DANIELI 10:8 - Biblía Axweesantá Hhohho' ar Mungú 2004

⁸ Gawaá adoorihe tina kilooeé' geexáy a iigu'utuwí dae tlaáq ga/áw. /Uuruueé' iri faák, tam kalay'eé' iri warqáy niri tawo meét aga bus'umiít.

DANIELI 10:8 Iomraidhean Croise

IIMU/UUNGW 32:31

Yakobo Penieliro iwa waraahhi looa naa qaroó tsiiríhh, inós i soopín asma kutl/umoodá'.

TI'INAANGW 3:3

Aluuwo Mose iri oó', «Xáda xáy, aníng a haratseewúw as ngiwa ara hhe'ees, gaarí kitikiinti asla ngiwa al'ot ala ga /agká.»

DANIELI 10:16

Naagáy, slaqsayko wák una ár oo adór hee, slufoeé' gina kwatiít, aníng nay ilawaáts, heedaádá' aa sihhiit bihhaeé' nguri báw, ‹Aá Aáko, iigu'utuwí iga ló'wa slahh'eés tam án nay bus'umiít.

DANIELI 10:17

Anuú lawaalmo adór nee kuúngú aakooeé' tar axweesaan. As adoorí aga bus'umiít nee hiinsla tumu niiná oo aa meet i kaahh.›

DANIELI 7:28

«Gaarí a alhhe'eesoó kaangwí. Anuú Danieli niri daanda feehhiís, tam kalay'eé' iri warqáy. Ala kaangwí una alhooreés baraá muunaáeéní aleeró.»

DANIELI 8:27

«Anuú Danieli ana /araám, niri tiíq deelo alé. Niwa huunguú/ niri kumiít gadiyeedá' waawutmo iga bayi. Ala iigu'utudá' aníng ina waa/o/amórár áy, ala aníng ugwa tsaahhiiká.»

DANIELI 8:7

Gurtuudá' una ár gwaanduudá' guna hara suruúk. Gwaanduudá' guna i buúhh ló'wa ale, guri haraa/akuút ar /uuruuwós sleémeero, xareemidá' tsaraawo giri giqáy. Naxés gwaanduudá' sihhtanór geeraá gurtuudá' gaa aleeslayká. Ala kuna yaamií daáhh, kuri kal/aa/án, hee tumu wák i kaahh oo gwaanduudá' gwaa tuu/ dír gurtuudae.

HABAKUKI 3:16

Kaangwí sleémeero una axaás tam guruueé' ma'aay ngway dalaa/iyé'. De'eero afkueé' iri daaraxaát. Diqiyaeé' niri tsatiitiyé', ya'aaeé' niri daaraaxiyé'. Aníng baalaadár slahh'amu an daamaaraám ar qitla, tidá' hardah dír mukdá' amoorénií haraatlatláw.

Matayo 17:6

Eeharuuse afoodá' ngiwa axás, iri ló'wa da'ayút, iri yaamií slar/amít.

Marko 9:6

Asma sleémeero nina da'ayuutiyé', tam Petro iwa axweesi gár i kaahi ga xuiiká.

Yohana 16:32

Ga/aawaagáy, qooma i hardát, slám qooma naa qaroó hardát, ar kuungá' sleémeero tawa diyaya/ata', umuú heewo amoorós, nee aníng iri kilooeé' geexeerá'. Ala aníng a kilooeeneeká, asma Baabá nee aníng a dinkwa.

2 korinto 12:7

Geehhoeemisuudá' urén oo tinda aníng i haniís i ló'wa waa/oo/amór kón. Gawaá adoorihe laqaymo kunguna gawaá slaqwte'eénií dahaás, as aníng mawa daar/uút as daanduú geehhoeemisuudá'. Laqaymoowí naa sláw a malaykamoó Neetlaangw, oo tinda ya/aáw as aníng iwa slahhi, as aníng mawa daara/uút.

Geehhoeemaá 1:17

Aníng qoomár nguwa ár, niri huú' dír ya'aawós i alé adór heé aa gwaa'. Dakós oo doó /iyáy nguri qaás gawaaeé' alé, iri oó', «Ma da'ayuumitaar. Aníng a kuduú geera nee kuduú alhhe'eesaay,