DANIELI 11:10 - Biblía Axweesantá Hhohho' ar Mungú 2004

¹⁰ «Daaqoó waawutmoó /iya slaqwaruusér yaariir ngi burumburiyá' nee slaqwararo tari amoohhe'eesiyá'. Slaqwaruuseedá' iri geerií kumít adór alwuór ma'aay nee tari slaaqw ay dír koo/idá' gawit ar wakuuser'ín.

DANIELI 11:10 Iomraidhean Croise

ISAYA 25:12

Gixsaduín kudá' koo/i tledaadet gin yaamií daahh, giri inslah giri yaamúr tsataat, giri teerúy.

YEREMIA 51:42

Tlawi naa haratleér amór Babulonírí ale, Babuloni kaa tuuntuúk nee /ur/urtá gwaanduú ma'aay.

DANIELI 11:22

Slaqwaruuse dinkwa nee kaahamuusér Doó Mungú gi slururu'uus.

DANIELI 11:26

Mukdaádá' nee inós dinkwár wa /ayimá' an mukdá' gu gaás. Inós kun gaas, nee slaqwaruuseerós ar yaariir kari slururu'uus.

DANIELI 11:7

Baraá xwaylár dasiirihe heé wák waawuti'iima ga sláy. Heewí in haraatláy baraá yaamaá /iya nee maray'ín kudá' koo/i gawden giri haradah giri baal slaqwararo.

DANIELI 11:9

Aluuwo waawutmoó /iya i haraatláy amór waawutmoó basa, ala inós i alií kii/ amór yaamuuwós.

DANIELI 9:26

Alaá wiikadaá mibeeri lahhoó' nee tsare heedá' taa iimbalaáx di/to ku amór saáwí kwaahh nee gár gu i meet i káhh. Gixsa nee didá' hhoohhooe ki ló'wa hhitín nee slaqwaruusér waawutmowo. Alhhe'eesaywós birna hardáh a adór alwuo, slaqwara nee hhamiimis adoodá' Mungú ngira ístí tsaát.