DAHARUSMO 8:8 - Biblía Axweesantá Hhohho' ar Mungú 2004

⁸ Heé gwa'ara ila/aro ga aleesláw i kaahh, laqaá heé baalár gwa'ara pa/asaro ga aleesláw i kaahh. Qoomár slaqwaraaro heé kotsqoót i kaahh, nee heé tlaákw tlakweema ngu ba/amisiaaká.

DAHARUSMO 8:8 Iomraidhean Croise

2 SAMUELI 14:14

Atén tam ado gaalá aqo an qatlaán. Atén a adór ma'aá naa ku'utiyé', ki ki/mamisiiká. Tam Mungú a barqantusmoowooká dír heewo, kwí nee kuqae. Inós loohi gan leelehhiit, as kudá' taa sií' niri gowiyé', niwa ki/iya'.

2 WAAWITÁ 7:15

Mukdaádá' ina tláy ay Yordani, nee baraá loohiro tlaba nee xooslaá hatlá awa taa slaslaáx nee múk Aramu qoomár iwa ti'ii'ina' ngina ariyé'. Niri ki/iyé', kaangwí nguri ooiyé' dír waawutmo.

YOBU 14:5

Deelór hotaá hee kaa qoomeés, Aá Mungú, kuúng faarór slahheeriiwós aga qoomés. Hartsatangwdá' kuúng taa qás gu waaraahhiiká.

YOBU 34:14

Barnaxes Mungú taa kilós aldaákw, nee hiinsluuwós kuduú slafiingw burngwa hingeés baraá yaamuwo,

WARA'AMI 89:48

Heé hoót a gaalá oo gwaa'aaká? Heé gwa'ara ilagowto ga aleesláw a heemá?

WARA'AMI 9:17

Tlakuuse amór i keer a baraá gi'i, tam múk xoordu kudá' Mungú ngwa gunqareesiye' sleeme i amoodá' kayá'.

AXWEESANOÓ SAGALOOA 12:3

Hee i gawduyká ar tlakweema tlehhit, Ala heé hota ganaá' ku baloó diingisiiká.

AXWEESANOÓ SAGALOOA 14:32

Múk tlákw kun qwaarees ar tlehhmi'ii'ín kudá' tlakw. Ala heé hota ganaá' dír amohhoo' ga kón baraá gwa'ararose.

DAHARUSMO 3:21

Xáy, heé ga xuú' a heemá qeeruú hee tam in tsa/án gáwtí alé, nee tam qeeruú makiito'o in /eét baráy alé.

DAHARUSMO 8:13

Ala amohhooa i káhh dír heé tlaakwe, slafiingós in adór mahhtír wá waraahh i tleereesiiká, asma inós dír geeraá Munguhe ilaiwa/ame ga konká.

DAHARUSMO 9:12

Heé baalaarós ga xuú' i kaahh, aqo adór siyó kur ohaahin gitsa/aá tlaakwe nee baraatsufaay, nee adór tsir/i kar ohaahin nee naqfí, an adór muu kur haraxopiiti ila nee tí, nee qoomár tlaakw.

ISAYA 28:15

Asma kuungá' a kata', «Atén nee gwa'ara alqado aga tleehhaán, nee gi'i taa axweesani slawaán, qoomár amotlakwe bir taa i hardát, amoorén ngi keeraaká, asma lama ana dír guwayrén tleehhaán, nee al/ayma an dír tay nahhataan.»

ISAYA 28:18

Daqaní alqadorhúng tidá' taa tlehhé' nee gwa'ara iri paysút, kangwdá' nee gi'i tiwa axweesani sleeré' i tleehharutiiká, qoomár amotlakwe burna i hardát, kuungá' sleémeero nun yaamií dahás.

ISAYA 47:10

Kiíng aga yaandahhe'és baraá tlakweemaawók ale, a kat, ‹Heé aníng i ga/áw i kaahh.› Sagalooarók nee xu'utiroge iga qwaareesiyé', tari baraá muunaáwók i ó', ‹Aníng a kilooeé', heé hatlá' oo adór aníng i kaahh.›

1 Korinto 15:43

Slaqwtadá' taa foól a tidá' murér koom, tidá' waaslee/ a slaqwtadá' xirfuú koom. Slaqwtadá' taa foól a tidá' daqatlaakw, tidá' waaslee/ a slaqwtadá' /uuruú koom.

2 korinto 13:4

Ar ló' inós kuna kikií' ar baraá daqaatlakwe, ala inós i slaaf ar /uuruú Mungú. Adoorí an adór atén tay diriiaan sleeme. Atén ti daqeetlákw adoodár inós wa ale, ala a hootaán dinkwa nee inós ar /uuruú Mungú. Adoorí kuungá' aqo aandá'.

Ebrania 9:27

Muu gár kuwa hariím a in qaatl sagaáwa wák wa ale, nee alaá gwa'araaro tari sakwasleema.