DANIELI 11:40 - Biblía Axweesantá Hhohho' ar Mungú 2004

⁴⁰ «Qoomár alhhe'eesaay birna xeér waawutmoó basa i haratláy amór waawutmoó /iya, ala waawutmoó /iya iri fi'iit ar /uuru adór bambaao ar gaardaá faras, nee mukdá' faras gwa i tsa/an, nee miriingér yaariir. Yaamaá yaariir giri haradah iri waaraahh adór alwuór ma'aay.

DANIELI 11:40 Iomraidhean Croise

ISAYA 21:1

Kaangwí a iigu'utuú Mungú aa laqán daanduú yaamaá xaanxoó afaá tlawto. Adoodá' bambaaór baskú daahh ir harafitsaatsit múk ni haratláw baskú wa ale i baraá xaanxoó daahh, amór yaamaá múk xaraásl ngin dahhiyá'.

ISAYA 5:28

Maheeri'ín ki afe ngwatsayen, ga/alduuín ngaa gawdeesiyé'. Fuqeenaá farsuuín ki gawden adór tlaa/e, /angegeeamaá gaarduuín adór ir tii'ina' a adór bambaao.

ISAYA 66:15

Ga/aawaak AAKOÓ MUNGÚ ni hardah ar asla. Nee gaarduuwós an adór bambaaór fukukuu'. As kahhó' iwa buhhi ar xarasleema, nee gahhaatarós gan boo/ees ar tsángw asla.

YEREMIA 4:13

Ga/aawaak, wakusmo ni hi'iit adór huunki. Gaarduuwós awa slaqwara a adór bambaao, nee farasuuwós i gaanslár ti'ii'ín gwares ba/a. Tsaxwaarén asma aga hhaamaán.

ESEKIELI 38:4

Aníng kuúng un mumukuús nee taqesmoowók un óh ar muqslír afa mogoolmo, nee uri tsee/ií kwaáhh, kuúng dinkwa nee slaqwaruuseerók sleémeero, nee faras nee slaqwaruusér faras ngwa i tsa/aandi, nee daqtá yaariir ar muu ar tlabaá slaqwara gaa dahas, gaambu gawaá daber'ín, nee ta paangaduuín mumukumiis.

ESEKIELI 38:9

A ta'aaiín adór bambaao, nee daanduú yaamu kuri tuuntúk adór huunki, kuúng kilók nee slaqwaruuserók sleémeero nee xoordaá hatlá' kudá' awa dinkwa nee kuúng.›

DANIELI 11:10

«Daaqoó waawutmoó /iya slaqwaruusér yaariir ngi burumburiyá' nee slaqwararo tari amoohhe'eesiyá'. Slaqwaruuseedá' iri geerií kumít adór alwuór ma'aay nee tari slaaqw ay dír koo/idá' gawit ar wakuuser'ín.

DANIELI 11:11

Aluuwo waawutmoó basa i haraatláy ar buhhta nee slaqwaruusér yaariire ay amór waawutmoó /iya, iri baalín.

DANIELI 11:13

«Naagáy waawutmoó /iya slaqwaruusér yaariir ar tidár geera ga baa/ gari amohhe'ees. Alaá kureeraá niina birna waaraahhiyé', nin hardah nee slaqwaruusér yaariir ar taa qaroó amohhe'eés ar xoslaá yaariír koom awa slaqwara.

DANIELI 11:22

Slaqwaruuse dinkwa nee kaahamuusér Doó Mungú gi slururu'uus.

DANIELI 11:25

«Inós slaqwaruusér yaariir ga amohhe'ees ar pihh'uuma, iri haratláy amór waawutmoó basa. Ala waawutmoó basa iri fi'iit ar slaqwaruusér yaariir nee ar /uuruú koom ló'wa alé. Ala waawutmoó basa gár i bui i káhh asma inós ku gewaqaat.

DANIELI 11:35

Muu bahh'ale kuduú sagalooár koóm ku tsuu/ as inooín kiwa hhoohhooeesi, nee kiwa hamaatli ay qoomár alhhe'eesaay, asma alhhe'eesaay hamí aa xayká.

DANIELI 11:39

Gixsaduwós gin xún ar alee/isoó munguú /eetusmo. Mukdaádá' sleémeero waawuti'iimarós ngi ilaiwawa/á', gin qeemií haniis, nee uraay, giri yaamií qasimiis.

DANIELI 11:7

Baraá xwaylár dasiirihe heé wák waawuti'iima ga sláy. Heewí in haraatláy baraá yaamaá /iya nee maray'ín kudá' koo/i gawden giri haradah giri baal slaqwararo.

DANIELI 12:4

«Ala kuúng hám Danieli, muruuwí qaaseek baraá lu/aaráy, kitaábuuwí tseegeek nee ku dugunó i qás ay dír qoomár alhhe'eesay i hardat. Múk yaariír i ta'aaín amorqá' nee taqae, nee fuquraangw i ló'wa doogín.

DANIELI 12:9

«Iri mu/aywaáts, ‹Daniéli, hám daxta tláw, asma axweesantí a naaqo nee slám kaa tseék kay dugunó i qaás ay qoomár alhhe'eesaay.

DANIELI 8:17

Gabrieli niri tseewúy didá' aníng nay sihhiít. Aníng niri da'ayuút ló'wa aleeró, niri gurúr qaát. «Ala aníng iri báy, ‹Aá heewí, iigu'utudá' taa aán gár i kaahi a daanduú muruú deelór alhhe'eesaay.›

HABAKUKI 3:14

Baaluusér slaqwaruuseedá' ana tlaqút ar maheeri'ín awa kilá'. Inooínaadá' naa haraatlaye' adór bambaór wa ale as atén tiwa tlatlahhasiya', inooín a adór múk a qwalaa/ as narkuute ngiwa naaqo gu/iya'.

SEKARIA 9:14

AAKOÓ MUNGÚ mukós gu harati'iit, mahaangós guri tsaxaar adór mankari, Aakoó MUNGÚ tarumbeéta gari ufaahh, inós nin hardah ar bambaaór baskú daahh.

Geehhoeemaá 16:12

Malaykamoó lahhoó' slooqomoowós guri ku'uús baraá yaaeedá' ur ar ta bay Eufrate. Ma'aá yaaeedá' niri kahiyé', as waawituú da/aá daáhh loohir'ín kawa tleehhi.

Geehhoeemaá 9:16

Aníng faarór askaáridá' aa tsa/aan gawaá faras ngiwa axaás, faaror'ín a kume mibeeri tsár sagaáwa kume mibaangw.