DANIELI 11:6 - Biblía Axweesantá Hhohho' ar Mungú 2004

⁶ Alaá kureeraá niina birna waarahhiyé', waawutmoó basa al'axweesantá mulqi'iima ga tleehh nee waawutmoó /iya, nee dasiirós gari haniis dír waawutmoó /iya. Ala mulqi'iimar'ín i tlikká gwa'araro. Asma dasiirós nee na/oó aa xwayluúr, nee hhawaatuwós nee sagadiyuseerós tidá' nee inós taa alkone' kin tsuu/.

DANIELI 11:6 Iomraidhean Croise

YOBU 38:15

Múk tlákw ku gwa/aateemaá /iit, nee daber'ín ar naa tleesiyé' as tlakweema tlehhit kan giqáy.

WARA'AMI 10:5

Tlakusmo qooma sleémeero muruuwós i ya/aa/án. Inós ga baloó tsaahhiiká adór kuúng muu kur sakwasleemút. Wakuuseerós sleémeero gan waaqaaqaa'.

ESEKIELI 30:21

«Heewí, aníng dákw waawutmo Farao oo Misri ugwa geeqáw, inós kwaa tseegiiká as kuwa hungu/uusi, nee paánga ooharo ngiwa aleeslay.

DANIELI 11:13

«Naagáy waawutmoó /iya slaqwaruusér yaariir ar tidár geera ga baa/ gari amohhe'ees. Alaá kureeraá niina birna waaraahhiyé', nin hardah nee slaqwaruusér yaariir ar taa qaroó amohhe'eés ar xoslaá yaariír koom awa slaqwara.

DANIELI 11:15

Naagáy waawutmoó múk /iya gixsadaá koo/i gawden gin harweer giri hayoh. Slaqwaruusér waawutmoó basa mukdá' gu sangw daandaaká tam kudá' taa tsawaár, asma inooín /uuru ku slayká.

DANIELI 11:40

«Qoomár alhhe'eesaay birna xeér waawutmoó basa i haratláy amór waawutmoó /iya, ala waawutmoó /iya iri fi'iit ar /uuru adór bambaao ar gaardaá faras, nee mukdá' faras gwa i tsa/an, nee miriingér yaariir. Yaamaá yaariir giri haradah iri waaraahh adór alwuór ma'aay.

DANIELI 11:7

Baraá xwaylár dasiirihe heé wák waawuti'iima ga sláy. Heewí in haraatláy baraá yaamaá /iya nee maray'ín kudá' koo/i gawden giri haradah giri baal slaqwararo.

SEKARIA 11:16

Asma ga/aaweek, aníng de'eemusmo ngu sláw baraá yaamuukae, oo bee/ángw aa hhiturumiit gu amohhe'eesaaká, slám kudá' aa qwaar gu leelehhitiiká, nee oo aa qeqtin gu tlaawinká, tam kudá' hhó' gu /aymisiiká, ala kudá' wahhaará' gin /aay, nee ta/aanta/amaaín gin feehhamiis.