DAHARUSMO 8:9 - Biblía Axweesantá Hhohho' ar Mungú 2004

⁹ Baraá inslaway'eene muruú baraá yaamuwo ta tlehhiiti una aldaákw. Qooma i deer ar hee iwa aleesleemuú kon daanduú heewo as nguwa baramaanuusi nee nguwa slahh'eemisi.

DAHARUSMO 8:9 Iomraidhean Croise

2 WAAWITÁ 25:7

Aluuwo daaqaywós kuri tsuú/ dír ilaawós wa alé, inós sleeme kuri ila' tu/ún, alhhe'eesayhe nguri daba' tseegiyé' ar piíngu, nguri huwiyé' ay Babuloni.

TI'INAANGW 14:28

Ma'aydá' niri ki/iyé', gaardu ngiri tuuntuukiyé', nee mukdá' gaardaá madiita, nee slaqwaruuse sleémeero ar Farao, tidá' múk Israeli gwaa aluú wa eehat, tlawi giri gú/, tam heé wák oo aa kotsqoot i kaahh.

DAHARUSMO 1:14

Mura' sleémeero oo muu i tlehhaahhiti baraá yaamuwo ugwa alqaytsiít, nee umuúqo gaaro a tawór huwisha, adór heé fur'a gaa alta'aain.

DAHARUSMO 3:10

Aníng gadiyér yaariir ar Mungú aa haniís dír muu ana ár, as kahhó' inooín niwa gadiyuusiya'.

DAHARUSMO 3:16

Dinkwa nee tihe aníng gár naa tsaáhh baraaká daanduú yaamuwo a tí, didá' sakwasleemár ganaa' iwa deér tlakweema i dayá' nee didá' hotaá ganaa'á' iwa dayá', tlakweema iqo dayá' sleeme.

DAHARUSMO 4:1

Aluuwo aníng ana qaytsiít, malguuse ngari ár baraá yaamuwo, naxés mukdá' ta malguús i /aa/amín, ala heé gi gurkwa/ás i kaahh. Asma malguuse i /uuruú koón bartaine, gaarí an gár mukdá' gurkwa/asa ngisa slayi'iiká.

DAHARUSMO 5:13

Gár tlaakw baraá yaamuwo ar naa ár a tí, hee daqari'iima ga tleéhh ar ilakaahaara, alhhe'eesaywo guri baraá tsaxwáy dahás.

DAHARUSMO 5:7

Tlata birna tlahhiyé', axweesanoó tawo a gar'ín, ala kuúng Mungú na ilaiwaa/eek.

DAHARUSMO 5:8

Ala ma waa/oo/amór wa araar baraakaá yaamuwo bara aán múk liitlakwén ku baramaanuus nee hariímar'ín kaa hayóh dir'ine. Umuú heé múk litlaakwén /aytiím, heé úr dír inose i deer, tam dír múk urene múk dir'ine uren i deer.

DAHARUSMO 7:25

Aníng baraá inslaway'eene mura' nguri xu'utír wa slaá', nee nguri aldaákw, sagalooa ngiri leeleéhh nee gídaabár umuúqo gaaro. Ngari tsaáhh adór tlakweema tar daktu'uuma, nee daktu'uuma tar slarhhama.

DAHARUSMO 7:7

Heé sagaloó' hee burngwa /aytín, taa kilós daktu'úy, slukma /ayma i sagalooár hingeemís.

DABE 2:30

«Ala Sihoni waawutmoó Heshboni ina sií' tawa baraá tla/ángw yaamuuwós ar waarahhaan. Asma AAKOÓ MUNGÚ, Munguúhúng guna sagagawdeés, nee guna muuná gawdeés, as atén kuwa baalaan, nee yaamuuwós kiwa hayohaan, kuká' hamí laarí ta /ayaan.