DANIELI 11:13 - Biblía Axweesantá Hhohho' ar Mungú 2004

¹³ «Naagáy waawutmoó /iya slaqwaruusér yaariir ar tidár geera ga baa/ gari amohhe'ees. Alaá kureeraá niina birna waaraahhiyé', nin hardah nee slaqwaruusér yaariir ar taa qaroó amohhe'eés ar xoslaá yaariír koom awa slaqwara.

DANIELI 11:13 Iomraidhean Croise

DANIELI 11:12

Inós iri dara/uut as baalidá' aa sláy nee slaqwaruusedá' kumér yaariir ar /iya ngiwa tsuú/, ala baali sleemuuwo i baloó ki/iiká.

DANIELI 11:14

Aluuwo múk yaariír waawutmoó múk basa gu sii'. Muu bahh'alé oo xaraásl baraá xoorooroge ngu si'iyá' as iigu'utu iwa boo/i, ala inooín gár i buiya' i káhh.

DANIELI 11:40

«Qoomár alhhe'eesaay birna xeér waawutmoó basa i haratláy amór waawutmoó /iya, ala waawutmoó /iya iri fi'iit ar /uuru adór bambaao ar gaardaá faras, nee mukdá' faras gwa i tsa/an, nee miriingér yaariir. Yaamaá yaariir giri haradah iri waaraahh adór alwuór ma'aay.

DANIELI 12:7

«Heedaádá' aa sihhiit bihhaá gawa awa yaae, kudá' tlabaá neewór kitaáni gaa dahaas, dabaawós tsaraawo giri gáwtí tleés, nguri axaás i lo'ór /aay ar umuú Munguúdá' hotatiím ay kureeraá kureér, ‹Baala i xeér ar afiqoomadaá tám nee tlaqi qoomár slahh'amuú múk hhohhó' bira faák, muruuwí sleémeero daqaní i boo/.›

DANIELI 4:16

Fuquraangós kudá' oo heeuuma warqesaak, fuqurangduú makiito'ór sla/a haniisaak har afiqoomár kureeraá faanqwe.›