DAHARUSMO 8:17 - Biblía Axweesantá Hhohho' ar Mungú 2004

¹⁷ Aluuwo gadiyér Mungú aa tleéhh ngay ár, tidá' hee arto i aleeslayká baraakaá yaamuwo. Asma hee leelehhtuuwo tim naagisi inós arto ga aleeslayká. Tam heé ti sagalooarós ar xirfayeemiís ga aleeslayká xu'utiro sleeme.

DAHARUSMO 8:17 Iomraidhean Croise

YOBU 5:9

Mungú an kudá' muruú urén tlehhiít, muruudá' hee aldakwto i aleeslayká. Inós sleeme an kudá' muruú waa/o/amór tlehhiít, kudá' farooro ya/aamaaká.

WARA'AMI 104:24

AAKOÓ MUNGÚ, muruú kuúng taa tléhh ku ló'wa yaariír. Mura' sleémero una qoomés ar sagalooa, yaamu naa hatsiyé' muruú kuúng taa tlehhi!

WARA'AMI 40:5

AAKOÓ MUNGÚ, kuúng muruú yaariír oo waa/oo/amór koóm ugwa tléhh, nee inslawaywók daanduurene ku úr. Heé ta kuúng ar qoomeesi i kaahh. Tí sleémeero bar alki/ituú wa slaá' nee daharemisuuwo, ka ló'wa yaariir tam alki/ituuwo a aleeslawaaká.

WARA'AMI 73:16

Ala qoomár aníng muruuwí nguwa aldaákw as nguwa tsaahh, naxés iri gawdúy dir'eene.

DAHARUSMO 1:13

Aníng baraá inslaway'eene mura' sleémeero oo ta tlehhiiti baraá daanduú yaamuwo una alqaytsiít, ngiri aldaákw ar sagalooa. Naxés Mungú wayaqamuú yaariír guna haniís dír muu, as inooín tawa hooti ar wayaqamu.

DAHARUSMO 11:5

Adoodá' na/aay baraá guruú aayooro ir hinslasliti kar xu'uká, an adoodá' gadiyér Mungú kar aleesleeraaká tsaahharo, inósuudá' mura' sleémeero gu tlehhiít.

DAHARUSMO 3:11

Mungú umuú gár hhoohhooe gana qoomaarósí tleéhh ar kawa hhoohhoó' iwa xeer, nee baraá muunuú heewo muruú iimu/uungw wasle nee oo alhhe'eesay wasle nguwa xu'utír wa slai gana qaás. Tam adoorihe kwa pa/ángwií haniisiiká muruú Mungú aa tlehhiít iimír iimu/ungo ay alhhe'eesaay nguwa tsaahhi.

DAHARUSMO 7:13

Gadiyér Mungú aldakuteek, asma ar inós aa qwambatís heé gan'asaro ga aleesláw a heemá?

ISAYA 40:28

Ahaá kuungá' a xua'aakáhe? Asma kuungá' aga axasi'iikáhe? AAKOÓ MUNGÚ an Munguú alhhe'eesay wásl, Inós an kudá' yaamu gaa tleehh. Inós i slaaqatiiká laqaá i nusqutiiká. Xu'utirós tsaahharo ka gawit.

Rumi 11:33

Ga/aaweek, xáy, daqaari'iimár Mungú adór kar úr, nee sagalooarós nee xu'utiro. Heé sakwasleemarós tsaahharo ga aleesláw a heemá? Heé lohuduuwós leelehhtuuwo gi aleesláw a heemá?