DANIELI 1:20 - Biblía Axweesantá Hhohho' ar Mungú 2004

²⁰ Nee baraá umuúqo gaaro ar waawutmo ngiwa yaahamiisi ar sagalooa nee xu'utiro, inooín giri tsaáhh adór tara harwaaraáhh sagaáwa mibángw wa ale ta qwaslaareerós tidá' sleémeero nee da/aluuseero, kudá' sleémeero awa baraá waawuti'iimarós.

DANIELI 1:20 Iomraidhean Croise

IIMU/UUNGW 31:7

Slám inós aníng iga al/aáy, slaasláwar'eé' gari sagaá wa mibángw wa warqemaamiís. Ala Aakoó Mungú inós gwaa pa/ángw i haniisiiká oo aníng iwa hariiay.

IIMU/UUNGW 41:8

Tam matlaatleero looa niwa tleér, muunaáwós i ló'wa gurhaamuut. Muu guna ya/aáw as qwaslaare sleémeero nee mukdá' sageelooén oo baraá yaamaá Misri kiwa ateeti. Mukdá' niwa hardáh, Farao tlataawós giri alki/iít. Ala heé tlataawós waagweeraro gaa aleeslay i kaahh.

NEHEMIA 4:12

Múk Yahudi kuduú baraá tla/ángw wakuuseerén wa hoót qoomár axweesanay'ín kwí kuwa axamiís ki/imaá yaariire nina hardarahiyé' tawa kaahi, «Nin hardihiyá' umuúqo dír i hootiia tiwa i haratlaya'.»

YOBU 19:3

Ay waaiikaá mibaangw iga tlukakiindé', aqo murumita'aakáhe iwa adoorí tlaákwí tlehhita'.

WARA'AMI 119:99

Tsaahha a koóm tam intsaahhatuuser'eé' sleémeero ba/a, asma adoodá' kuúng ta kat an aldakuút.

TI'INAANGW 7:22

Ala qwaslaarér yaamaá Misri adoodár kilá' gana tléhh ar miislay'ín. Naagáy muunuú Farao iri gawdúy, tam inooín gaa iiárií qaasiiká, adoodá' AAKOÓ MUNGÚ ngira oó'.

TI'INAANGW 8:19

Nee qwaslaare Farao guri beér, «Gaarí ar dákw Mungú.» Ala Farao muunaáwós guri gawdeés, inooín gaa iiárií qaasiiká, adoodá' AAKOÓ MUNGÚ ngira oó'.

TI'INAANGW 8:7

Qwaslaarér yaamuudá' adoodá' gari tléhh ar miislay'ín, aamaxupa ngiri huwiyé' sleeme baraá yaamaá Misri.

ISAYA 19:3

Múk Misri iri sage qwaqwdín, aníng kangw'ín kudá' naa qoomeesiyé' un hhitiím, Inooín gurbua ngiri leehhiyá' dír slaqsi'idaá mungui nee dír gi'i nee dír iigu'utuuse nee da/aluuse.

ESEKIELI 28:3

Áx gimáy, baré ka xu' kuúng Danieli u bá/ sagalooaro, kuúng ka xu' naaqór ta xu'uká i káhh.

DANIELI 1:17

Mungú daaqaywí tsiyáhh guri fuqurángw i haniís nee xu'utír muruú yaariír nee sagalooa. Ala Danieli guri aleesleemuú í haniís oo igu'utu nguwa araa'ari nee tlataawo.

DANIELI 2:13

Hara'ayaarír waawutmo kari oó' baraá aya sleémeero. Mukdá' sageeloén kuri lak tsuú/. Muu Danieli nee hhaeewose kiri leelehhtú áy as kiwa tsu/i.

DANIELI 2:21

Inós qom'i nee siiwaduuwo gin warqeemiis. Waawitá gun gawaá kiteerií wa aweerimiis, oo hatlá' guri qamín, múk sageeloén gun sagalooár i hanmiis. Múk xu'utír koóm gun fuqurángw i hanmiis.

DANIELI 5:17

Danieli waawutmo Belshasa guri báy, «Waawutámo qeemuwók koomeek, nee bu'utuuwók haniiseek dír heé hatlá'. Tam nee adoorihe waawutámo, aníng gooisíng ngi soomuús nee gár i kat ngi oó'.

FAARO 14:22

hee i kaahh tumu wák baraá kuká' xirfuueé' nee waa/o/aamooro ngaa ariye', tidá' naa baraá yaamaá Misrír wa tleéhh nee baraá xaanxaywo iri alkomkaakoné' iiara'aduuwo ay waiká' mibaangw, nee afor'eé' ngaa iiárií qaasi'iiká,