DAHARUSMO 9:11 - Biblía Axweesantá Hhohho' ar Mungú 2004

¹¹ Aníng ana malé ár barakaá yaamuwo, múk arba/ati ga slasláw baraá ti'iingo, a kudá' gu baalaaká. Baraá slaqwaraaro múk balaaliím a kudá' /uuruú koomaaká. Múk muruú /aymár koóm a kudá' sagaloeneeká, laqaá daqaare a múk fuqureraá koomaaká, laqaá daharusmo a geeraharusmowooká. Ala umuú heewo gitsee/a gi kón nee qoomaaro.

DAHARUSMO 9:11 Iomraidhean Croise

2 SAMUELI 17:14

Absalomu dinkwa nee múk Israeli sleémeero tari oó', «Kángw Hushai, heé Arki, i ganaa' ta oo Ahitofeliwo.» Axweesantá Ahitofeli kana sií', asma AAKOÓ MUNGÚ axweesantadá' hho' ar Ahitofeli gana sií', as kahhó' AAKOÓ MUNGÚ Absalomu nguwa tlaákwí tleehhi.

2 SAMUELI 17:23

Ahitofeli ngiwa ár adór axweesantós kara kaángwí sií', iri tsa/án gawaá daqwaywós, iri waátl amór do', baraá gixsarós. Iwa hardáh muruú dír do'ós guri qoomeés. Tari tarereé', iri gwaá'. Kuri foól baraá /aantár baabuúwós.

2 QOM'I 20:15

Yahasieli iri oó', «Iia qaasaak, kuungaá múk Yuda nee yaamuloouusér Yerusalemu dinkwa nee waawutmo Yehoshafati! AAKOÓ MUNGÚ i kaahi, ‹Ma da'ayuumitaara', laqaá ma amoqwaqwadimara' as slaqwaruuseerí yaariir. Slaqwararí a toohungeeká, slaqwaraarí ar Mungú.

YOBU 34:29

Mungú bira xasliít heé gu áw a heemá? Bar gitsee/aawós ngaa luú/ heé gi kiís a heemá?

WARA'AMI 76:5

Miguuse ana mura' hayót, inooín nari slar/amiitiyé' gu'uteero adór múk aa qaatl, nari daba' tsatiitiyé'.

AXWEESANOÓ SAGALOOA 1:5

Heé sagalooár koóm ngi axaasi, nee nguwa sagalooár i dok, nee oo xu'utír koóm iwa hardihi dír gurbu'utá gu fuqurángw i haniis.

DAHARUSMO 2:12

Aníng baraeene sagalooa nee pungahhama nee daktu'uuma ina aldaákw as ngiwa paraatl. Nari oó', Waawutmoó /abén gár i tleehhi a milá? Aqo har tidá' taa tleéhh nee waawitaádá' aa giirin.

DAHARUSMO 3:14

Aníng a xuú' adór gadiyér Mungú ir hhitirutká. Gár ta doogi i káhh, laqaá ar ta /aareesi i káhh sleeme. Asma inós adoorí gana tleéhh as kuwa ilaiwawa/i.

DAHARUSMO 3:17

Aníng nay baraá muunaáeénií oó', Mungú múk hota ganaá' nee múk tlakwe sleémeero gin sakwasleemuut, asma umuú qoomaaro Mungú gana qaás as gaarós nee as gadiyeérós.

DAHARUSMO 4:1

Aluuwo aníng ana qaytsiít, malguuse ngari ár baraá yaamuwo, naxés mukdá' ta malguús i /aa/amín, ala heé gi gurkwa/ás i kaahh. Asma malguuse i /uuruú koón bartaine, gaarí an gár mukdá' gurkwa/asa ngisa slayi'iiká.

DAHARUSMO 4:4

Aníng ana malé qaytsiít gadiyér muu i tlehhiiti ngari ár, nee umuú heé aa geerií kumiiti, muruuwí dír i dahhi a muu tiwa da/tá araa'ari. Tí sleeme a tawór huwisha, nee a adór heé fur'a gaa alta'aain.

DAHARUSMO 7:13

Gadiyér Mungú aldakuteek, asma ar inós aa qwambatís heé gan'asaro ga aleesláw a heemá?

DAHARUSMO 9:2

Mura' sleémeero i adór wakár tleehharumiit dír muu sleémeero. Gadaádá' tleehharuut dír heé hota ganaa'a aqo tidá' tleehharuut dír heé tlaakwe, dír heé hhoó' nee dír heé hhooeekahe, dír heé daba' hhohhó' nee dír heé daba' tlakwe, dír heé ilahhooár muruú ta tsu/i ga hanmiisa, nee dír heé ilahhooár muruú ta tsu/i ga hanmisaakahe. Adór heé hhoó' i dirii'i an adór heé tlaákw i dirii'i sleeme, dimbé i káhh dír heé lo'ór /aáy nee oo ga /ayakahe.

DAHARUSMO 9:3

Gaarí ka ló'wa tlaakw baraá mura' sleémeero oo ti'imiita baraakaá yaamuwo, tí sleémeero alhhe'eesaay tawa wak, slám malé ale, hee baraá hotaawose aa haáts tlakweema nee slarhhamko, aluuwo iri gwaa'.

YEREMIA 46:6

Kudaádá' islahh ti'iingo dír ta ay i káhh, tam miguuse i kotsqotká, bihhaá /iiko dír yaaér Eufratero inooín taa dukuúts tari huhu'ún.

YEREMIA 48:14

«Xáy, múk Moabu adór kuungá' tar oa', ‹Atén a miguuse nee pihhuusér slaqwarár baal›?

YEREMIA 9:23

AAKOÓ MUNGÚ i kaahi, «Heé sagaloó' mitiwa xirfayeemiís as sagalooarós, heé /uuruú koóm mitiwa xirfayeemiís as /uuruuwós, heé daqaarmo mitiwa xirfayeés as daqaari'iimarós.

DANIELI 4:35

Yaamuloouusér daanduú yaamu a gaarooká dirose. Dír malaykedá' gawaá doorí diriia adór i slai gan tlehhiit tam dír múk baraakaá yaamuwo. Heé dakós gu ilaá/ i kaahh tumu wák, laqaá heé gu báw, ‹Gár adoosíng kas tlehhit a milá?›

SEKARIA 4:6

Aníng iri báy, «Gaarí an axweesantá AAKOÓ MUNGÚ ar aa oó' dír Serubabeli iwa kaahi, ‹Arba/ati a sleeraaká ar /uuruuwók, laqaá ar aleesleemuuwók kilós, ala an sleér ar /uuruú qeeruueé'.› Anuú AAKOÓ MUNGÚ Aleesleemusmo tí an káh.

MALAKI 3:18

Daqaní kuungá' kay tsahhá' dimbér awa tlakw nee awa ganaa'á', nee dimbér múk Mungú gu sagadiyuús nee oo gu sagadiyuusaaká.› »

Efeso 1:11

Tam atén sleeme baraá Kristowo tina aaluuse tleéhh, adoodá' inós aa qaroó slaá', inósuudá' mura' sleémeero gu tlehhiít ar sla'aarirós.

DABE 8:17

Gawaá adoorihe ti harmagahhe' ma baraá munerhúngí ooara', ‹Atén taa kiloorén daqaari'iitisaan ar /uureemoorén, nee aleesleemurén oo kilá'.›

DABE 8:18

Inslawaak AAKOÓ MUNGÚ, Munguúhúng an kudá' kuungá' naa daqaari'iimár i haniis. Adoorí gana tleéhh as alqadoorós tidá' ngiwa gawdeesi, tidá' aáng aa tleéhh nee baabi'iihúng tam ay laarí.

1 SAMUELI 17:50

Adoorí an adoodá' Daudi Goliati ngura arbaá/ ar tlaa/ano nee kuukumayi. Daudi Goliati guna tsaxaár guri gaás, ala slám Daudi i paángár konká gawaá dakose.

1 SAMUELI 6:9

Kuungá' xumiisé', barnaxes nguna huwiyé' ay baraá ayaaín oo Bet-shemeshi, daqaní ka xuá' adór heé atén taa um'ií kwaahh tar Munguú Israeli. Ala barnaxes ngwa ayaaíní huwi'iiká, a xu'aán adór inós tira slahhiiká, daqaní gaarí aqo tiqtír na tawo /et.»