DAHARUSMO 8:11 - Biblía Axweesantá Hhohho' ar Mungú 2004

¹¹ Gár muu is kumamiti tlakweema tlehhtuwo, asma tlakweema ki gaanslár sakwasleemutiiká.

DAHARUSMO 8:11 Iomraidhean Croise

2 SAMUELI 11:15

Baraá slambare/idae Daudi gár aa gooín a tí, «Uria hhayuú geera ti qase', didá' slaqwara iwa tsimaamíhh, kuungá' ni alií ki/á', as kahhó' inós kuwa didií gaasi.»

YOBU 24:23

Inós gina amohhooárí haniís nari ak diihhe'eesiyá'. Ala inós lohduuín gi ga/áy.

WARA'AMI 10:4

Tlakusmo baraá daara/aangose Mungú gu leelehhiitiiká. Baraá inslawaywós sleémeerowo Mungú i kaahh.

WARA'AMI 10:6

I baraá muunaáwósí kaahi, «Án a hhaslitaaká, ti hingeesiiká, slahh'amu u slawaaká ay nángw naangw.»

WARA'AMI 86:15

Ala Aáko, kuúng an Munguú gurtleemu nee oo qeemu, tu inslaahheeká buhhtaawo, a háts sla'aarír warqawaakahe nee inkihhimuwo.

TI'INAANGW 34:6

AAKOÓ MUNGÚ iri waaraáhh ar dír geeraá Mose, iri malé oó', «Aníng a AAKOÓ MUNGÚ, a AAKOÓ MUNGÚ, a Munguú gurtleemuuwo haáts nee oo gurhhoó', aníng ti inslahheeká buhhtaawo, nee a haáts sla'aarír warqawaakahe nee inkihhimuwo.

TI'INAANGW 8:15

Ala Farao tsiní ngiwa ár, muunaáwós guri gawdeés, inooín gaa sangw iiárií qaasiiká adoodá' AAKOÓ MUNGÚ ngira oó'.

TI'INAANGW 8:32

Ala Farao muunaáwós guri malé gawdeés, mukdá' gwa geemayká iwa tlay.

DAHARUSMO 9:3

Gaarí ka ló'wa tlaakw baraá mura' sleémeero oo ti'imiita baraakaá yaamuwo, tí sleémeero alhhe'eesaay tawa wak, slám malé ale, hee baraá hotaawose aa haáts tlakweema nee slarhhamko, aluuwo iri gwaa'.

ISAYA 26:10

Ala tam sla'aari ka tleehhi dír heé tlaákw, inós hotaá ganaa'á' gi baloó ado slayká, tam baraá yaamaá múk hota ganaa'a inós tlakweema giqo tleehh, nee uroó AAKOÓ MUNGÚ gu tsatsahhanká.

ISAYA 57:11

Xáy, heé kuungá' nu dae tlaáq a heemá? Tam lameemo kiri tlaqé', aníng iri insleeri'iiká, tam aníng iri meeré' baraá inslawayhunge. Aníng iimír aange aga dir'eéní xasliitiikáhe, nee an gár kuúng is ilaiwawa/ká doóqa.

YEREMIA 42:15

Daxta axweesantá AAKOÓ MUNGÚ Aleesleemusmo, Munguú Israeli iiárií qaasaak i kaahi, ‹Barnaxes aga ístí tsaté' tawa data' yaamaá Misri, nee tawa hotaá eera' baraadá',

YEREMIA 48:11

«Múk Moabu tana hoót ar yaandahhe'eesa iimír masoombi'iimar'ine. Inooín nina xasliitiyé' adór difaáír baraá hutlaay, ar taa warqeesiiká baraá xooslmoó hatlá'. Inooín kaa baloó ar tlayká baraá loohaay. Gawaá adoorihe inooín a adór difaáidá' tsuu', ar slurhhirós aa warqeeriiká.