DANIELI 1:19 - Biblía Axweesantá Hhohho' ar Mungú 2004

¹⁹ Tari axweés nee waawutmo, baraá masoombarí sleémeero oo adór Danieli nee Hanania nee Mishaeli nee Asariya i kaahh, as adoorí kiri tsawaár iwa gadiyuusiya' baraá doó waawutmoó wa alé.

DANIELI 1:19 Iomraidhean Croise

IIMU/UUNGW 41:46

Yosefu a heé kureeri mibeeri tám qoomár waawutmo Farao oo Misri sagadiyeede nguwa iimu/ún. Yosefu ina baraá doó waawutmo Farao wa ti'iít, yaamaá Misri sleémeero giri alhi'iimiít.

1 WAAWITÁ 17:1

Aarusmooko ta bay Eliya oo Tishbe oo yaamaá Gileadi, waawutmo Ahabu guri báy, «Ar umuú AAKOÓ MUNGÚ, Munguú múk Israeli kudá' slaáf, kudá' aníng ni sagadiyuus, tluwaay i baloó taxaatiiká, laqaá hara' u aandaaká ay dír aníng kaangw gway oo'.»

AXWEESANOÓ SAGALOOA 22:29

Heé baraá gadiyeérose fuqurángw koóm ugwa aándi? Heé adoorí i dír geeraá waawitá i sihhiit, inós u dír tla/ángw múk amoowásl i eeraaká.

YEREMIA 15:19

Gawaá adoorihe, AAKOÓ MUNGÚ i kaahi, «Barnaxés iga i kí/, aníng kuúng un adoodár aángií ki/ís, nee kuúng uri malé sagadiyusmooeé' tleéhh. Barnaxes axweesanoó lama ugwa meér, nee oo ganaá' bura axwés, daqaní kuúng an aarusmooeé' tleehhít. Muu nin amoorók i burumburiit, ala kuúng amor'ín a keeraaká.

DANIELI 1:18

Deeloodá' masoombadá' kawa tit'isi iwa xeér, sagesihhtusmoduú múk taa karmuumúy giri huúw dír geeraá waawutmo Nebukadnesa adór waawutmo ngira oó'.

DANIELI 1:4

Daaqoó xaslxaansli wásl, oo hhohhó', oo sageeloén, awa xu'utír koomá', múk isláhh intsaahhasaro, kudá' gadiyér baraá doó waawutmo ngi aleeslawá', nee ngiwa intsaahhatisi gooír múk Kaldayoro nee tsifrir'ine.

DANIELI 1:5

Waawutmo hara'aya gari oó' ar daaqaydá' kuwa /aymisi ar muruú /aymaadá' hhó' inós i /aa/ayi nee ar difaáidá' inós i wahaahan. Hara'aya gari oó' daaqaywí kuwa intsaahhatisi kureeraá tame, aluuwo kuwa huwi dír geeraá waawutmo.

DANIELI 1:6

Baraá daaqaywihe baraakarka a ín Danieli nee Hanania nee Mishaeli nee Asariya awa tlahhoó Yuda.

DANIELI 1:7

Sagesihhtusmoduú múk taa karmumúy daaqaydá' guri umér hatlá' i tsaát, Danieli guri báy Belteshasa, Hanania guri báy Shadraki, Mishaeli guri báy Meshaki, Asariya guri báy Abednego.

DANIELI 2:13

Hara'ayaarír waawutmo kari oó' baraá aya sleémeero. Mukdá' sageeloén kuri lak tsuú/. Muu Danieli nee hhaeewose kiri leelehhtú áy as kiwa tsu/i.

DANIELI 3:29

«Gawaá adoorihe aníng hamí an kah, umuú tlahhaywo nee umuú xoorooro nee umuú tsifriro ar múk /aymuú harimaaká gu oo' daanduú Munguú Shadraki nee Meshaki nee Abednegowo, xoorór adoorí mukós kun supín tay kaeemaá dimbadimbé, maray'ín tay taangu. Asma Munguú hatlá' oo hee gu aleesláw ba/amisaro ar loohír adór tí i kaahh.»