DANIELI 1:8 - Biblía Axweesantá Hhohho' ar Mungú 2004

⁸ Ala Danieli ina tsabin baraá muunaáwós i ale muruú /aymadár waawutmo nguwa kwatitiiká, nee difaáirós tidá' i wahaahana, as dabaá tlakw mingiwa sláy. Iri tláy dír sagesihhtusmoduú múk taa karmuumúy, guri firín nguwa may as meetaawós mingiwa gaás.

DANIELI 1:8 Iomraidhean Croise

1 WAAWITÁ 5:5

Ga/aaweek, aníng do' u tleehhamór wa slaá' as umuú AAKOÓ MUNGÚ, Munguúeé' adór AAKOÓ MUNGÚ, baabuúeé' Daudi ngwaa báy, iwa kaahi, ‹Garmaawók kwí ni qaas gawaá kitaangók an heé do' gu tleéhh as umuueé'.›

WARA'AMI 106:28

Aluuwo niri haragwaaiyé' dír múk Ba'ali gu sluufmiís baraá yaamaá Peoriro, fu'unaá ilahhooár muruú taa tsuú/ dír gi'i ngiri /ayiyé'.

WARA'AMI 119:106

Al'axweesante'eé' aga oó', ngiri gawdeés ooaro, tidá' ganaa' kuúng ta kat an óh.

WARA'AMI 119:115

Quutlé' dir'eene kuungaásingá' tlakuúse, asma hara'ayár Munguúeé' ngiwa oh.

WARA'AMI 141:4

Muunaáeé' mu amór tlehhmuú tlaákw xu'usar, tlehhma'aá tlakw miwa intsaáhh, nee múk tlakweemaá tlehhahhiít mawa aldinku'usaán, tam muruú /aymar'ín kuduú gi'i muwa /aáy.

AXWEESANOÓ SAGALOOA 23:3

Muruú /aymaarós kudá' hhó' mu ilatleerusaar Asma a muruú /aymár al/ayma.

DANIELI 1:5

Waawutmo hara'aya gari oó' ar daaqaydá' kuwa /aymisi ar muruú /aymaadá' hhó' inós i /aa/ayi nee ar difaáidá' inós i wahaahan. Hara'aya gari oó' daaqaywí kuwa intsaahhatisi kureeraá tame, aluuwo kuwa huwi dír geeraá waawutmo.

DANIELI 5:4

Difaái ngina xufiyé' amooqae i munguaá hatlá' xirfayemisiyá', kudá' taa tleéhh ar sahaábu nee peésa nee ar muqslár sirda/aten, nee muqsla nee xaai nee tlaa/e.

Tlehhema'aá ya/Abuuse 11:23

Qoomár inós iwa hardáh, tsuuqaá Mungú ngiwa ár, ina qwalaá/, giri báy, «Aako ooha hhe'eesaak baraá munerhunge.»

Tlehhema'aá ya/Abuuse 15:20

Ala barwá masók an amor'íní gooiimaán as tiwa harmagaahhiya' nee muruudá' taa ilahhooár munguaá hatlá' wa haniís, nee tsaatu'uuma, nee fu'unaydá' makiito'ór taa af'óh, nee tseere.

1 Korinto 7:37

Ala baabuúdá' barnaxes baraá muunaáwose gaa slaá' iwa kaahi, dasir'eé' tí a haniisaaká, inós bir xurumiitiiká baraá muunaáwose, nee barnaxes gaa tleehhiiká ar harakeesa, ala inósuú kilá' adoodá' aa slaá' gana tsaát baraá muunaáwose, inós adór hhoo' gaa tleéhh.

2 korinto 9:7

Umuúqo heewo gár kuwa hariím a inós kilós gan aldaakw baraá muunaáwós i alé áx gár i haniisi a milá. Daqaní gadá' ngi haniisi ar sla'aarirós ar kilá', ala ar /uurutisarooká. Asma heé hanmiís ar qwal/amaaye, inós ku slaa' nee Mungú.

DABE 32:38

Kudá' muruú wahhaár oo taa ilahhooár wa tsu/é' gwaa /aay, nee kudá' difaáidá' taa ilahhooár wa hanisé' ngaa wahane' ta amá? Axáy gimsé' ni sihhitiye' nee nu alee/iisiye'. Gimsé' inooín pa/ángwií hanisaak tawa baqamorhúng.