DAHARUSMO 9:1 - Biblía Axweesantá Hhohho' ar Mungú 2004

¹ Tí sleémeero aníng ana aldakuút ngay tsaáhh, tlehhma'aá múk sageeloén nee kudá' hota ganaá' Mungú gin geeraharahaar. Tlehhma'aá sla'aari laqaá awa aahhi hee gi xuiiká. Umuú gaaro dir'ine a tawór huwisha.

DAHARUSMO 9:1 Iomraidhean Croise

YOBU 12:10

Slafíngw umuúqo makiito'ooro i baraá dabaawós, slafíngw umuú hee i baraá dabaawós.

YOBU 27:12

Kuungá' kilá' ilahunge ís iga mak aandé', Ahaá waáy, gár nisa hardaté' sleémeero ar boqoondahúng kwisingae?

YOBU 5:8

Aníng geeraawo bar an kuunge aqo an amór Mungú i warqáw, kangw'eé' nguri dirós i máw.

WARA'AMI 10:14

Ala kuúng múk haleleamiít nee oo slahh'amuú koóm u xú', kuúng umuú daqto ta amohhe'és kiwa alee/is, liitlakusmo kuúng ugwa haratlintií'. Panaay alee/isaywók ngwa slayé'.

WARA'AMI 119:109

Slafingw'eé' i baraá tsaxwa umuú daqto, ala dabeerók a gunqareesaaká.

WARA'AMI 31:5

Qeerueé' ngu gawaá dabaawógí saayiím, kuúnguduú AAKOÓ MUNGÚ inkihhím, asma aníng iga ba/amís.

WARA'AMI 73:3

Asma mukdá' tlákw tin kilooín xirfayeemiis, aníng ngiwa ár kiwa diihhó' aníng gura' iri óh.

AXWEESANOÓ SAGALOOA 16:3

Gadiyeérók sleémeero dabaá AAKOÓ MUNGÚ ti sayiin, Daqaní muruuwók kudá' sleémeero taa qoomaamés i tleehharuut.

DAHARUSMO 1:17

Aníng baraá muunaáeene ana slaá' sagalooa ngiwa xuu', nee pungahhama, nee daktu'uuma. Ala tlehhmuú adoorí una tsaáhh tawa adór heé fur'a gaa alta'aain.

DAHARUSMO 10:14

Daktani in tawo booró'. Tam hee gár aluúwaá tleehharuut ga xuiiká. Heé gu ádbáw kángw aluuwós wa tleehharuuta.

DAHARUSMO 7:15

Muruú yaariír ugwa ár baraá hotaeé' kuká' liitlakwe, heé hota ganaá i deer oo aa gwaa' tam inós i ganaai, heé tlaákw i deer oo hotaatiím tam inós ku tlaakwe.

DAHARUSMO 7:25

Aníng baraá inslaway'eene mura' nguri xu'utír wa slaá', nee nguri aldaákw, sagalooa ngiri leeleéhh nee gídaabár umuúqo gaaro. Ngari tsaáhh adór tlakweema tar daktu'uuma, nee daktu'uuma tar slarhhama.

DAHARUSMO 8:14

Garka wák baraá daanduú yaamuwo aga ár ar tawór huwisha, sakwasleemár múk tlákw wá hariim múk hota ganaá' gun sleér, nee qeemuú múk hota ganaá' wa hariím múk tlákw gun sláy. Án a kah tí sleeme a tawór huwisha.

DAHARUSMO 8:16

Aníng tí ana aldakuút ar sagalooar'eé' nee ngay tsaáhh gadiyér tlehharumiit baraakaá yaamuwo. Naxés heeko i deer oo gu'ute ga ilií qamaamimaaká xweera nee tlaatla/ango.

DAHARUSMO 8:7

Asma hee gár aluúwaá hi'iit ga xuiiká, xáy, heé kángw aluúwaá hi'iít dirósí xu'utisaro gu aleesláw a heemá?

DAHARUSMO 9:6

Sla'aarir'ín nee aahhir'ine nee ilatleeri'ine naa qwaariyé' dinkwa nee inooine, inooín gár iwa dinku'uusiya' i káhh baraakaá yaamuwo.

ISAYA 26:12

Aá AAKOÓ MUNGÚ, kuúng wayda nguna aténí hanís, kuúng gadiyeérén sleémeero ana tléhh as atén.

YEREMIA 43:6

Hhawaate nee /ameenaaro nee na/iiwo, nee dasuú doó waawutmoowo. Nee umuúqo heewo kudá' Nebusaradani geeraharusmoó xuumuuse aa saayín dír Gedalia garmoó Ahikamu, garmoó Shafani kuna ar tláy. Tam aarusmo Yeremia nee Baruku garmoó Neriawo ngina ar tlayé' sleeme.

DABE 33:3

Looeemaawo mukós guna slaá', inós mukós sleémeero oo hhohhó' gun de'én. Gawaá adoorihe inooín digiruuwós gun eeharahariyá', nee hara'aya ngin dirós wa slaslayá'.»

2 Timoteo 1:12

Gaarí an gár án nis adoorír slahhahhaa'. Ala aníng a murumiitaaká as slahha'amkwí, asma heedaádá' aníng naa haratlintií' u xuú'. Nee slám aníng a xuú' adór gadaádá' inós naa aníng i haniís, de'eengo ngir aleesláy ay bál alhhe'eesaay.

1 Petro 1:5

Kuungá' tundun de'én nee /uuruú Mungú ar loohír haratlintaao, as ba/amadá' taa qaroó amohhe'eés kawa ilaota', tidá' tindi geehhooeesi bál deelór alhhe'eesaywo.

1 SAMUELI 2:9

«Inós mukós oo hhohhó' gun de'én, ala tlakuuse gan kwaahh baraá giwti, asma heé /uuruuwo baaliím i kaahh.