DANIELI 1:7 - Biblía Axweesantá Hhohho' ar Mungú 2004

⁷ Sagesihhtusmoduú múk taa karmumúy daaqaydá' guri umér hatlá' i tsaát, Danieli guri báy Belteshasa, Hanania guri báy Shadraki, Mishaeli guri báy Meshaki, Asariya guri báy Abednego.

DANIELI 1:7 Iomraidhean Croise

IIMU/UUNGW 41:45

Farao umuú hatlá' oo Yosefu oo ayaá Misri guri tsaát, kuri báy Safenat-panea. Yosefu guri duuxutís ar dasír Potifera ar ta bay Asenati. Potiferawí a kaahamusoó gixsár Oni. Yosefu yaamaá Misri sleémeero giri alhi'iimiít.

2 WAAWITÁ 23:34

Farao-neko, Eliakimu garmoó waawutmo Yosia guri waawutmoó wa qaás kitángw baabuúwós Yosia, guri umuú /abén i tsaát kway báy Yehoyakimu. Ala Yehoahasi guri ar tláy ay yaamaá saawá' awa Misri, iri amoodá' i gwaá'.

2 WAAWITÁ 24:17

Nebukadnesa Matania maamoó Yehoyakini guri waawutmoó wa qaás kitaangose. Umuuwós guri warqeés guri báy Sedekia.

DANIELI 1:19

Tari axweés nee waawutmo, baraá masoombarí sleémeero oo adór Danieli nee Hanania nee Mishaeli nee Asariya i kaahh, as adoorí kiri tsawaár iwa gadiyuusiya' baraá doó waawutmoó wa alé.

DANIELI 1:3

Waawutmo Nebukadnesa Ashpenasiduú sagesihhtusmoó múk taa karmuumúy guri i axweés, as baraá tla/ángw múk Israeliwo múk maraá waawitá daáhh nee oo maraá ta ilaiwawa/i ngiwa tsawaari nee ngiwa huwi amoorós.

DANIELI 10:1

Kurkú tám oo waawuti'iimár Koreshi, waawutmoó Persia, axweesantá Mungú kana geehhooeés dír Danieli, kudá' taa báy Belteshasa. Geehhooeemaaká' awa tsuwa ló', a daanduú slaqwarár ur. Inós geehhoeemaaká' giri tsaáhh nee iigu'utudá' guri xuú'.

DANIELI 2:26

Waawutmo Danieli kudá' taa báy Belteshasa guri yaahaás guri báy, «Xáy kuúng tlataaeé' kudaádá' naa ár iqo tsuwa asleéra ngiwa xu'utis nee ngiwa waagwet?»

DANIELI 2:49

Slám Danieli waawutmo guri firín as Shadraki, nee Meshaki, nee Abednego kiwa uráy haniisi baraá yaamaá Babuloniro. Ala Danieli ina meét dír bihhaá waawutmo.

DANIELI 4:5

Ala tlata kaariya' awa iga dae tsatiye' ina tlatitiím, qoomár niwa guu' gawaá qatanir'eé' wa alé, inslawaydá' nee iigu'utudae aníng ina ló'wa dae tsatiyé'.

DANIELI 4:8

Alhhe'eesaywo Danieli niri hardáh, kudá' sleeme ta umuú Belteshasár ateetin, umuú Munguueé'. Inós qeeruú munguaá hhohho' gu koóm baraawose, aníng tlataaeé' ngiri alki/iít, una báw,

DANIELI 5:12

asma inós i qeeruú ganaá' kón, tlata gi waagweer nee tsaahharo nee xu'utiro. Inós tlata waagweeraro gi aleesláy. Umuú heewí a Danieli. Baabuúwók guna umií tsaát ku bay Belteshasa. Gimáy heewí ateetaak, inós gár gooirí i kat daqaní ngi oo'.»