DANIELI 11:27 - Biblía Axweesantá Hhohho' ar Mungú 2004

²⁷ Waawitaáwí tsár tari dinkwár i iwiit tawa /ayin, ala dir'ine umuú heewo muruú tlákw gun aldakuut daanduú heé hatlae nee tin kilooín al/aginá'. Ala gár tleehharo i aleeslaya' i káhh asma qooma aa xeeriiká.

DANIELI 11:27 Iomraidhean Croise

2 SAMUELI 13:26

Absalomu iri oó', «Bar nee kuúng ti koomanaaká, hhiyaaeé' Amnoni mu ila/aar, u huwaán.» Waawutmo guri mu/aywaáts, «Ahaá asma waáy, gár tis alkoonda' nee kuungá'?»

WARA'AMI 12:2

Sleémeero axweesanay'ín a axweesanoó lama. Afer'ine a waaqoduuse nee baraá muner'ine a al/aymuuse.

WARA'AMI 52:1

Ee kawa xu', kuúng a adór migusmoówoóke, ala misti xirfayeemís as tlakweemaawók? Sla'aarír Mungú ar warqawaaká i daadeer deelo sleémeero.

WARA'AMI 58:2

Aasla'áy, baraá munerhunge tlakweema i tlehhahhitá'. Kuungaá malguuse baraá yaamuwo a múk daba tlákw.

WARA'AMI 62:9

Muu a adór hiinsluú tawo, tam múk ta ilaiwawa/i a tawo sleeme. Iilooeemaaín bira alqoomés i hakwaaiyá', sleémeero dinkwaaro ki islahh ta hiinsluwo.

WARA'AMI 64:6

Lohuuín nga amohhe'eesiyé' awa muruú tlákw kur tleehhi, ta kaahi, «Kangwrén ugwa qoomeesaán.» Naaqór baraá guruú hee, heé ga xuú' a heemá?

AXWEESANOÓ SAGALOOA 12:20

Al/ayma i baraá munér múk tlakweemaá eeharaahár, Ala múk muruú ganaá' gu qoomeemeés ta qwalalaa/.

AXWEESANOÓ SAGALOOA 19:21

Muu muruú yaariír gun mak qoomaamees, Ala gár tleehharuut a tidá' AAKOÓ MUNGÚ aa ya/án.

AXWEESANOÓ SAGALOOA 26:23

/Ayma'aá tsuuá' awa heé inslaway tlákw a adór qambesamoó taa parootuús.

ESEKIELI 17:9

«Hám daxta anuú Aakoó MUNGÚ u yaahamiís, Xáy, xa'anoowuú sabiíbu iqo harmá/i? Ahaá xáy, dee/áruuwós kuqo tu/iikáhe, kuqo dee/ár altu/iikáhe nee mamuuwós niri dixiyá', nee haleemaawós kudá' dutlutluu/á' niri /ootsiyá'. Heé /uuruú koóm laqaá slaqwaruuse a sla'aanaaká nguwa dee/áruuwós altu/iya'.

DANIELI 10:1

Kurkú tám oo waawuti'iimár Koreshi, waawutmoó Persia, axweesantá Mungú kana geehhooeés dír Danieli, kudá' taa báy Belteshasa. Geehhooeemaaká' awa tsuwa ló', a daanduú slaqwarár ur. Inós geehhoeemaaká' giri tsaáhh nee iigu'utudá' guri xuú'.

DANIELI 11:28

Waawutmoó /iya iri waátl baraá yaamuuwós ar daqaari'iimár yaariir, ala baraá muunaáwose gár i aldakuuti a adór alqadór hhohho' ngiri warqeesi. Adoodá' inós i slai gari tleehh iri kií/ baraá yaamuuwós i aleeró.

DANIELI 11:29

«Qoomaadá' taa qaás bira bó/, inós yaamaá basa gi i haratláy wa'aá hatlae, ala waiikae ado gu alxir'imít.

DANIELI 11:35

Muu bahh'ale kuduú sagalooár koóm ku tsuu/ as inooín kiwa hhoohhooeesi, nee kiwa hamaatli ay qoomár alhhe'eesaay, asma alhhe'eesaay hamí aa xayká.

DANIELI 11:40

«Qoomár alhhe'eesaay birna xeér waawutmoó basa i haratláy amór waawutmoó /iya, ala waawutmoó /iya iri fi'iit ar /uuru adór bambaao ar gaardaá faras, nee mukdá' faras gwa i tsa/an, nee miriingér yaariir. Yaamaá yaariir giri haradah iri waaraahh adór alwuór ma'aay.

DANIELI 8:17

Gabrieli niri tseewúy didá' aníng nay sihhiít. Aníng niri da'ayuút ló'wa aleeró, niri gurúr qaát. «Ala aníng iri báy, ‹Aá heewí, iigu'utudá' taa aán gár i kaahi a daanduú muruú deelór alhhe'eesaay.›

DANIELI 8:19

Aníng iri báy, ‹Iia qaaseek, aníng buhhtá Mungú ngi oó' adór i laqiya'. Iigu'utuwí a daanduú qoomár alhhe'eesoó yaamu.

HABAKUKI 2:3

Asma iigu'utuuwí qoomár kus hariím i deer, a kángw ló' oo alhhe'eesaydá' gaanslár hardáh. Barnaxes i tligatliik, kuúng daameek, asma looeemawo niqo hardah, i tligiiká.

Tlehhema'aá ya/Abuuse 1:7

Iri oó', «Siiwadá' nee qoomaadá' Baabá aa qaás baraá aleesleemuuwose a gadiyérhungeeká kawa xua'.

Tlehhema'aá ya/Abuuse 17:31

Asma Mungú deelo gaa qaroó qaás, tidár múk baraaká' yaamu nguwa sakwasleemuuti ar gan'amu. Kwasleema dír heé ngay haniís a kudá' inós aa tsawaár. Nee Mungú gaarí gana geehhoatís ló'wa ale dír muu sleémeero, qoomár heedaádá' kuwa waasle/atís baraá múk aa qaátl wa ale.»

1 Tesalonike 5:1

Hháe, ala kángw qooma nee siiwa ar muruuwí i tleehharuuti gár ngis kuungá' i gooiim i káhh.