa'aá munguii'ín.

Matayo 24:15

«Qoomár kudá' tlaákw oo Hhitusmo bura aandé' aa sihhiít didaádá' hhoohhoó' i alé, kudaádá' aarusmo Danieli aa oó' (heé soomuús gídaabárós ngi tsaahhi),

Marko 13:14

«Kudá' tlaákw oo Hhiturusmo bura aandé', aa sihhiít didaádá' iwa harinaká» (heé soomuús gídaabárós ngi tsaahhi), «qoomaadae múk yaamaá Yudeár i dirií' ta ta'aain gawaá tlom'i.

Geehhoeemaá 11:2

Ala afeenidá' tsee/aá Doó Mungú i dirii' maweek, ma qoomeesaar. Asma afeenidá' kaa múk xoorduú i haniís. Nee inooín gixsár Mungú ka adarah ar ya'aaín slahheeri mibeeri tsiyáhh nee tsár.

Geehhoeemaá 12:6

/Ameenidá' iri góp ay baraá xaanxaay. Amoodae dirós kaa amohhe'eés nee Mungú as kawa amoodá' wa /aymiisi deelo kumuú wák nee tsiire tsár nee mibeeri lahhoó'.

Geehhoeemaá 13:5

Makiito'oodá' kari afkwí haniís oo /ayma'aá dara/aangw nee awa /ooslisliingw ngiwa axwes. Slám kari aleesleemií haniís oo gadiyeé ngiwa tlehh slahheeri mibeeri tsiyáhh nee tsár.