DANIELI 1:4 - Biblía Axweesantá Hhohho' ar Mungú 2004

⁴ Daaqoó xaslxaansli wásl, oo hhohhó', oo sageeloén, awa xu'utír koomá', múk isláhh intsaahhasaro, kudá' gadiyér baraá doó waawutmo ngi aleeslawá', nee ngiwa intsaahhatisi gooír múk Kaldayoro nee tsifrir'ine.

DANIELI 1:4 Iomraidhean Croise

IIMU/UUNGW 41:46

Yosefu a heé kureeri mibeeri tám qoomár waawutmo Farao oo Misri sagadiyeede nguwa iimu/ún. Yosefu ina baraá doó waawutmo Farao wa ti'iít, yaamaá Misri sleémeero giri alhi'iimiít.

2 SAMUELI 14:25

Baraá múk Israeli sleémeero, heé taa iia tleereés hhohh'aariro oo adór Absalomu i kaakaahh. Iimír tsa/aá ya'aawós wa tleemu ay tan/ér sagós, Absalomu ku xaslxaansli wásl.

AXWEESANOÓ SAGALOOA 22:29

Heé baraá gadiyeérose fuqurángw koóm ugwa aándi? Heé adoorí i dír geeraá waawitá i sihhiit, inós u dír tla/ángw múk amoowásl i eeraaká.

DAHARUSMO 7:19

Sagalooa i /uuruú hanmís dír heé sagalooe, ta waawituú mibaangw oo gixsár sawaawuti'ii'ima.

ISAYA 36:11

Aluuwo Eliakimu nee Shebna nee Yoa geeraharusmoodá' nguri bayé', «Na'ás, axweés ar tsifrír Aramu, asma atén a axamiisaán, ma axwesaar ar tsifrír Ebrania, asma múk gawaá koo/ír wa xumiís i axamiis.»

YEREMIA 5:15

Anuú AAKOÓ MUNGÚ a kah, ‹Aníng xoororka wák ngi amór saáw wa huúw as kuungá' múk Israeli nuwa i haraatleer. Xoorór kuungá' ta baloó bal'aaká, xoorór bál qaro, xoorór kuungá' ta tsifri xua'aaká, laqaá tam gár inooín ta kaahi kuungá' a tsahha'aaká.

DANIELI 2:10

Mukduú Kaldayo tari oó', «Waawutámo, heé hara'ayarók tisíng boo/esaro ga aleesláw i kaahh baraá yaamuwo, asma tam heé úr laqaá waawutmoó /uuruú koóm oo /aymuú adór kwisíng gwaa yaahasár ay dír qwaslaarmo laqaá dír da/alusmo laqaá dír heé Kaldayo i baloó kaakaahh.

DANIELI 2:2

Waawutmo iri ya/abín qwaslaare nee da/aluuse nee múk Kaldayo nee xu'utuusér tlata kingiwa ateeti as gadaádá' aa ár baraá tlataawose ngiwa ooiya'. Mukdá' sleémeero nari hardát, tay sihhiít geeraá waawutmo.

DANIELI 3:8

Gawaá adoorihe mukko Kaldayo iri tláy as múk Yahudi kuwa sakwasleemuuti.

DANIELI 4:7

Naagáy qwaslaare, nee da/aluuse nee xu'utuusér tlata nee xu'utuusér tsatse/uwo kingay huúw. Ngiri tlataaeéni alki/iít. Ala inooín waagweermooro ngiri harslaqatiyé'.

DANIELI 5:11

Waawutámo, baraá ayaawoge heeko wák oo qeeruú Munguúdá' hhoohhoó' gu koóm i deer, qoomár waawuti'iimár baabuúwoge heewí una tsaahhaán inós tawa heé fuqurángw koóm, nee tsaahha nee sagalooár adór tiqár mungui. Baabuúwók waawutmo Nebukadnesa heedaádá' guna qaás tawa heé úr oo qwaslaare nee oo da/aluuse nee xu'utuusér tlata nee xu'utusér tsatse/uwo,

DANIELI 5:7

Waawutmo Belshasa iri tseé' ar afór ur as qwaslaare kawa huwi nee da/aluuse nee qwaslaarér tsatse/uwo. Qoomár niwa hardihiyé', waawutmo giri báy, «Heé gooirí soómaro ga aleesláw nee gár i kat ngiri oó', ku tlabaá hhohhó' í dahaas awa sirda/aten, nee kun isa himtuú sahaábií dahaas, nee kun heé tám wa qaas baraá waawuti'iimaro.»

DANIELI 9:1

«Kurkú geera oo Dario, garmoó Ahasuero heé Medi, iwa waawuti'ín baraá yaamaá múk Kaldayoro,

SEKARIA 2:4

Inós guri báy, «Ta'aaím masoomoodá' ku beer, ‹Yerusalemu kan al'iwiit nee muu, adór gixsár koo/ír koomaaká as muu kuwa yaariír, nee makaá ta de'en awa baraawós i diriiá'.

Tlehhema'aá ya/Abuuse 7:20

Qoomaadae Mose kuri laqwaál. Inós ku ló'wa hhoohhoó' dír geeraá Munguhe, kuri umín doó baabuúwose slahheeri tám.

Tlehhema'aá ya/Abuuse 7:22

Mose kuri intsaahhatimís sagalooár múk Misri sleémeerowo. Tari heé ilakaahaár baraá axweesanto nee baraá tlehhemi'iwo.

Efeso 5:27

Asma inós gár i slai a múk hhohhó' gun sláy, oo dakuús wásl, kudá' gár slasla/aar ga koomaaká, laqaá muruú tlákw oo dimbadimbé oo adór kwí, masók an múk hhohhó' oo xaslxaanslír koomaaká.

HAR'OHUUSE 8:18

Aluuwo Gideoni Seba nee Salmuna gina yaahaás giri báy, «Mukdá' taa tsu/é' baraá Taboriro a múk adoomá?» Inooín nguna mu/aywatsiyé' tana oó', «A slaqamís nee kuúng, asma a adór daaqoó waawutmo.»