DAHARUSMO 9:3 - Biblía Axweesantá Hhohho' ar Mungú 2004

³ Gaarí ka ló'wa tlaakw baraá mura' sleémeero oo ti'imiita baraakaá yaamuwo, tí sleémeero alhhe'eesaay tawa wak, slám malé ale, hee baraá hotaawose aa haáts tlakweema nee slarhhamko, aluuwo iri gwaa'.

DAHARUSMO 9:3 Iomraidhean Croise

IIMU/UUNGW 6:5

Aako gari ár adór tlakweemaá muu kir úr baraá yaamuwo, nee adór umuúqo inslawoó baraá muner'ín kur tlákw umuú daqto.

IIMU/UUNGW 8:21

AAKOÓ MUNGÚ slaahhareraá tsuuá' giri sláy awa ngwa sla'atisiye'. AAKOÓ MUNGÚ iri baraá muunaáwós i oó', «Yaamu i baloó lu'usaaká alaá adoorihe asma muu, asma inslawoó hee ku tlákw iimír iimu/uungose. Aníng muruú slaáf sleémeero u malé qwaareesaaká baloó alé, ar adoodá' ngira tleéhh.

YOBU 15:16

Hee nee slasla/aruuwose nee hhituru'uumarose mi máy. Heé qo tlakweema dirose adór ma'aá wahaangw.

YOBU 21:26

Tam adoorihe sleémeero qatlooro a wak, sleémeero naanaga gin eér.

YOBU 9:22

Mura' sleémeero i alqón, gawaá adoorihe anaá kah, Munguú múk hhó' nee oo tlakwe gin qororo'omaamiis.

WARA'AMI 51:5

Qaytsiít, iimír aníng tiwa laqwaali a tlakusmo, a tlakusmo iimír baraá guruú aayír'eé' wa ale.

WARA'AMI 64:7

Ala Mungú gin tlaquut ar maheeri, nee giri hari'áy ar gaanslaay.

AXWEESANOÓ SAGALOOA 14:32

Múk tlákw kun qwaarees ar tlehhmi'ii'ín kudá' tlakw. Ala heé hota ganaá' dír amohhoo' ga kón baraá gwa'ararose.

DAHARUSMO 1:17

Aníng baraá muunaáeene ana slaá' sagalooa ngiwa xuu', nee pungahhama, nee daktu'uuma. Ala tlehhmuú adoorí una tsaáhh tawa adór heé fur'a gaa alta'aain.

DAHARUSMO 12:7

Dír kuúng tara baraá hhapeérí ki/iká, nee dír qeeru ira ki/iiká amór Munguúdá' ngwa haniis.

DAHARUSMO 2:14

Heé sagaloó' ilaá xumsi gi kón, ala heé daktani in baraá giwtír wá hi'iimiit. Tam adoorihe ngari tsaáhh adór alhhe'eesoó heé sagaloó' nee oo daktani tar wák.

DAHARUSMO 7:2

Tsiní heé aa qaytsuú ay amór doó hee iwa gwaá', ta tawa daqeera amór doó deelór úr kawa qaás. Asma gwa'ara an alhhe'eesaay oo muu sleémeero, i ganá' múk slaáf tí binga insláy baraá muner'ine.

DAHARUSMO 7:25

Aníng baraá inslaway'eene mura' nguri xu'utír wa slaá', nee nguri aldaákw, sagalooa ngiri leeleéhh nee gídaabár umuúqo gaaro. Ngari tsaáhh adór tlakweema tar daktu'uuma, nee daktu'uuma tar slarhhama.

DAHARUSMO 8:11

Gár muu is kumamiti tlakweema tlehhtuwo, asma tlakweema ki gaanslár sakwasleemutiiká.

DAHARUSMO 9:11

Aníng ana malé ár barakaá yaamuwo, múk arba/ati ga slasláw baraá ti'iingo, a kudá' gu baalaaká. Baraá slaqwaraaro múk balaaliím a kudá' /uuruú koomaaká. Múk muruú /aymár koóm a kudá' sagaloeneeká, laqaá daqaare a múk fuqureraá koomaaká, laqaá daharusmo a geeraharusmowooká. Ala umuú heewo gitsee/a gi kón nee qoomaaro.

DAHARUSMO 9:2

Mura' sleémeero i adór wakár tleehharumiit dír muu sleémeero. Gadaádá' tleehharuut dír heé hota ganaa'a aqo tidá' tleehharuut dír heé tlaakwe, dír heé hhoó' nee dír heé hhooeekahe, dír heé daba' hhohhó' nee dír heé daba' tlakwe, dír heé ilahhooár muruú ta tsu/i ga hanmiisa, nee dír heé ilahhooár muruú ta tsu/i ga hanmisaakahe. Adór heé hhoó' i dirii'i an adór heé tlaákw i dirii'i sleeme, dimbé i káhh dír heé lo'ór /aáy nee oo ga /ayakahe.

DAHARUSMO 9:4

Ala harahhifo i deer dír heé nee múk slaáf alhoota'a, asma seeoó slaáf a tsiní ta dirángw aa gwaai.

YEREMIA 16:12

Kuungá' tlakweema ina tlehhé' ta baabi'ihunge, asma ga/aawaak, umuú heewo dirhunge ku saga gawít, nee ku inslaway tlákw, tam aníng i iiárií qamiinda'aaká.

YEREMIA 17:10

Anuú AAKOÓ MUNGÚ inslawoó muu un tsee/ariím, nee munér muu an iiaraa'ár, as kahhó' umuúqo heewo nguwa buu' ar adoodá' ir hotaatin, nee adoodá' tlehhmi'iiwós i dirii'iya'.»

YEREMIA 17:9

Muunuú hee a ló'wa al/aymusmo ta umuú gaaro, hungu/uusaro ku aleeslayká. Heé tsaahharo gu aleesláw a heemá?

Luka 15:17

Ala qoomár inós tiwa baraá muunaáwósí aldakuút, iri oó', ‹Sagadiyuusér dír doó baabuúeé' wa gadiyuus a magá', ar gwaeemaá gixaw, nee án qwari i baraaká' wa gaamiis.

Luka 6:11

Inooín tari buúhh, tiri i axweesiyé' daanduú Yesuwo as adór ku laqi kawa slay.

Tlehhema'aá ya/Abuuse 12:23

Hamtidár kilae malaykamoó Aako Herode guna slaáhh, asma Mungú gwa xirfuú i haniisiiká. Kuri /aáy nee naanaga, iri gwaá'.

Tlehhema'aá ya/Abuuse 26:11

Baraá maraá saaliingo daqtá yaariire múk Mungú una dae tlaáq ar muxta, as Yesu kuwa /ooslislin. Baraá buhhtaaeé' kudaá dakti'iimaro, inooín ina gusiisiím tam ay baraá gixsadaá ayeemaá hatlá'.»

Tlehhema'aá ya/Abuuse 26:24

Paulo qoomár tiwa aleekal/an, Festo iri tseé' ar afór ur, iri oó', «Paúlo, kuúng aga slarhhamút, soómarók tisíng yaariir ugwa slarhhamuúr.»

Tito 3:3

Aáng atén sleeme a daktana, slám a múk iawásl. A múk aa qwaar, nee atén a lawaalér ilatleeri nee qwal/uú dimbadimbé. Atén ana hootaán baraá tlakweema nee da/i, muu una buhhtimisaán, nee nguri ahhitaán.

2 Petro 2:16

Ala inós kuri iigahhaát as tlakweemaawós kudá'. Asma daqwaydá' axweesani ga aleeslawaaká, iri axweés ar afór hee, aarusmoowí guri ilaá/ baraá tlehhemuuwós kuduú sagawasleero.