DANIELI 11:37 - Biblía Axweesantá Hhohho' ar Mungú 2004

³⁷ Waawutmoowí munguaá baabi'iiwós gi gaárí xuiiká, laqaá tam Munguúdá' /ameena i sla'. Inós munguiiká' sleémeero aqo gin waqaa', asma inós ngi xui ku ló'wa úr ta munguidae.

DANIELI 11:37 Iomraidhean Croise

IIMU/UUNGW 3:16

/Ameeni gari báy, «Ar ló', aníng slahh'amaayeerók ngi doók qoomár xwaylaro. Na/ii in xwayluúr ar slahh'amaaye, nee ilatleeriirók a gawaá daanduú hhawaatuuwók, nee inós kiíng i sawaawuti'ín.»

IIMU/UUNGW 3:5

Asma Mungú ga xuu' bál kuungá' mamaá xa'anoowí bira /agé', ilaahúng ki gwa/atis, kuungá' tari adór Mungú tleehhitá', muruú hhó' nee oo tlákw kuwa xua'.»

DAA'AANGW 7:10

Aníng ar sla'aarusmooeé', nee inós in ló'wa slaa'.

ISAYA 14:13

Kiíng ana baraá muunaáwógi ó', ‹Aníng an tsa/ám ay gawaá doori, dír tsatse/uú Munguhe gawa, kitangw'eé' dir'ine nguri gáwtí qaás. Aníng niri iwiít gawaá tloomadár mungui tay dogiitiya', tidár amorqár /iíkwií saaw.

ISAYA 14:14

Aníng an tsa/ám gawa, huunkáy nguri baá/, aníng tari slaqás nee Munguúdá' gáwtí dirií'.›

ESEKIELI 24:16

«Heewí, ga/aaweek, slahhtá wake sla'aaruso'oorók a hingeés, ala ma tsuunqusaar, laqaá ma /aa/aar, tam hhirhheeriwók mindiwa ti'itiyé'.

ESEKIELI 28:2

«Heewí, waawutmoó Tiro baweek anuú AAKOÓ MUNGÚ a kah, Kuúng aga ló'wa pooraa/amút sagabi/uuwo, sleeme tari ó', ‹Aníng a mungú, aga iwiít gawaá kitángw waawuti'iima oo munguaá hatlá', aga iwiít baraá tláwtí alé.› Ala kuúng a heé tawo, kuúng a munguheeká. Tam sagalooarók kilók a ara'aanda tawa adór taqár mungú.

DANIELI 11:36

«Waawutmoó /iya adoodá' i slai gan tleehh. Inós ti kilós xirfayees nee tiri gáwtí tleés iri ooi inós ku úr dír mungui sleémeero. Munguú mungui guri /oosliislín. Iri kumiit ay dír har afiqoomár buhhtaawós i fakiya'. Asma qoomaadá' taa qaás iwa bo/ i hariín.

DANIELI 11:38

Kitangw'ine inós Munguúduú gixsadu gi xuúm gun ilaiwawaa/ kudá' aáng tam baabi'iiwós na harahhifiká, guri ilahhooár sahaábu i haniis, nee peésa nee muruú tlaxo gawdén, nee qeemuú tlaxo gawide.

DANIELI 8:11

Xarmoowí tiri ló'wa xirfayeés kilós ale tam dír geeraharusmoó úr oo múk Munguhe. Ilahhooadá' ta da/aa/an umuú deelooro dír Kudá' Úr oo gawaá doori gari qwaareés, nee do'ós kudá' hhoohhoó' guri yaamií slaáx.

DABE 21:11

nee bar heehúng oo wák /ameenír hhoohhoo' baraá haasaánguudae gaa ár gari waatlakweés ngiwa duuxi,

DABE 5:21

«Harér inslaawmoowók ma ilatleerusaar, laqaá doó inslaawmoowók mu ilatleerusaar, laqaá qaymoorós, laqaá lawaalmoowós, laqaá lawaalo'oorós, laqaá sleerós, laqaá daqwaywós, laqaá umuúqo gár inslaawmoowók i kona.

2 Tesalonike 2:4

Inós a Wakaarusmo, inós tin oo úr tlehhiit dír muruudá' sleémeero muu i sluufmiisi adór munguii'ín wa ale. Slám ti ureemiis dír muruudá' sleémeero oo hhohhoe. Nee inós in baraá Doó Mungú i iwtanángw aa'áy, iwa kaahi, «Aníng a Mungú.»

1 Timoteo 4:3

Mukwí in intsaahhatimis iwa kaahi, «Duuxo ka tlaakw.» Slám ta kaahi, «Muruú /aymarka ku tlaákw /aymaaro.» Ala Mungú muruú /ayma sleémeero guna tleéhh as kuwa /ayi ar sluufaay nee mukdá' aa haratlintii', kudá' looeema gaa tsaahh.