DANIELI 10:9 - Biblía Axweesantá Hhohho' ar Mungú 2004

⁹ Afoorós ngiwa axaás niri gurúr yaamií qaát nay slar/aát gu'uteero.

DANIELI 10:9 Iomraidhean Croise

IIMU/UUNGW 15:12

Nee looa iwa darat, Abramu gu'tér ilo' guri ót. Dae nee iimi giwtír hhamhhám guri ót.

IIMU/UUNGW 2:21

AAKOÓ Mungú hee guri gu'tér iló' i haniís. Hee iwa baraá gu'teérií dirii'i, AAKOÓ Mungú guri gweehhamoó wák tuú/, didaádá' gari fu'unár tuuntuúk.

YOBU 33:15

In axwees ar baraá tlata nee ar baraá iigu'utu, qoomár gu'utér ilo' muu burngwa ohiín.

YOBU 4:13

Xweerawo qoomár niwa baraá tlatáy dirii', qoomár muu sleémeero gu'utér ilo' nguwa ohahiin,

DAA'AANGW 5:2

Ana guú', ala muunaáeé' aa guiiká. Naxés afór sla'aarusmooeé' i afkú do' wa ateetiín. Afkú do' gweereek, hho'or'eé', sla'aaruso'or'eé', hhookir'eé' ar dakuús wasl, sagw'eé' aa naá/ har'uuwo, se'engw'eé' aa naá/ har'uú xweeraawo.

DANIELI 10:16

Naagáy, slaqsayko wák una ár oo adór hee, slufoeé' gina kwatiít, aníng nay ilawaáts, heedaádá' aa sihhiit bihhaeé' nguri báw, ‹Aá Aáko, iigu'utuwí iga ló'wa slahh'eés tam án nay bus'umiít.

DANIELI 8:18

Qoomár iwa amor'eé' axweesi, aníng ana xopiít gu'uteero amooqae aga gurúr qaát yaamií ale. Ala inós aníng iri taataáhh iri sihhtís.

HABAKUKI 3:16

Kaangwí sleémeero una axaás tam guruueé' ma'aay ngway dalaa/iyé'. De'eero afkueé' iri daaraxaát. Diqiyaeé' niri tsatiitiyé', ya'aaeé' niri daaraaxiyé'. Aníng baalaadár slahh'amu an daamaaraám ar qitla, tidá' hardah dír mukdá' amoorénií haraatlatláw.

Luka 22:45

Qoomár firooro iwa hhe'eés iri sihhiít, iri kií/ amór eeharuuseerós. Naxés inooín taa guú', as adoodá' tawa baraá gurhaamír i dirii'i.

Luka 9:32

Petro nee mukdá' ti koomá', gu'ute girira bá/. Ala niwa daarkiitiyé', xirfuuwós kuri ár, nee mukdá' tsár nee inós al sihhimiitá'.

Geehhoeemaá 1:17

Aníng qoomár nguwa ár, niri huú' dír ya'aawós i alé adór heé aa gwaa'. Dakós oo doó /iyáy nguri qaás gawaaeé' alé, iri oó', «Ma da'ayuumitaar. Aníng a kuduú geera nee kuduú alhhe'eesaay,