DANIELI 11:35 - Biblía Axweesantá Hhohho' ar Mungú 2004

³⁵ Muu bahh'ale kuduú sagalooár koóm ku tsuu/ as inooín kiwa hhoohhooeesi, nee kiwa hamaatli ay qoomár alhhe'eesaay, asma alhhe'eesaay hamí aa xayká.

DANIELI 11:35 Iomraidhean Croise

2 QOM'I 32:31

Múk Babuloni nguwa yaahaasár áy daanduú muruuduú waa/oo/amo aa tlehhiít baraá yaamuuwose, Mungú waawutmo Hesekia guna tawo máy, adoodá' inós i tleehhamór wa slai gay tleéhh, adoorí ina tleehharút as inós kuwa iiari.

AXWEESANOÓ SAGALOOA 17:3

Sahaábuú gawít laqaá muqslidár peésa ar gawit aqo kan iiar ar asla. Ala munér muu AAKOÓ MUNGÚ gan iiara'ar.

ISAYA 27:9

Gawaá adoorihe, adoorí an adór tlakweemaá múk Yakobo kir fiitsi, tlehhmuuwí in bu'uut tlakweemaaín hingeesaro, qoomár tlaa/e sleémeero awa kiteeraá ilahhooa birka naasúy, adór nee Munguúduú Ashera nee kiteeraá ilahhooár mooyángw koom kawa hanmiisi birka suqúy.

DANIELI 11:27

Waawitaáwí tsár tari dinkwár i iwiit tawa /ayin, ala dir'ine umuú heewo muruú tlákw gun aldakuut daanduú heé hatlae nee tin kilooín al/aginá'. Ala gár tleehharo i aleeslaya' i káhh asma qooma aa xeeriiká.

DANIELI 11:29

«Qoomaadá' taa qaás bira bó/, inós yaamaá basa gi i haratláy wa'aá hatlae, ala waiikae ado gu alxir'imít.

DANIELI 11:33

Múk sagalooár koóm múk yaariír ku intsaahhatis. Tam adoorihe inooín ki tsuu/ ar paánga nee ar asla deelór hhaawakahe, kiri haasaáng wa ar tláy nee daqaari'iimar'ín kari hayóh.

DANIELI 11:40

«Qoomár alhhe'eesaay birna xeér waawutmoó basa i haratláy amór waawutmoó /iya, ala waawutmoó /iya iri fi'iit ar /uuru adór bambaao ar gaardaá faras, nee mukdá' faras gwa i tsa/an, nee miriingér yaariir. Yaamaá yaariir giri haradah iri waaraahh adór alwuór ma'aay.

DANIELI 12:3

Mukdá' sagalooár koóm ta gwa/aat adór doori, nee kudá' muu ngwa geerahariye' baraá hotaá ganaa'á' i suwaahamitiyá' adór tsatse/ ay alhhe'eesay wasle.

DANIELI 12:4

«Ala kuúng hám Danieli, muruuwí qaaseek baraá lu/aaráy, kitaábuuwí tseegeek nee ku dugunó i qás ay dír qoomár alhhe'eesay i hardat. Múk yaariír i ta'aaín amorqá' nee taqae, nee fuquraangw i ló'wa doogín.

DANIELI 8:10

Xarmoowí ina ló'wa uráy tam iri hardáh ay tla/ángw múk Mungú tam slaqwaruusér tsatse/ bahh alé gari yaamií daraáhh nee gari yaamií kala/án.

DANIELI 8:17

Gabrieli niri tseewúy didá' aníng nay sihhiít. Aníng niri da'ayuút ló'wa aleeró, niri gurúr qaát. «Ala aníng iri báy, ‹Aá heewí, iigu'utudá' taa aán gár i kaahi a daanduú muruú deelór alhhe'eesaay.›

DANIELI 8:19

Aníng iri báy, ‹Iia qaaseek, aníng buhhtá Mungú ngi oó' adór i laqiya'. Iigu'utuwí a daanduú qoomár alhhe'eesoó yaamu.

DANIELI 9:27

Waawutmowí mulqi'iimár gawit ga tleehh nee múk yaariír har afiqoomár wiíkír wake. Alaá tlaqtá wiíkiro inós ilahhooár muruú ta tsu/i nee ilahhooár hatlae gin qwaarees. Inós gár ta waki gari qaas didár kitángw ilahhooa kawa hanmamisi. Gadaádá' ta waki in diirií mét ay dír heedaádá' gaa sihhtis kway suquy nee Mungú ar adoodá' ngira tsabín.»

HABAKUKI 2:3

Asma iigu'utuuwí qoomár kus hariím i deer, a kángw ló' oo alhhe'eesaydá' gaanslár hardáh. Barnaxes i tligatliik, kuúng daameek, asma looeemawo niqo hardah, i tligiiká.

SEKARIA 13:9

Aníng daqtadár tám ngiri waarahhaás ar baraá asla, aníng in kwahhuút ngiri hhohhoeés adór peésa kar kwahhuumaamiti, aníng i iiár adór sahaábu kur iiara'ari. Umuueé' nguri ateetiyá', án ngiri axaás, aníng niri oo', ‹Mukwí an kwe'eé'› Inooín niri ooiya' ‹AAKOÓ MUNGÚ an Munguúrén.› Anuú AAKOÓ MUNGÚ tí ngina oó'.»

Matayo 16:17

Yesu iri oó', «Símon, garmoó Yona, kuúng a heé amohhoó', asma kaangwí heé ngwa dirók i xu'utis i kaahh, ala aqo Baabuúeé' kuduú gawaá doorí dirií'.

Matayo 26:56

Ala tí sleémeero in tleehharút as gooír aaruuse iwa bo/.» Eeharuuseerós sleémeero guri geexeér, iri góp.

Yohana 15:2

Umuúqo halmír laqwaliimaaká baraaeene gan hingees. Nee halmiidá' laqwaliim, gan fiits, as iwa laqwal kángw kilá' wa ale.

Yohana 20:25

Eeharuuseedár hatlá' guri beér, «Atén Aako ugwa araán.» Tomas giri báy, «Aníng barnaxes mulkayduú misumari oo gawaá dabaawós bura ariiká, nee diitsar'eé' bara qaasiiká baraá mulkáydá', nee slám dakw'eé' bura qaasiiká baraá bihhiiwós i alé, aníng a baloó ya/aamaaká.»

Tlehhema'aá ya/Abuuse 13:13

Aluuwo Paulo nee mukós tari tsa/án gawaá miringamo, tari tláy Pafór wa ale, tari hardáh ay Perge baraá yaamaá Pamfilia. Yohane giri geexáy, iri kií/ ay Yerusalemu.

DABE 8:16

Slám inós an kudá' kuungá' naa /aymiis maánaro qoomár tawa baraá xaanxaay, muruú /aymaadá' baabi'iihúng ta baloó xuiiká. Adoorí gana tleéhh as kuungá' nuwa niinaweesi, niwa iiari as nuwa xuxuui, nee alhhe'eesaywo nuwa hhooeemáy tleehhi.

Yakobo 1:2

Hhaee'eé', kuungá' iiara'aduú dimbadimbé bura sleeré', harafaaraak tawa qwal/uú úr dirhunge.

Geehhoeemaá 14:15

Malaykamoó hatlá' niri baraá Doó Mungú wa ti'iít, iri tseeamín ar afór ur amór kudá' aa iwiit gawaá huunkidá' guri báy, «Tsataywók taataahheek, ar bu'uumeek, asma qoomár bu'uungw aa xeér, asma balángw baraá yaamu aa ló'wa hamaár.»

Geehhoeemaá 17:17

Asma Mungú inslawaywí gwa qaás baraá muner'ín i aleeró as kawa tleehhi tidá' inós i slai, nee inooín tiwa axweesani slaslaya' as waawuti'iimar'ín kawa haniisi dír makiito'oodá', ay dír axweesanoó Mungú i boo/i.

Geehhoeemaá 2:10

Slahh'amaayeedá' kuúng ta sleer ma da'ayuutaar. Ga/aaweek, Neetlaangw kuungá' bahh'alé nu tsegiit baraá doó tseegamo, as tunduwa iiari. Nee kuungá' slahh'amu u sleerá' deelo mibaangw. Kuúng masók tu inkihhím tam ay gwa'ara, daqaní aníng slamángw slafiingw ngu haniís.

Geehhoeemaá 7:14

Aníng nguri báw, «Aáko, kuúng i xú'.» Iri báy, «Mukwí amór i dahhi a baraá slahh'amaayeedá' ur. Nee inooín inqwaruuín kuna hhuúnts nee kuri /awakeemiís ar tseerér Deelmoó bee/i.