DAHARUSMO 8:10 - Biblía Axweesantá Hhohho' ar Mungú 2004

¹⁰ Aníng múk tlákw una ár kuwa foliiti. Inooín a múk aa intsahhan amór doó Mungú kakango, nee kiri baraá gixsár wa xirfayeemiis, didá' tlakweema ngiwa tlehhahhitiyé'. Tí sleeme a tawór huwisha.

DAHARUSMO 8:10 Iomraidhean Croise

YOBU 21:18

As kahhó' niwa adór hhaanslaá fur'a ir tlatleer tleehhitiyá', nee adór mundoó bambaao ira tleér.

WARA'AMI 31:12

Aníng taa gunqaareés adór heé aa qaroó kahhuut, aníng a adór xooslmoó aa gwaa'.

AXWEESANOÓ SAGALOOA 10:7

Múk gan'amuú koóm bur inslasleér a tsuuqa, ala umuú heé tlaákw a adór gár aa dix.

DAHARUSMO 1:11

Muruú aa waaraahh heé gu inslaasláw i kaahh, tam muruú aluúwaá hardáh ku inslayká nee qartá aluudá' gi haar.

DAHARUSMO 2:16

Asma heé sagalooár koóm nee oo daktanto heé gi inslasláw i kaahh. Asma de'emaá hi'iitaa'a sleémeero kin gunqarees, adoodá' heé sagaloó' ir gwaai tam daktani sleeme.

DAHARUSMO 9:15

Ala heeko wák oo narkutmo oo sagaloó' baraá gixsadae i deer. Inós gixsadá' gari /iís ar sagalooarós, ala tam adoorí ngaa tleehhi, looaytleérós heé narkutmodá' gu inslasláw i kaahh.

DAHARUSMO 9:5

Múk slaáf gaqo xuu' adór inooín tar qaátl, ala múk aa qaatl gár ta xui i káhh tam ar niiná, nee qeemuú i slayá' i kaahh, inooín kaa gunqareés baraá inslawoó muko.

YEREMIA 17:13

AAKOÓ MUNGÚ kuúng a harahhifór múk Israeli, kudá' kuúng ugwa si'iye' sleémeero ki mureekees. Kudá' kuúng ugwa geexaye' a adór umér taa gooín baraá hhape. Asma kuúnguú AAKOÓ MUNGÚ una si'iyé', kuduú kutltá ma'aá slafiingw.

Luka 16:22

«Narkutmoodá' iri gwaá', malayke guri húp ay dír geeraá Abrahamu. Daqaarmoodá' iri gwaá' sleeme, kway foól.

Tlehhema'aá ya/Abuuse 6:13

Lamabu'uusér lama kari sihhitís ar aa o', «Heewí diirí hhoohhoo', nee hara'ayár Mosewo, /ooslisliingo gi baloó maamayká.

Ebrania 10:38

Ala hee'eé' kudá' gan'amkú koóm, inós gár ir slafi a haratlintaao. Ala barnaxes aa alií kií/, muunaáeé' i qwalaala/iiká as inós.»