DANIELI 10:16 - Biblía Axweesantá Hhohho' ar Mungú 2004

¹⁶ Naagáy, slaqsayko wák una ár oo adór hee, slufoeé' gina kwatiít, aníng nay ilawaáts, heedaádá' aa sihhiit bihhaeé' nguri báw, ‹Aá Aáko, iigu'utuwí iga ló'wa slahh'eés tam án nay bus'umiít.

DANIELI 10:16 Iomraidhean Croise

TI'INAANGW 4:10

Mose AAKOÓ MUNGÚ guri bay, «AAKOÓ MUNGÚ, iimír aange aníng axweesani a aleeslawaaká, tam alaá anuú sagadiyusmoowók nee kuúng tawa axweesaán, asma aníng ti inslahheeká axwesanto, tsifrangw'eé' ku iiloó'.»

TI'INAANGW 4:13

Ala Mose iri oó', «Aá Aakooeé', án kuúng u firiím, heé hatlá' ya/aaweek.»

DAHARUSMO 1:18

Asma baraá sagalooár yaariire, xurér yaariir i deer. Nee heé tsaahhár yaariir gaa slay, inós gurhaamír yaariir gan dogiit.

ISAYA 6:7

Afkueé' guri kwatiít ar gil'idaádá', iri báy, «Ga/aaweek tí afkók gwaa kwatít, dakuúsarók kaa hingeés nee tlakweemaawók kaa gurtláy.»

YEREMIA 1:9

Naagáy, AAKOÓ MUNGÚ afkueé' guri kwatiít ar dakós, iri báy, «Qaytsiít axweesante'eé' aga qaás baraá afkók.

ESEKIELI 1:26

Gawaá daanduú gaarihe gár adór slaqsoó kitángw waawuti'iima ana ár, kalaywós a adór kuduú yakútír sirboo/, slaqsoó adór hee aa gawaadá' i iwiít.

ESEKIELI 3:27

Ala qoomár bar nee kuúng a axweesaán, aníng afkók u waatleés, daqaní kuúng ki beer axweesanaywí ni kah, AAKOÓ MUNGÚ nguna oó'. Heé kuúng u iiárií qaás uqo iiárií qaas, oo axweesantók ga sií' gaqo sii', asma mukwí a múk aa dee/anumiit.»

ESEKIELI 33:22

Heewí niwa hardáh a matlaatle, laatí adór /isá'arós tsiindoowo aníng ilooeemaá /uuruú AAKOÓ MUNGÚ ina sláw. Matlaatlér looaytleérose heewí naa kotsqoot niwa dir'eé' i hardáh, aníng axweesani ngiri aleesláw.

DANIELI 12:8

«Aga mak tawo axaás, ala gár naa tsaáhh i káhh, ngway male yaahaás, ‹Aakooeé', alhhe'eesoó muruuwí sleémeero a adoomá?›

DANIELI 4:19

Qoomaarihe Danielidá' ta babay Belteshasa iri gurhamuút gár niinawe, nee inslawaywós iri amooqwaqwadín. Waawutmo Belteshasa guri báy, «Belteshása tlataaká' muwa dae tsatiyé'.» Belteshasa iri oó', «Aakooeé', tlataaká i pa/iye' amór mukdá' kuúng u ahhiít, nee gár tlataaká' i laqaaqana' i pa/ amór wakuuseerók.

DANIELI 7:15

«Iigu'utuudá' anuú Danieli iri dae tsaát, niri amoqwaqwadiím.

DANIELI 7:28

«Gaarí a alhhe'eesoó kaangwí. Anuú Danieli niri daanda feehhiís, tam kalay'eé' iri warqáy. Ala kaangwí una alhooreés baraá muunaáeéní aleeró.»

DANIELI 8:15

«Qoomár anuú Danieli iigu'utuwí nguwa ár nee nguwa aldakuut, naxés slaqsoó adór hee nina gaanslár hardáh iri sihhiít geeraaeé'.

DANIELI 8:17

Gabrieli niri tseewúy didá' aníng nay sihhiít. Aníng niri da'ayuút ló'wa aleeró, niri gurúr qaát. «Ala aníng iri báy, ‹Aá heewí, iigu'utudá' taa aán gár i kaahi a daanduú muruú deelór alhhe'eesaay.›

DANIELI 8:18

Qoomár iwa amor'eé' axweesi, aníng ana xopiít gu'uteero amooqae aga gurúr qaát yaamií ale. Ala inós aníng iri taataáhh iri sihhtís.

DANIELI 8:27

«Anuú Danieli ana /araám, niri tiíq deelo alé. Niwa huunguú/ niri kumiít gadiyeedá' waawutmo iga bayi. Ala iigu'utudá' aníng ina waa/o/amórár áy, ala aníng ugwa tsaahhiiká.»

DANIELI 9:21

heedaádá' ta bay Gabrieli, kudá' aáng naa geerií ár baraá iigu'utuwo, niri gaanslár /eét ay didá' aníng nay dirii'. Qoomaadá' an qoomár ilahhooár muruú ta tsu/i ar tsiindo kawa hanmaamisi.

Luka 1:64

Hamtidár kilae tsifraangós iri wanana'aát afkós axweesani gari ya/án iri axweés, Mungú gway xirfayeemiís.

Luka 21:15

Asma aníng /ayma'aá sagalooa ngi haniís, awa ta oa', tam wakuuserhúng sleémeero kuungá' tlaampa'aasaro nuy aleesleeraaká, nee sleeme axweesantahúng kay si'iiká.

Yohana 20:28

Tomas guri báy, «Aakooeé' nee Munguúeé'.»

YOSHUA 5:14

Heedaádá' iri oó', «Aasla'áy, án bartá naa áw i káhh, aníng a diirí dirií', asma aníng a geeraharusmooduú malaykér AAKOÓ MUNGÚ.» Yoshua iri tumbarara'aát, giti gari yaamúr óh as ilaiwa/ame, iri oó', «Aakooeé', aníng a sagadiyusmoowók, gár kuúng ta sla' ar ni tleehh a milá?»

Geehhoeemaá 1:13

Nee baraá tla/ángw kiteeridá' tsaa'asór kooma'a, heeko una ár oo adór slaqsoó garmoó hee. Hiyoó naa dahaás aa hardáh ay baraá ya'a', nee himuú sahaábu gwaa gawaá da/eewawósií tseék.

HAR'OHUUSE 13:8

Aluuwo Manoa AAKOÓ MUNGÚ guri firín iwa kaahi, «Aakoó Mungú, aníng kuúng u firiím heedaádá' naa ya/áp male ya/aawang as atén tiwa intsaahhatisi daanduú na/aydá' ta laqwaalana.»

HAR'OHUUSE 6:13

Gideoni iri oó', «Aáko, AAKOÓ MUNGÚ barnaxés i dinkwa nee atén, ahaá waáy adoorí atén mista sleér? Ahaá tlehhmi'iiwós kudaá waa/oo/amo aa tleéhh tindi alki/a/iti nee bariise i amoomá, tawa aain Aakoó Mungú ngina duúx baraá yaamaá Misrir wa ale? Ala hamí taa máy, taa haniís gawaá dabaá múk Midiani.»

HAR'OHUUSE 6:15

Gideoni iri oó', «Aáko, adór múk Israeli ngur tuu/ a adoomá? Tlahhay'eé' ku liitlaákw baraá Manasewo, slamí aníng ti iia tleereeká dír doó baabuúeene.»