DANIELI 11:21 - Biblía Axweesantá Hhohho' ar Mungú 2004

²¹ «Waawutmoó aluú wa hardáh ku ló'wa tlaákw tam waawuti'iimaro i harinká, inós nin hardah ar al/ayma nee waawuti'iima gari tláy.

DANIELI 11:21 Iomraidhean Croise

WARA'AMI 12:8

Tlakuuse i harweeririín umuúqo diiro. Umuúqo heewo i tlakweemaá xirfayeemiis tla/ángw múk wa ale.

WARA'AMI 15:4

Heewí tlakuuse gan waaqaqaa', nee múk AAKOÓ MUNGÚ slaá' gun ilaiwawaa/. Gár aa al'axweesantá wa qaás ga warqeesiiká tam bir aleemaá huwahúp dirose.

WARA'AMI 55:21

/Aymi'iiwós i tsuiyá' di/tá /awak ba/a. Ala muunaáwose gaa a slaqwara. /Aymi'iiwós i natsaatsaiyá' adór di/i, ala i tlaaqaná' adór siíme.

ISAYA 32:5

Heé daktani ku sangw baloó bayká, heé daharuú koóm, nee al/aymusmo ku sangw baloó bayká, «Heé ta ilaiwawa/i.»

DANIELI 11:20

«Inós kunguri aluhaar nee waawutmoó hatlá', inósuuwí heewós gu ya/aaw oo ohmér uhiím as daqaari'iimarós ngiwa doogi. Waawutmoowí ku gaas alaá deelór niinawe ala ku gaasiiká baraá slaqwara laqaá ar geehhooeema.»

DANIELI 11:32

Mukdaádá' alqadoodá' hhohho' gaa sii' gun afa /aasl. Ala mukdá' inkihhimú koóm dír Munguúine tan sihhtano hhe'ees, ado kay warqees.

DANIELI 11:34

Qoomár barki tsuu/ inooín alee/isoó niiná ngu slayá', múk yaariír i dír inooín i haragwaa' ar hhahhafiingw.

DANIELI 11:7

Baraá xwaylár dasiirihe heé wák waawuti'iima ga sláy. Heewí in haraatláy baraá yaamaá /iya nee maray'ín kudá' koo/i gawden giri haradah giri baal slaqwararo.

DANIELI 4:17

Gaarí an sakwasleemadá' taa oó' nee malaykér Mungú, a gár taa oó' nee inooínaadá hhohho', as muu sleémeero umuú diiro kawa tsaahhi adór Munguú úr ir aleesleemuú kón daanduú waawuti'iima sleémeero ar muko, nee inós waawutmoó i slai gun tsawaar, tam heedaádá' liitlaákw kuduú alhhe'eesáy gun waawutmoó wá qaas.

DANIELI 7:8

Qoomár niwa xareemiwós aldakuut, naxés xarmoó wák oo niiná i ti'imiit baraá tla/ángw xareemidá' mibángw wa alé. As xarmoodá' pa/aangw nguwa slay xareemidá' awa tám kina dee/aruuín altu/ún. Ilaá makiito'oodá' a adór kuqaá hee, nee afkose /ayma'aá taqanaa/i ginar axwés.»

DANIELI 8:23

«Qoomár waawuti'iimarí bar alhhe'eesaywós gwa eér, nee tlakweemaaín naa bu'uutiyé' alhhe'eesay ngwa ayé', waawutmoó wák oo fuqurángw koóm oo /uuruú koóm ni hardah.

DANIELI 8:25

Asma inós tawa fuqurusmo baraá muruú tlakwe i ló'wa waaraahh nee tiri xirfayees. Múk yaariír gu naaqo tsuu/ nee sleeme inós nee geeraharusmoó geeraharuuse ti tlaampa'aasiyá', ala inós ku suqúy nee Mungú tam dákw hee gur gadiyusiiká.

DANIELI 8:9

Baraá tla/ángw xareemiwós kudá' tsiyahhe, xarmoó wák ina ti'iít oo niiná, iri ló'wa uráy, iri kumiít bihhaá baskú wa alda/aáw nee ina kumiít amór yaamuudá' ló'wa xiríf.

NAHUMU 1:14

AAKOÓ MUNGÚ hara'aya ngaa oó' daanduwoge, i kaahi, «Hee tumu wák oo tlahhaywók gu doók u sleeraaká. Murslaaqatuuwók kudá' taa tléhh, nee kudá' taa weeqatís, in naasúw baraá doó Munguúwók wa alé. /Antaarók an foól asma kuúng tu tlaákw.»

1 SAMUELI 3:13

Asma una ádbaabáw adór do'ós ngur sakwasleemuút kureerisleém, as tlakweemaadaá do'ós i xui, ar daaqaywós iwa aníng /oosliislin, ala inós gwaa har'oohiiká.