DANIELI 11:15 - Biblía Axweesantá Hhohho' ar Mungú 2004

¹⁵ Naagáy waawutmoó múk /iya gixsadaá koo/i gawden gin harweer giri hayoh. Slaqwaruusér waawutmoó basa mukdá' gu sangw daandaaká tam kudá' taa tsawaár, asma inooín /uuru ku slayká.

DANIELI 11:15 Iomraidhean Croise

YEREMIA 33:4

Asma anuú AAKOÓ MUNGÚ, Munguú Israeli, a kah daanduú maraá gixsár Yerusalemuro nee maraá waawituú Yudawo, marayká' kina feé/ as kahhó' kiwa ufér hhapérár tlehha', as tiwa xuunda' nee mukdá' slaáqw oo gixsa ngaa harweer.

YEREMIA 5:10

Tlawsé', waaraahhé' ar baraá qamuuwós awa sabiíbu, umuú gaaro hhitimaak, ala ma ak faaka hhe'eesara'. Haleemiiwós na tsataak, asma awa AAKOÓ MUNGUHEEKÁ.

YEREMIA 52:4

Bál slahhángw mibaangw tawa mibaangw, oo kurkú gwaleél iimír Sedekia tawa waawutmo, waawutmo Nebukadnesa oo Babuloni nee slaqwaruuserós tana haratláy amór gixsár Yerusalemu, gixsa kari /amatseék bihhe sleémeerowo.

YEREMIA 6:6

AAKOÓ MUNGÚ Aleesleemusmo i kaahi, «Xaaiwós tsataak, koo/ír Yerusalemu ka hhapeérí ki/isá' bihhe sleémeero. Gixsarí i hariín kawa sakwasleemuti, asma gár aa hats baraawose a /ayta.

ESEKIELI 17:17

Tí ar ló', waawutmo Farao dinkwa nee slaqwaruuseerós tidá' yaariire /iisaro gu aleeslayká dír waawtmoó Babuloniro, qoomár waawutmoó Babuloni koo/ir'ín birnga harweér as múk yaariír nguwa tsu/i.

ESEKIELI 4:2

Laqaameek, adór kara harweér. Slaqsoó koo/irós nee slumtós bihhaawósí gooimeek, slumaá slaqwaruuse bihhaawós i tleehheek, nee gufteeraá gixsa kar fe/iiti.

DANIELI 11:14

Aluuwo múk yaariír waawutmoó múk basa gu sii'. Muu bahh'alé oo xaraásl baraá xoorooroge ngu si'iyá' as iigu'utu iwa boo/i, ala inooín gár i buiya' i káhh.

DANIELI 11:6

Alaá kureeraá niina birna waarahhiyé', waawutmoó basa al'axweesantá mulqi'iima ga tleehh nee waawutmoó /iya, nee dasiirós gari haniis dír waawutmoó /iya. Ala mulqi'iimar'ín i tlikká gwa'araro. Asma dasiirós nee na/oó aa xwayluúr, nee hhawaatuwós nee sagadiyuseerós tidá' nee inós taa alkone' kin tsuu/.

DANIELI 8:7

Gurtuudá' una ár gwaanduudá' guna hara suruúk. Gwaanduudá' guna i buúhh ló'wa ale, guri haraa/akuút ar /uuruuwós sleémeero, xareemidá' tsaraawo giri giqáy. Naxés gwaanduudá' sihhtanór geeraá gurtuudá' gaa aleeslayká. Ala kuna yaamií daáhh, kuri kal/aa/án, hee tumu wák i kaahh oo gwaanduudá' gwaa tuu/ dír gurtuudae.

YOSHUA 1:5

Hee tumu wák i kaahh oo kuúng u tlampa'aás baraá deelór hotaawók sleémeero. Aníng nee kuúng a dinkwa, adoodá' aníng nee Mose tara dinku'uusaán daqisleém, kuúng gár uwa /aaruw i káhh, nee u geexawaaká.