DANIELI 11:23 - Biblía Axweesantá Hhohho' ar Mungú 2004

²³ Inós al'axweesantá mulqi'iima ga tleehh nee xoordaá hatlá' ar loohír al/ayma. Inós /uuru gu ló'wa sláy, tam handá' inós xoorór niina ga sawaawuti'ina.

DANIELI 11:23 Iomraidhean Croise

IIMU/UUNGW 34:13

Daaqoó Yakobo, Shekemu nee baabuúwós Hamori nguna al/ayiyé', asma hho'or'ín Dina kana dasu'uuma hhitín.

WARA'AMI 52:2

Kuúng muruú tlákw un qoomeemés, lama an axwés umuú qoomaaro. Tsifraangók a adór asla.

AXWEESANOÓ SAGALOOA 11:18

Heé tlaákw baraá tlakweemaawo slaasláwár kumiit ga slayká; Ala heé hotaawós ganaa'á' slaasláwár ló' ga sláy.

DANIELI 11:22

Slaqwaruuse dinkwa nee kaahamuusér Doó Mungú gi slururu'uus.

DANIELI 11:24

Inós yaamuudá' diihhoo' gi qawti i haraatláy, nee muruú i tleehhi baraá taati'iiwose heé gwa tleehh i kaahh. Inós haasaáng gu qasiis dír múk inós gwa eehar. Inós ga ístí tsaát gixsadaá gawden ngiwa hhitin, ala a har qoomár niina.

DANIELI 8:24

Inós i ló'wa aleesleemuú kón, nee muruú yaariír gu ló'wa hhitín, umuú gaaro ar i tleehhamór wa slai ga aleesláy. Múk yaariír oo iia tleér nee múk hhohhó' oo Mungú gu hhaamiis.

DANIELI 8:25

Asma inós tawa fuqurusmo baraá muruú tlakwe i ló'wa waaraahh nee tiri xirfayees. Múk yaariír gu naaqo tsuu/ nee sleeme inós nee geeraharusmoó geeraharuuse ti tlaampa'aasiyá', ala inós ku suqúy nee Mungú tam dákw hee gur gadiyusiiká.

Rumi 1:29

Inooín tari haáts daa'aweemaá tlakweemaawo, ilatleerír peésa, nee hheehha nee tsaatu'uuma. Tari haáts da/ito, nee tsu/uta nee gila, nee al/ayma nee fola. Tari kaantín,

2 korinto 11:3

Ala aníng a daimiít as kuungá' tunduwa al/ayi baraá inslawayhunge, tam kuungá' sla'aarirhúng tidá' ur ar hhoohhoo' ar Kristo kuwa sla'a' kari geexeerá', adoodár dayshamooduú al/aymusmo aáng Hawa ngira al/aáy.

2 Tesalonike 2:9

Heedá' Tlaákw nin hardah ar /uuruú Neetlaangw, nee inós umuúqo waa/oo/amooro ga tleehh, nee layaá al/aymaaro.