DANIELI 11:17 - Biblía Axweesantá Hhohho' ar Mungú 2004

¹⁷ «Waawutmooduú /iya oo haratleemu gwaa ístí tsaat ni hardah nee slaqwaruuseerós sleémeero, inós al'axweesani ga tleehh nee ga boo/ees. Dasiirós gari haniis as kawa duuxi as waawuti'iimár wakusmoowós ngiwa hhaamisi, ala adoorós tidá' i slai i ya/andaaká nee gár nguwa bu' i káhh.

DANIELI 11:17 Iomraidhean Croise

2 WAAWITÁ 12:17

Qoomaarihe Hasaeli waawutmoó Aramu gixsár Gati gana i haraatláy nee gari hayóh. Ala Hasaeli iwa kumiít haratleemuwo ay Yerusalemu,

2 QOM'I 20:3

Yehoshafati iri ló' wa da'ayuút, AAKOÓ MUNGÚ guna ló'wa firín nguwa gan'aasi. Afo gari ilahariís dír muu sleémeero oo yaamaá Yuda as tawa gwaawin.

WARA'AMI 56:9

Daqaní wakuuser'eé' i alií kí/, bál án kuúng bura ateét. Tí a xuú', adór AAKOÓ MUNGÚ i bartaeé' i dirii'i,

AXWEESANOÓ SAGALOOA 19:21

Muu muruú yaariír gun mak qoomaamees, Ala gár tleehharuut a tidá' AAKOÓ MUNGÚ aa ya/án.

ESEKIELI 17:17

Tí ar ló', waawutmo Farao dinkwa nee slaqwaruuseerós tidá' yaariire /iisaro gu aleeslayká dír waawtmoó Babuloniro, qoomár waawutmoó Babuloni koo/ir'ín birnga harweér as múk yaariír nguwa tsu/i.

ESEKIELI 25:2

«Heewí, amór múk Amoni i warqaweek, aariím daanduuine.

ESEKIELI 4:3

Naagáy hhartá muqsli taataahheek ka sihhtís adór koo/ír kuúng nee gixsa nu paraatl. Daqaní guruuwók ku amór gixsarí ta harweér xu'ús, ka laqaán adór gixsarí kara harweér. Layár kawa harweeri tleehheek. Gaarí a laya dír xoorór múk Israeliwo.

ESEKIELI 4:7

«Gimáy, ilaawók kiririhheek amór gixsár Yerusalemu, tidá' taa harweér, dakók oo kaahaár ku laqaán, ta aariín daanduuwose.

DANIELI 11:19

Inós iri kii/ baraá gixsadaá ayaawós, ala inós ti sadukuuts nee kuri baal baraá slaqwararo, gaarí an alhhe'eesaywós.

DANIELI 9:26

Alaá wiikadaá mibeeri lahhoó' nee tsare heedá' taa iimbalaáx di/to ku amór saáwí kwaahh nee gár gu i meet i káhh. Gixsa nee didá' hhoohhooe ki ló'wa hhitín nee slaqwaruusér waawutmowo. Alhhe'eesaywós birna hardáh a adór alwuo, slaqwara nee hhamiimis adoodá' Mungú ngira ístí tsaát.

HABAKUKI 1:9

«Inooín sleémeero nin hardihiyá' as malgu'uuma ngiwa tleehhiya', gitsee/er'ín i xarásl adór fur'ár da/aá daahh, nee múk taa haasaáng wa ohín kun buruumbuur adór hhaasaángw.

Matayo 12:30

«Heé barte'eénií diriiaaká, kwí a aníng ina sií', nee kudá' burumburiimaaká dinkwa nee aníng, inós in tsaafimiis.

Luka 11:23

«Heé barte'eéní diriiaaká, kwí a kudá' án iga sii', nee kudá' burumburiimaaká dinkwa nee aníng, inós in tsaafimiis.»

Luka 9:51

Qoomár deeloorós ar kuwa gáwtí huwi iwa tseewuúr, inós iri piíhh iwa Yerusalémúr kay.

Rumi 8:31

Ala ma ooaán gawaá daanduú tihe? Mungú bir bartarén i dirii', heé atén ti tlaampa'aás a heemá?