DANIELI 11:34 - Biblía Axweesantá Hhohho' ar Mungú 2004

³⁴ Qoomár barki tsuu/ inooín alee/isoó niiná ngu slayá', múk yaariír i dír inooín i haragwaa' ar hhahhafiingw.

DANIELI 11:34 Iomraidhean Croise

DANIELI 11:21

«Waawutmoó aluú wa hardáh ku ló'wa tlaákw tam waawuti'iimaro i harinká, inós nin hardah ar al/ayma nee waawuti'iima gari tláy.

DANIELI 11:32

Mukdaádá' alqadoodá' hhohho' gaa sii' gun afa /aasl. Ala mukdá' inkihhimú koóm dír Munguúine tan sihhtano hhe'ees, ado kay warqees.

Matayo 7:15

«Ti harmagahhe' dír aaruusér lamuuseero, inooín birni amorhúng kayá' tlabaá bee/aangw nga tsiitiyé', ala laatí baraaine a taweruú xaraásl.

Rumi 16:18

Asma múk adór kwí Aakoorén Yesu Kristo gu sagadiyuusiiká, ala a gur'er'ín kilós kan sagadiyuus. Inooín múk hhaawuuse ngun al/aginá' ar axweesanay'ín oo tsatsaa'arén nee oo sla'atimís.

Galatia 2:4

Ala hhaeekaariya' lamuuse nina qawti dahiye' baraá dinkwaadá', as amohhooaadá' atén ta koomaan baraá Kristo Yesuwo ngiwa tsee/aarina' as kahhó' atén tiwa ki/isiya' baraá lawaali'iima.

2 Timoteo 4:3

Asma qooma i hardát ar muu intsaahhatimisuuduú ló' nguwa si'i. Aluuwo intsaahhatuuser'ín ar yaariir kari leeleehh ar adoodá' inooín ta slai, as intsaahhatimisuudá' inooín ta slai kuwa axamiisi.

Tito 1:11

Mukwí masók ku afe tseek. Asma inooín múk maraá muu ngun sageeqwaareemisiyá' as intsaahhasár lama ngiwa intsaahhatimisiya' ar mure wasl, as inooín slaasláw kawa slay.

1 Yohana 4:1

Sla'aaruúse, umuú gár ta kaahi ma haratlintatiaara', ala alqaytsitaak, áx amór i dahh a amór Mungúhe. Asma aaruusér yaariir ar lama naa ti'ít.

1 Yohana 4:5

Inooín awa baraá yaamu, gawaá adoorihe muruú ta axweesi oo baraá yaamu, nee yaamu tooín ngi axamiisiyá'.

2 Yohana 1:7

Asma al/aymuusér yaariir naa ti'ít baraá yaamuwo, ar kah, Yesu Kristo naa hardihiiká ar baraá slaqwa. Kwí an kuduú al/aymusmo, nee Wakusmoó Kristo.

Yuda 1:4

Asma mukko i deer oo naa qawti dah. Mukwí kuna sakwasleemarí i gooín iimír aáng wa ale. A múk Munguú da'ayuumitaaká, slám a múk tsuuqaá Mungú harneét ar hotaá tlákw. Nee inooín kudá' úr oo kilós, Aakoorén Yesu Kristo, ngu sa tlaankiyá'.

Geehhoeemaá 12:13

Dayshamoodá' ngiwa ár adór kura kwaáhh baraá yaamií alé, /ameenidá' na/oó garma gwa xwayluur gari gusiisín.

Geehhoeemaá 2:20

Ala aníng axweesantaka a koóm daanduuwoge, /ameenidá' ta babay Yesebeli a aleeya/a/aán. Inós ti babeer a aaruso'o, nee sagadiyuuser'eé' gari intsaahhatimís nee gari qwaarés as tawa fuquusi, nee fu'unaydá' kiwa /ayi awa taa ilahhooár wa haniís dír munguaá murslaaqat.