DANIELI 10:13 - Biblía Axweesantá Hhohho' ar Mungú 2004

¹³ Heedaádá' úr oo waawuti'iimár múk Persia ina ilaá/ har afiqoomár deelo mibeeri tsár nee wake. Ala Mikaeli geeraharusmoó wák baraá geeraharuusér malaykeero, nina hardáh as iwa alee/iisi, gawaá adoorihe hám án ugwa didií geexáw nee geeraharusmoó múk Persia.

DANIELI 10:13 Iomraidhean Croise

ESRA 4:24

Doó AAKOÓ Mungú kuduú baraá gixsár Yerusalemu tlehhtuuwo kuri máy ay kurkú tsár oo waawuti'iimár waawutmo Dario, waawutmoó yaamaá Persia.

DANIELI 12:1

«Qoomaarihe Mikaeli, malaykamoó úr kuduú xuumusmoó mukók ni hardah. Qoomaadae slahh'amuú ló'wa yaariír i iimu/ún baraá yaamuwo oo aa baloó deerutiiká iimír xoordu niwa iimu/uné'. Ala qoomaarihe baraá mukoge, mukdá' taa ume gooín baraá kitaábuú slafiingw ku ba/amis.

Efeso 6:12

Asma wakuusér nee atén slaqwá' a mukooká, ala a waawitá nee kudá' aleesleemuú koomá', kudá' waawuti'iimá' daanduú yaamuuká' giwtír kooma'a, nee neetlaamér tlakw ar baraá yaamaá qeeru.

Kolosai 2:10

Tam kuungaádá' aga dinku'use' nee inós, slafíngw haáts ugwa sleeré'. Inós ku úr dír geeraharuuse sleémeerowo nee kudá' sleémeero aleesleemuú koomá' baraá qeeruuwo.

1 Tesalonike 2:18

Gawaá adoorihe ana sla'aán niwa daqawan. Anuú Paulo har geeraawo daqeemu una iiár, ay sagaáwa tsár sleeme. Ala Neetlaangw loohirén gari kaangaár.

1 Petro 3:22

Inós ina tsa/án gawaá doori, iri iwiít dákw doó /iyáy oo Mungú. Malayke nee kudá' aleesleemuú koomá' nee kudá' /uuruú koomá' kaa gawaá dabaawósií qaás.

Yuda 1:9

Ala tam Mikaeli, malaykamoodá' úr, qoomár tiwa tlaampa'aasiyé' nee Neetlaangw daanduú slaqwtá Mosewo, aa qiitliiká sleeme nguwa /ooslin, aqo ina oó', «Aako kuúng u iigahhaati.»

Geehhoeemaá 12:7

Gawaá dooriiwo slaqwara niri ti'ít. Mikaeli nee malaykeerós tari slaáqw as dayshamoodá' úr kuwa baali. Dayshamoodá' úr dinkwa nee malaykeerós tari slaáqw sleeme nee inooín.