DANIELI 11:36 - Biblía Axweesantá Hhohho' ar Mungú 2004

³⁶ «Waawutmoó /iya adoodá' i slai gan tleehh. Inós ti kilós xirfayees nee tiri gáwtí tleés iri ooi inós ku úr dír mungui sleémeero. Munguú mungui guri /oosliislín. Iri kumiit ay dír har afiqoomár buhhtaawós i fakiya'. Asma qoomaadá' taa qaás iwa bo/ i hariín.

DANIELI 11:36 Iomraidhean Croise

WARA'AMI 136:2

Sluufmisaak AAKOÓ Munguú ló'wa úr, Asma sla'aarirós i warqeeraaká ay alhhe'eesay wasle!

WARA'AMI 33:10

AAKOÓ MUNGÚ axweesanoó múk xoordu taa qoomeemeés guna hhitín, muruudá' ta aldakuút guri warqeés.

AXWEESANOÓ SAGALOOA 19:21

Muu muruú yaariír gun mak qoomaamees, Ala gár tleehharuut a tidá' AAKOÓ MUNGÚ aa ya/án.

ISAYA 10:23

Asma Aako MUNGÚ Aleesleemusmo in adoorí kah, hhaamiisár taa geerií káh ga boo/ees baraá yaamu sleémeero.

ISAYA 10:25

Asma alaá deelór niinawe buhhta i faakiyá', nee buhhtaaeé' i warqayá' amór múk Ashuru ngiri qwaareés.

ISAYA 10:5

AAKOÓ MUNGÚ i kaahi, «Ashuru a adór guhhláy'eé' oo mukdá' naa i buúhh ngur muux.

ISAYA 14:13

Kiíng ana baraá muunaáwógi ó', ‹Aníng an tsa/ám ay gawaá doori, dír tsatse/uú Munguhe gawa, kitangw'eé' dir'ine nguri gáwtí qaás. Aníng niri iwiít gawaá tloomadár mungui tay dogiitiya', tidár amorqár /iíkwií saaw.

ISAYA 14:14

Aníng an tsa/ám gawa, huunkáy nguri baá/, aníng tari slaqás nee Munguúdá' gáwtí dirií'.›

ISAYA 26:20

Qwalaasé' muk'eé', dahé' baraá kutwayhúng, afér kutwayhúng aluuhúng wá tseegaak, baraasíng i nahhataak har qoomár niinawe ay dír buhhtakaá Mungú ni waaraahhiya'.

ISAYA 30:33

Asma dír waawutmoó Ashuru kway da/i kaa qaroó amohhe'eés iimír aange. A baraá bohóngw yaangaariír oo bihheérí intlaáxw, oo taa ásltí slaáx ar migiruú yaariír. AAKOÓ MUNGÚ gun hiinsluwósí ufaahh kuduú adór asltá wa óh as nguwa da/i.

ISAYA 46:10

Aníng alhhe'eesaay nguna iimír iimu/úngwa oó', nee muruudá' aluú wa hardáh nguna iimír aáng wa oó'. Aníng a kah, ‹Gar'eé' ar naa qoomeés a boo/eés nee tidá' sleémeero ni slaa' a tleéhh.›

ISAYA 57:9

Kuungá' mooyángw tsuú' oo yaariír una sleeré', di/aay una hubé' dír munguúdá' ta bay Moloki. Kuungá' ya/abuuserhúng ana ya/abité' amór saaw, sleeme ana ya/abité' ay baraá gi'i.

ESEKIELI 28:2

«Heewí, waawutmoó Tiro baweek anuú AAKOÓ MUNGÚ a kah, Kuúng aga ló'wa pooraa/amút sagabi/uuwo, sleeme tari ó', ‹Aníng a mungú, aga iwiít gawaá kitángw waawuti'iima oo munguaá hatlá', aga iwiít baraá tláwtí alé.› Ala kuúng a heé tawo, kuúng a munguheeká. Tam sagalooarók kilók a ara'aanda tawa adór taqár mungú.

ESEKIELI 35:13

Aníng aga axaás adór tir xirfayeemaamis nee muruú yaariír kur axweemaamis.

DANIELI 11:16

Waawutmooduú /iya i haraatláy, adór inós i slai gan tleehh, heé slaqwarár nee inós ga qiítl i kaahh. Iri sihhiit baraá yaamaá xirfuú koomá', giri sawaawuti'ín.

DANIELI 11:3

Naagáy waawutmoó hatlá' /uuruú koóm pihhusmo, inós yaamaá yaariir gi sawaawuti'ín, nee adoodá' i slai gan tleehh.

DANIELI 11:37

Waawutmoowí munguaá baabi'iiwós gi gaárí xuiiká, laqaá tam Munguúdá' /ameena i sla'. Inós munguiiká' sleémeero aqo gin waqaa', asma inós ngi xui ku ló'wa úr ta munguidae.

DANIELI 12:7

«Heedaádá' aa sihhiit bihhaá gawa awa yaae, kudá' tlabaá neewór kitaáni gaa dahaas, dabaawós tsaraawo giri gáwtí tleés, nguri axaás i lo'ór /aay ar umuú Munguúdá' hotatiím ay kureeraá kureér, ‹Baala i xeér ar afiqoomadaá tám nee tlaqi qoomár slahh'amuú múk hhohhó' bira faák, muruuwí sleémeero daqaní i boo/.›

DANIELI 2:47

Waawutmo Danieli guri báy, «Ar ló', Munguúhúng ku úr ta munguaá hatlae, nee a baalusmoó waawitá, kángw baraá naaqo gu aleesláy geehhooeesaro, asma kuúng kángw naaqoorí ugwa aleesleér geehhooeesaro.»

DANIELI 4:35

Yaamuloouusér daanduú yaamu a gaarooká dirose. Dír malaykedá' gawaá doorí diriia adór i slai gan tlehhiit tam dír múk baraakaá yaamuwo. Heé dakós gu ilaá/ i kaahh tumu wák, laqaá heé gu báw, ‹Gár adoosíng kas tlehhit a milá?›

DANIELI 5:19

Asma uraydá' ngway haniisi, múk tlahh'i sleémeero, nee xoordu sleémeero nee tsifri sleémeerowo nguna sadaaraaxiyé' nee nguna da'ayumitiyé', Nebukadnesa heé i gaasár wa slai aqo guna gaás, nee kudá' i slafíngw ár slai guna slafíngwí máy. Heedaádá' aa urár slaá' aqo gun uráy haniis, nee kudá' i hingeesár wa slai baraá waawuti'iimaro aqo gun hingees.

DANIELI 5:20

Ala as inós iwa daara/uút nee iwa sagagawdúy iri waahhamín, kuri hingeés gawaá kitángw waawuti'iimaro, tam xirfuuwós kuri hingeés sleeme.

DANIELI 7:8

Qoomár niwa xareemiwós aldakuut, naxés xarmoó wák oo niiná i ti'imiit baraá tla/ángw xareemidá' mibángw wa alé. As xarmoodá' pa/aangw nguwa slay xareemidá' awa tám kina dee/aruuín altu/ún. Ilaá makiito'oodá' a adór kuqaá hee, nee afkose /ayma'aá taqanaa/i ginar axwés.»

DANIELI 8:19

Aníng iri báy, ‹Iia qaaseek, aníng buhhtá Mungú ngi oó' adór i laqiya'. Iigu'utuwí a daanduú qoomár alhhe'eesoó yaamu.

DANIELI 8:4

Gwaanduwí una ár i slaaqw bihhaá /uwa, nee /iya nee basa. Tam makiito'ór gwa tlaampa'as i káhh, laqaá ar aa kotsqot dír /uuruuwose i káhh. Inós adoodá' i slai gana tleéhh, tina kilós xirfayeés.

SEKARIA 11:16

Asma ga/aaweek, aníng de'eemusmo ngu sláw baraá yaamuukae, oo bee/ángw aa hhiturumiit gu amohhe'eesaaká, slám kudá' aa qwaar gu leelehhitiiká, nee oo aa qeqtin gu tlaawinká, tam kudá' hhó' gu /aymisiiká, ala kudá' wahhaará' gin /aay, nee ta/aanta/amaaín gin feehhamiis.

Yohana 5:30

«Aníng gár ni kilooeé' tleehh i káhh. Aníng an sakwasleemuút ar adoodá' Baabá naa oó'. Nee sakwasleemar'eé' i ganá', asma aníng sla'aarir'eé' a leelehhiitaaká, ala ar Baabá, kudá' aníng iga ya/aaw.

Yohana 6:38

Asma aníng naa gawaá doorí wa aweeriiká tidá' ni slaa' ngiwa tleehh, ala a sla'aarír kudá' aníng iga ya/aaw ngiwa tleehh.

Tlehhema'aá ya/Abuuse 4:28

As kawa tleehhi tidá' kuúng taa slá' nee taa tsabiín kawa tlehh ar /uuruuwók, iimír iimu/uungo iwa bo/.

DABE 10:17

Asma AAKOÓ MUNGÚ, Munguúhúng inós an Munguú munguaá hatlá' gi baál, nee inós an Aakoó bariise. Inós an Munguú úr nee oo /uuruú koóm nee oo dae tlaáq, inós i barqaantír konká laqaá i slukumár /ayiiká.

2 Tesalonike 2:3

Umuúqo heewo munduwa al/aáy ar umuúqo loohiro. Asma deeloodá' i hardatká ay dír dee/aanuudá' Mungú kuwa si'i ii iimu/un, nee Heedá' Tlaákw, kudá' ta hhaamisi, ay dír i geehhoouy.

2 Tesalonike 2:4

Inós a Wakaarusmo, inós tin oo úr tlehhiit dír muruudá' sleémeero muu i sluufmiisi adór munguii'ín wa ale. Slám ti ureemiis dír muruudá' sleémeero oo hhohhoe. Nee inós in baraá Doó Mungú i iwtanángw aa'áy, iwa kaahi, «Aníng a Mungú.»

2 Tesalonike 2:8

Qoomaadá' an qoomár Heedá' Tlaákw tiwa geehhooeesi ar gaanslaay. Qoomaadae Aako Yesu niri hardah, iri geehhooúy ar baraá gwa/aateema, nee Heedá' Tlaákw guri suqúy ar hiinsluú afkós.

YOSHUA 22:22

«Munguúduú Aleesleemusmo inós an AAKOÓ MUNGÚ kilós! Munguúduú Aleesleemusmo inós an AAKOÓ MUNGÚ kilós! Inós gár naa tleehhaán ga xuu', nee dirhunge sleeme ngi ooaán, barnaxes atén ana dee/aanutaán, laqaá AAKOÓ MUNGÚ haratlintaaoro una siaán, daqaní ti tsu/e', tam panmo miwa meét.

Geehhoeemaá 10:7

Ala de'emaá malaykamooduú faanqw tarumbeétarós ngiwa ufahhan naaqór Mungú i bó/, tidá' taa alki/iít nee sagadiyuuseerós tidár aaruuse.»

Geehhoeemaá 12:14

Ala /ameenidá' kari hhampe'eeraá tsár i haniís awa gwareesidá' ur, as inós iwa /akut ay baraá xaanxaay, ay dirós tidá' inós kawa /aymaamisi qoomár kureeraá tám nee tlaqi. Didá' ka saaw dír dayshamoodae.

Geehhoeemaá 13:1

Aluuwo makiito'o ana ár i baraá tlawtá wa ti'imít. Xareemiwós a mibaangw nee sage ngi koon a faanqw. Nee gár gawaá xareemiwós a slam'i mibaangw. Nee gár gawaá sageerós a umér /ooslisliingw.

Geehhoeemaá 17:17

Asma Mungú inslawaywí gwa qaás baraá muner'ín i aleeró as kawa tleehhi tidá' inós i slai, nee inooín tiwa axweesani slaslaya' as waawuti'iimar'ín kawa haniisi dír makiito'oodá', ay dír axweesanoó Mungú i boo/i.

Geehhoeemaá 17:3

Malaykamoodá' aníng iri ar tláy ar baraá qeeru ay baraá xaanxaay. /Ameeni ngiri ár aa iwít gawaá makiito'ór ló'wa daa/aat. Makiito'oorí i háts umér /ooslisliingo. Sagér faanqw ga koón nee xareemaá mibaango.