DAHARUSMO 8:16 - Biblía Axweesantá Hhohho' ar Mungú 2004

¹⁶ Aníng tí ana aldakuút ar sagalooar'eé' nee ngay tsaáhh gadiyér tlehharumiit baraakaá yaamuwo. Naxés heeko i deer oo gu'ute ga ilií qamaamimaaká xweera nee tlaatla/ango.

DAHARUSMO 8:16 Iomraidhean Croise

IIMU/UUNGW 31:40

Adoorí an adór nira hoót, tlaatla/aango tsee/amá ina sláqwtí /ón, xweeraawo tsaaqwa ina gu'utér /ít.

WARA'AMI 127:2

Gadiyérhúng a tawo kuungásingá' tseewa tlaatlawá' qatuuwo tari tligá' qata eemuuwo, nee muruú /aymár slahh'amaaye kuri /agá'. Asma Mungú mulqumoowós gun muruuwós i haniis tam i gui.

DAHARUSMO 1:13

Aníng baraá inslaway'eene mura' sleémeero oo ta tlehhiiti baraá daanduú yaamuwo una alqaytsiít, ngiri aldaákw ar sagalooa. Naxés Mungú wayaqamuú yaariír guna haniís dír muu, as inooín tawa hooti ar wayaqamu.

DAHARUSMO 1:14

Mura' sleémeero oo muu i tlehhaahhiti baraá yaamuwo ugwa alqaytsiít, nee umuúqo gaaro a tawór huwisha, adór heé fur'a gaa alta'aain.

DAHARUSMO 1:17

Aníng baraá muunaáeene ana slaá' sagalooa ngiwa xuu', nee pungahhama, nee daktu'uuma. Ala tlehhmuú adoorí una tsaáhh tawa adór heé fur'a gaa alta'aain.

DAHARUSMO 2:23

Asma slafiingós sleémeero gár iwa haáts a slahh'amaaye, nee gadiyeérós sleémeero a daawitame kilós, tam xweeraawo inslawaywós i hungu/uusiiká. Tí sleeme a tawór huwisha.

DAHARUSMO 4:8

Heeko wák oo múk koomaaká una ár, na/aay i kaahh, tam hhiya' i kaahh, tam adoorihe gadiyeé ga baloó maamayká daqaari'iima ga kón, ala ilaawós i hheeriimamitiya', slám inós i yaamií iwawiitiiká as tiwa yaahasi iwa ooi, «Heé nis gadiyuus a heemá oo tiwa muruú hhó' /itaa/iit?» Tí sleeme a tawór huwisha, a daawitamér gurhaamír koom.

DAHARUSMO 5:12

Heé bu'utuú tlaatla/ángw wák gu'uteerós i tsú', guruuwós tim hatsiiká laqaá tim haáts. Ala daqaarmo tim aaxi gu'ute a ma/iís asma ku daawitimiis nee daqaari'iima.

DAHARUSMO 7:25

Aníng baraá inslaway'eene mura' nguri xu'utír wa slaá', nee nguri aldaákw, sagalooa ngiri leeleéhh nee gídaabár umuúqo gaaro. Ngari tsaáhh adór tlakweema tar daktu'uuma, nee daktu'uuma tar slarhhama.

DAHARUSMO 8:7

Asma hee gár aluúwaá hi'iit ga xuiiká, xáy, heé kángw aluúwaá hi'iít dirósí xu'utisaro gu aleesláw a heemá?

DAHARUSMO 8:9

Baraá inslaway'eene muruú baraá yaamuwo ta tlehhiiti una aldaákw. Qooma i deer ar hee iwa aleesleemuú kon daanduú heewo as nguwa baramaanuusi nee nguwa slahh'eemisi.