DAHARUSMO 9:10 - Biblía Axweesantá Hhohho' ar Mungú 2004

¹⁰ Gár taa haraasliqít dabaawoge tleehheek ar /uuruwók sleémeero, asma bara gwá', baraá gi'iiwo gadiyeé i káhh, laqaá inslawaay, laqaá xu'uti laqaá sagalooa.

DAHARUSMO 9:10 Iomraidhean Croise

IIMU/UUNGW 37:35

Na/iiwós awa daaqaay nee awa dasu baabuúín nguri i daqayé' kuwa gurkwa/amisi. Ala Yakobo gurkwa/asa gari sií' iri oó', «Án garmaaeé' u baloó gunqareesaaká tam ay baraá gi'i.» Gawaá adoorihe Yakobo garmaawós guri al/aa/amaamín.

1 QOM'I 22:19

Gimsé', daxta AAKOÓ MUNGÚ, Munguúhúng, leelehhaak ar inslawayhúng nee ar munerhúng sleémeero. Tlawsé', doó AAKOÓ MUNGÚ tleehhaak, as kahhó' sandakmoó alqado oo Mungú nee xosluudá' hhohho' kawa qaasi baraá do'oduú AAKOÓ MUNGÚ.»

1 QOM'I 28:20

Aluuwo waawutmo Daudi garmaawós Solomon guri báy, «Gimáy, piíhh muuna hhe'eés, gadiyeérí tleehheek, ma da'ayuumitaar laqaá ma amoqwaqwadiimar, asma AAKOÓ MUNGÚ, Munguúeé', i dinkwa nee kuúng. Inós kuúng u baloó geexayká, laqaá u baloó mayká ay dír gadiyeé sleémeero ar doó AAKOÓ MUNGÚ i hhooeer.

NEHEMIA 2:12

Aluuwo nay xweeraá tláw aníng nee múk niiná, tam heé naa /aymuuwí báw i kaahh, kwí Mungú naa qaás baraá muunaáeé' alé, as Yerusalemu. Nee makiito'ór hatlá' ar na huúw i káhh aqo har daqwaydá' án naa daanda i tsa/ám kilós.

NEHEMIA 4:2

dír geeraá mulqeerós nee daqtá slaqwaruuse ar Samaria, iwa kaahi, «Múk Yahudi kwí daqatlakwén, mi /imiis? Xáy, gár i slaiya' a gixsarí ngi /abeemár tleehhiía? Xáy, ilahhooár muruú ta tsu/i ngi haniisía? Xáy gadiyeérí ngi hhe'eesiía looár wake? Xáy, tlaa/aá taa buruumbuúr baraá xwaansláy ale, nee awa taa daá/ ngiqo aleesláy'a ngiwa ar tleehhitiya'?»

NEHEMIA 4:6

Ala atén ana kumitaán gadiyeede, tay tla/auhuú koo/irí hardahaán, asma muu muunuú gadiyeé gu kón.

YOBU 10:21

dír nira tlawiiká baraá yaamaá muu niwa kaki/iiká, baraá yaamaá gurhaami nee giwtír ur,

YOBU 10:22

yaamaá gurhaami nee gila, dír gwa/aateema tawa adór giwti.»

YOBU 21:13

Tan hoot ar diihhooa baraá slafingw'ín adaá wa ale, nari qatliyá' ar wayda, nari /e/eetiná' baraá gi'i.

WARA'AMI 6:5

Baraá múk aa qatli heé kuú inslasláw i kaahh. Baraá gi'iwo heé kuúng u xirfayeemiís a heemá?

AXWEESANOÓ SAGALOOA 3:28

Inslawmoowók mu bawaar, «Waátl siiwirihe, matlo ni kí/.» Haandá' kuúng gadaádá' aqo koón siiwadár kilae.

DAHARUSMO 11:3

Huunkáy bira ilu'uu'úy, tluwaay i tluuw gawaá daanduú yaamu, xa'ano bira baskwí huú' laqaá bira /iíkwí huú', didaádá' aa i huú' an dír i qaati.

DAHARUSMO 11:6

Matlaatleero dahaasingók dahaaseek, tam tsiindoowo mu mawaar. Asma dahaasíngw ti'iít u xu'uká tam oo matlaatle laqaá oo tsiindo, laqaá sleémeero ni ti'iit.

ISAYA 38:10

Aníng ana oó', «Baraá na/uumar'eene aqo an gwaá', aníng taa qaroó amohhe'eés niwa dah baraá gi'i deelo sleémeero ar naa meti baraá slafingw'eene.

YEREMIA 29:13

Bira leelehhité' i sleerá', qoomár bar iga leelehhité' ar munerhúng sleémeero.

FAARO 13:30

Ala Kalebu muu guri gurkwa/ás dír geeraá Mose wa alé iwa kaahi, «Gusé' yaamuudá' i aalaán. Asma atén aleesleemu u koomaán oo arba/ati kawa slawaan.»

Matayo 20:7

Inooín nguri bayé', ‹Asma heé atén taa gadiyeé i haniis i kaahh.› Giri báy, ‹Kuungá' sleeme tlawsé' ay baraá qaymór sabiíbu.›

Matayo 6:33

Ala waawuti'iimarós na geerií leelehhaak, nee gan'amuuwose, daqaní muruusuú hatlá' kungu dook.

Yohana 4:34

Yesu giri báy, «Muruú /aymar'eé' a kwí, sla'aarír kudá' aníng iga ya/aaw an tleéhh, as gadiyeérós ngiwa alhhe'ees.

Yohana 5:4

Asma siiwarkaaro malaykamoó Aako nin awdaadiit, iri baraá tlahhsadá' i dah, ma'aydá' giri xwaraanxwaar. Nee heé aa giirin baraá ma'aydá' i /etaango, tiqtirós tidá' i kon in hungú/.]

Yohana 9:4

Gár atén tiwa hariím a gadiyér kudá' án iga ya/aaw ngiwa tleehhaan, dír tlaatla/aangw ir kumiiti. Xweera ni hardihiyá' awa hee gadiyeé tleehhamooro ngiwa aleeslayká.

Rumi 12:11

Gadiyeé na tleehhaak ar ilakaaharu, ala ar tli/itooká. Kuungá' baraá munerhunge masók a múk ilakaaharuú koóm, Aako na sagadiyuusaak.

1 Korinto 15:10

Ala gár aníng nis adoorí dirii' a tsuuqaá Mungú. Slám tsuuqaawós kuká' naa aníngí haniís a tawoorooká. Ala aníng gadiyeé ana ak tleéhh ta kudá' hatlá' sleémeerowo. Ala heé gaa tleehh a aningeeká, ala a tsuuqaá Mungú kudá' dinkwárí diriia' nee aníng.

1 Korinto 16:10

Ala Timoteo barnaxes naa hardáh amorhúng i alé, amohhe'eemisaak as miwa hoót ar dae. Asma inós a heé gadiyér Aakoó tlehhiít adór aníng wa alé.

1 Korinto 9:24

Ahaá, kuungá' a xuá'aáke mukdá' qwaátl baraá ti'iingo, sleémeero tan ti'ii'ín, ala heé arba/ati ga sláw a wak kilós. Kuungá' sleeme adoorír qwaatlaak as arba/ati kawa sleera'.

1 Korinto 9:26

Anínguú kilá' a tawó ti'ii'imaaká, ala amór ni ti'ii'iim a xuú'. Nee slám aníng a tawó tuu'utaaká, ala dír ni tuu' a xuú'.

Efeso 5:16

Qoomaarí ta koonda' ar gadiyuusaak, asma de'emaaká' a de'emaá tlakweema.

Kolosai 3:23

Umuúqo gaaro ar ta tlehha', tleehhaak ar muunuú /awaák. Masók a adór lawaalér Aakoó sagadiyuus, ala ar mukooká.

1 SAMUELI 10:7

Qoomár slaqsi'iiká' bira aán, adór ta aleesleer ka tléhh ar ta sla', asma Mungú i dinkwa nee kuúng.