DANIELI 1:17 - Biblía Axweesantá Hhohho' ar Mungú 2004

¹⁷ Mungú daaqaywí tsiyáhh guri fuqurángw i haniís nee xu'utír muruú yaariír nee sagalooa. Ala Danieli guri aleesleemuú í haniís oo igu'utu nguwa araa'ari nee tlataawo.

DANIELI 1:17 Iomraidhean Croise

1 WAAWITÁ 3:12

gawaá adoorihe, ga/aaweek, adoodá' kuúng ta sla' ngi tleéhh, muunuú sagalooa nee fuquraangw ngi haniís, geeraawoge heé adór kuúng i kaahh, tam aluuwoge heé sihhiít oo adór kuúng ga áw i kaahh.

1 WAAWITÁ 3:28

Múk Israeli sleémeero kángw kwasleemarír waawutmo aa tsaát, kuri axaás, inós kuri ló'wa daimiít, asma adór sagalooár Mungú ir baraawós kana ár, asma qaa/aay nguwa tlaaqi ar gan'amu.

2 QOM'I 1:10

Gimay daxta sagalooa nee xu'uti haniisang, as kahhó' mukók kwí nguwa sawaawuti'iima ar adór ganaa', asma bar adooriheeká mukók kwí adoorír yaariír adór ngur aleeslaw sawaawuti'iimaro a adoomá?»

2 QOM'I 1:12

Aníng sagalooa nee xu'utiro ngi haniís, nee aníng sleeme daqaari'iimár ur ngi haniís, nee diihhooaro, nee ilaiwa/amér ur tidá' handá' waawutmoó geerawoge gaa slay i kaahh, laqaá oo sleeme aluuwoge ga sangw sláw i kaahh.»

2 QOM'I 26:5

Inós AAKOÓ MUNGÚ guna leeleehhiít qoomaadá' Sekaria iwa slafi, kudá' inós gwa intsaahhatis Mungú nguwa ilaiwawa/i. Adoodá' AAKOÓ MUNGÚ ngura leeleéhh, an adoodá' ngura aleesleemú i haniís.

YOBU 32:8

Ala baraá heewo qeeru i deer, hiinsluuduú Munguú Aleesleemusmo hee gu fuqurángw i hanimiis.

AXWEESANOÓ SAGALOOA 2:6

Asma AAKOÓ MUNGÚ sagalooa gan hanmiis, baraá afkose gár ti'imiit a xu'uti nee tsaahha.

DAHARUSMO 2:26

Mungú sagalooa, nee fuquraangw nee qwal/amaaye gan haniis dír heé inós gu sla'atimís, ala heé tlaákw guna gadiyér gawídií haniís ar bu'uungw nee buruumburiingw, nee tidá' taa sláy kari haniis dír heedá' Mungú gu sla'atimís. Tí sleeme a tawór huwisha, nee a adór heé fur'a gaa alta'aain.

ISAYA 28:26

Hee gár i tleehhi ga xuu', asma kuna intsaahhatís nee Munguúwós.

ESEKIELI 28:3

Áx gimáy, baré ka xu' kuúng Danieli u bá/ sagalooaro, kuúng ka xu' naaqór ta xu'uká i káhh.

DANIELI 1:18

Deeloodá' masoombadá' kawa tit'isi iwa xeér, sagesihhtusmoduú múk taa karmuumúy giri huúw dír geeraá waawutmo Nebukadnesa adór waawutmo ngira oó'.

DANIELI 1:20

Nee baraá umuúqo gaaro ar waawutmo ngiwa yaahamiisi ar sagalooa nee xu'utiro, inooín giri tsaáhh adór tara harwaaraáhh sagaáwa mibángw wa ale ta qwaslaareerós tidá' sleémeero nee da/aluuseero, kudá' sleémeero awa baraá waawuti'iimarós.

DANIELI 1:4

Daaqoó xaslxaansli wásl, oo hhohhó', oo sageeloén, awa xu'utír koomá', múk isláhh intsaahhasaro, kudá' gadiyér baraá doó waawutmo ngi aleeslawá', nee ngiwa intsaahhatisi gooír múk Kaldayoro nee tsifrir'ine.

DANIELI 10:1

Kurkú tám oo waawuti'iimár Koreshi, waawutmoó Persia, axweesantá Mungú kana geehhooeés dír Danieli, kudá' taa báy Belteshasa. Geehhooeemaaká' awa tsuwa ló', a daanduú slaqwarár ur. Inós geehhoeemaaká' giri tsaáhh nee iigu'utudá' guri xuú'.

DANIELI 2:19

Xweeradae tlataadá' nee gár i kaahiia kina laqán dír Danieli ar baraá iigu'utu. Danieli Munguú doori guri diidi'imiís.

DANIELI 2:21

Inós qom'i nee siiwaduuwo gin warqeemiis. Waawitá gun gawaá kiteerií wa aweerimiis, oo hatlá' guri qamín, múk sageeloén gun sagalooár i hanmiis. Múk xu'utír koóm gun fuqurángw i hanmiis.

DANIELI 2:23

Aá Munguú baabi'iieé', án kuúng un xirfayeemiís nee un diidi'iimiís, kuúngudá' án iga sagalooár i hanis nee aleesleemu. Nee hamí gadaádá' uwa yaahasaán ngaa dir'eénií xu'utís, asma gadaádár waawutmo ngaa aténí xu'utís.»

DANIELI 2:30

Ala aníng gár tsaahhár naaqoorí ngisa sláw a kaahaaká as aníng tawa heé sagaloó' ta múk hatlá' oo slafa, aasla'áy, ala a as kuúng tuwa xu'utisi nee inslawoó baraá muunaáwók kuwa xu'.

DANIELI 4:6

Gawaá adoorihe múk sageeloén sleémeero oo yaamaá Babuloni una ádbáw niwa hardihiya' dír geeraaeé' as tlataeé' kudá' ngiwa waagweeriya'.

DANIELI 5:14

Aníng aga axaás adór qeeruú Munguúdá' hhoohhoó' ir baraawók nee adór kuúng sagalooa nee fuquraangw nee inslawoó ganaá' kur koón.

DANIELI 7:1

Kurkú geera oo Belshasa waawutmoó Babuloni iwa waawuti'ín, Danieli ina tlatiitín nee iigu'utu guna ár qoomár iwa qaát gawaá qatantós. Tlataawós kudá' giri ququmareés gooiro.

DANIELI 8:1

«Kurkú tám iimír waawutmo Belshasa iwa waawuti'ín, anuú Danieli iigu'utuú hatlá' una ár alaá kuduú geeraawo.

FAARO 12:6

Naagáy AAKOÓ MUNGÚ giri báy, «Axweesante'eé' iiárií qaasaak, ‹Barnaxes aarusmo i deer baraá tla/angwhunge, aníng tin dirós i xu'utís ar loohír iigu'utu, nee tari axweesaán ar baraá tlata.

Luka 21:15

Asma aníng /ayma'aá sagalooa ngi haniís, awa ta oa', tam wakuuserhúng sleémeero kuungá' tlaampa'aasaro nuy aleesleeraaká, nee sleeme axweesantahúng kay si'iiká.

Tlehhema'aá ya/Abuuse 6:10

Ala kwa aleeslayká arba/ato as sagalooarí nee Qeeruuwí baraawós wa axweés.

Tlehhema'aá ya/Abuuse 7:10

Mungú guri ba/amís baraá slahh'amaayeerós tidá' sleémeerowo. Guri aleesleemií haniís nee sagalooaro tam Farao waawutmoó yaamaá Misri guri gurií baá/. Yosefu kuri uráy haniís nee Farao gawaá daanduú yaamuuwose nee daanduú do'ós sleémeerowo.

Tlehhema'aá ya/Abuuse 7:22

Mose kuri intsaahhatimís sagalooár múk Misri sleémeerowo. Tari heé ilakaahaár baraá axweesanto nee baraá tlehhemi'iwo.

Kolosai 1:9

Gawaá adoorihe iimír kaangwí kuwa axaasaán, atén kuungá' naa mawaaniiká aleefirooro. An firiiriimaán as Mungú nuwa sagalooárí haniisi nee aleesleemuú amór Qeeruú hhoohhoó' oo Mungú daáhh, as sla'aarirós kawa tsaahha hhe'esa'.

Yakobo 1:17

Umuúqo gár hhoo' nee umuúqo gár ganaa' amór kingiwa hanmiisi a gawaá doori. Amór Mungú ngin dáhh, kudá' gwa/aateemaá gawaá doori gaa tleehh. Asma inós i warqaaqayká, slám atén ti baraá giwtírií geexayká.

Yakobo 1:5

Ala baraá tla/angwhunge hee barnaxes sagalooa gwa wa /aaruúr, gár kuwa hariím a Mungú gun firín, kudá' muu sleémeero gu tsuuqaá i hanmiís ar yaareema, slám i gahhamiitiiká. Inós sagalooa ngi haniis.