DANIELI 1:2 - Biblía Axweesantá Hhohho' ar Mungú 2004

² Aako Mungú Yehoyakimu waawutmoó Yuda guna máy kuwa oohi nee waawutmoó Babuloni, nee xooslaá Doó Mungú giri bahh ar tláy ay baraá yaamaá Shinari, ay baraá doó munguúwós. Xosluudá' gari baáts baraá doó munguúwós.

DANIELI 1:2 Iomraidhean Croise

IIMU/UUNGW 10:10

Iimu/úngw waawuti'iimarós a yaamaá Babuloni, nee Ereki, nee Akadi. Gixsaduuká' sleémeero i baraá yaamaá Shinari.

IIMU/UUNGW 11:2

Alaá muu iwa bihhaá da/aáw wa tláy, xatsa kana ár baraá yaamaá Shinari. Tay amoodá' wa hoót.

2 WAAWITÁ 24:1

De'emaá waawutmo Yehoyakimuwo, waawutmo Nebukadnesa oo yaamaá Babuloni ina haratláy baraá yaamaá Yuda. Waawutmo Yehoyakimu Nebukadnesa guri sagadiyuús tleehhiít har afiqoomár kureeri tame. Aluuwo iri warqáy, iri dee/anuút.

2 QOM'I 36:5

Yehoyakimu waawuti'iima ngiwa iimu/ún kureeriiwós a mibeeri tsár nee kooán, ina baraá Yerusalemúr wa waawuti'ín kureeri mibaá nee wak. Inós tlehhma'aá tlakw gina tleéhh dír geeraá AAKOÓ MUNGÚ, Munguúwose.

2 QOM'I 36:7

Nebukadnesa sleeme xooslár Doó AAKOÓ MUNGÚ gana bahh ar tláy ay yaamaá Babuloni, gari qaás baraá do'ós oo waawuti'iima kuduú Babuloni.

ESRA 1:7

Slám waawutmo Koreshi xooslaá doó AAKOÓ MUNGÚ, kudá' Nebukadnesa naa huúw Yerusalemu wa alé, giri qaás baraá doó munguiiwós, inós giri ki/ís.

ISAYA 11:11

Slám baalaadae Aako dakós gu malé tlees as mukós kudá' meet baraá Ashuru nguwa ki/isi, nee kuduú baraá Misri, nee baraá Patrosi, nee oo baraá Kushi, nee oo baraá Elamu, nee oo baraá Babuloni, nee oo baraá Hama'ati, nee kudaá baraá ayeemoodaá afaá tlawi.

ISAYA 42:24

Xáy, heé Yakobo gwaa haasaáng tleehh nee múk Israeli gwa fiis, Xáy, a AAKOÓ MUNGUHEKÁHE kudá' atén taa sadakusaán, kudá' handá' lohuuwós ooharo taa siaán, nee dabeerós taa iialooesaniiká.

YEREMIA 25:1

Kurkú tsiyáhh oo waawuti'iimár Yehoyakimu garmoó Yosia, waawutmoó Yuda, AAKOÓ MUNGÚ afo gana haniís dír Yeremia as múk Yuda. Kurkudá' an kurkú geera oo waawuti'iimár Nebukadnesa, waawutmoó Babuloni.

YEREMIA 27:16

Aluuwo kaahamuusér Mungú nee muu sleémeero ina báw, AAKOÓ MUNGÚ i kaahi, «Aaruuserhúng ma iiárií qamiimara', tidá' aaririim tawa kaahi, ‹Qaytsiité', xooslár Doó AAKOÓ MUNGÚ kingi baraá Babulonír wa ki/is deeloorí tseewe. Asma inooín kuungá' nun al/aginá'.

YEREMIA 28:3

Har afiqoomár kureeraá tsár awa hi'iita'a, xoosla sleémeero ar Doó AAKOÓ MUNGÚ, tidá' Nebukadnesa waawutmoó Babuloni ira tláy, nee gari huúw ay Babuloni, ngin diirií ki/ís.

YEREMIA 35:11

Ala qoomár Nebukadnesa waawutmoó Babuloni, yaamuuká' ngiwa i haraatláy, atén tay ooaán, ‹Qwalaasé', a tlawaán Yerusalemu, as slaqwaruusér múk Kaldayo nee ar Aramuwo kawa ilaguwaan. Hám daxta an hootaán baraá yaamaá Yerusalemúr wa aleeró.› »

YEREMIA 50:2

«Afo ilahanisaak baraá xoorduwo, Bendeéra gáwtí tleesaak nee ka oá', ma gaa lu/aara', ooaak adór yaamaá Babuloni kira hayóh, munguú ta bay Beli kwaa mureekeés. Munguúdá' ta bay Merodaki kwaa dae tsaát, murslaaqatuuín kwaa mureekeés nee slaqsi'ii'ín kaa dae tsaat.

YEREMIA 51:44

Aníng munguúdá' ta bay Beli oo Babuloni u sakwasleemuút, nee gadaádá' aa guú/ aníng ngin kwarkwaár ngiri waa/. Xoordu i malé kumitiaaká daqaqángw amoorose, koo/ír Babuloni aa hú'.

DANIELI 5:13

Naagáy Danieli kuri huúw dír geeraá waawutmo, waawutmo guri yaahaás, «Xáy, kuúng a heedaádá' ta báya Danieli, kudá' baabuúeé' waawutmo naa baraá yaamaá Yuda wa húwi?

DANIELI 5:18

«Aá waawutámo, Munguú úr baabuúwók Nebukadnesa guna waawti'iimárí haniís nee uraay nee xirif nee aleesleemuwo.

HABAKUKI 1:16

Gaarí an gár baratsufay'ín ngus ilahhooár muruú ta tsú/í hanmiisiya', nee an gár baratsufay'ín ngus ilahhooár da/a/ángwí hanmamisiya'. Asma baratsufay'ín kudá' gaa diihhooár ar áy nee muruú /aymár yaariire.»

SEKARIA 5:11

Aníng iri báy, «Kan huuw ay yaamaá Shinari, kari dó'owí tleehh. Bál bar do' aa hhooáy, lakwaanti kari baraadií baats.»

DABE 32:30

Xáy, heé wák múk kumuú wák adór ngur guusi? Nee múk tsár adór múk kumér mibaangw ngur baali, aqo inooín birka kwaáhh nee tlaa/ar'ín, barnaxes AAKOÓ Munguúín ga geexáy?

HAR'OHUUSE 2:14

AAKOÓ MUNGÚ iri qa/iít buhhtaawo dír múk Isreli. Inós giri qaás gawaá dabaá mukdá' gaa i haraatlay. Inós gina ya/án kiwa arba/i nee wakuuser'ín bihhe sleémeero, tam sihhtanór geeraá wakuuser'ín ngiri harslaaqatiyé'.

HAR'OHUUSE 3:8

Gawaá adoorihe AAKOÓ MUNGÚ iri buúhh, múk Israeli guri máy kuwa baali, nee waawutmoó Mesopotamia oo ta bay Kushan-rishataimu. Múk Israeli Kushan-rishataimu nguri sagadiyuusiyé' ar har afiqoomár kureeraá dakaate.

HAR'OHUUSE 4:2

AAKOÓ MUNGÚ inooín giri máy kiwa baali nee Yabini, waawutmoó yaamaá Kana'ani, kudá' aa baraá Hasorír wa waawuti'in, nee Sisera yaamuloousmoó Harosheti-hagoimu, an geeraharusmoó slaqwaruusér Yabini.

1 SAMUELI 5:2

Aluuwo múk Filisti sandakmooduú Mungú kuri gagaár, kuri dahaás baraá doó munguúín kudá' ta bay Dagoni, kuri qaás dír bihhaá Dagoni.