DAHARUSMO 9:6 - Biblía Axweesantá Hhohho' ar Mungú 2004

⁶ Sla'aarir'ín nee aahhir'ine nee ilatleeri'ine naa qwaariyé' dinkwa nee inooine, inooín gár iwa dinku'uusiya' i káhh baraakaá yaamuwo.

DAHARUSMO 9:6 Iomraidhean Croise

TI'INAANGW 1:8

Aluuwo waawutmoó /abén kuri qaás yaamaá Misriro oo Yosefu gu xuaaká.

AXWEESANOÓ SAGALOOA 10:28

Heé ganaá' harahhifoorós gu hardahás baraá qwala/, Ala heé tlaákw harahhifoorós gu gaa wa bu'uká.

DAHARUSMO 2:10

Umuúqo gár ilaaeé' naa ilatleeruusiyé' aga mawiiká, muunaáeé' ugwa qwal/uú /itiiká, asma muunaáeé' gadiyeédá' naa tleéhh gana saqwalalaá/, nee tí sleémeero an qeemuú naa sláw as gadiyér'eé'.

DAHARUSMO 3:22

Gawaá adoorihe aníng ngay tsaáhh gár ganaa' dír heewo ar tí ga baa/ i káhh, tí hee gadiyeérós ngiwa saqwalalaa/i, asma gaarí an hariímarós, asma gár hee gu slaw amór aluuwo heé ga xuú' i kaahh.

DAHARUSMO 6:12

Asma heé ga xuú' a heemá gár ganaa' dír heewo baraá slafiingós kwí ququmaare, oo gaa wásl, kwí waaraáhh adór mahhtí wa ale? Heé baraá yaamuwo ga xuú' a heemá gár hee gu slaw alaá gwa'araro.

DAHARUSMO 9:1

Tí sleémeero aníng ana aldakuút ngay tsaáhh, tlehhma'aá múk sageeloén nee kudá' hota ganaá' Mungú gin geeraharahaar. Tlehhma'aá sla'aari laqaá awa aahhi hee gi xuiiká. Umuú gaaro dir'ine a tawór huwisha.

ISAYA 38:11

Ana oó', Aníng AAKOÓ MUNGÚ u sangw baloó araaká, baraá yaamaá múk slafa tam heé ni ar inqo kaahh, baraá tla/ángw yaamuloouusér daanduú yaamuwo.

Matayo 2:20

«Tláw, na/aay nee aayoorose ar ki/eek ay baraá yaamaá Israeli. Asma mukdá' na/oó gaasár wa slaá' aa qaátl.»