DAHARUSMO 7:9 - Biblía Axweesantá Hhohho' ar Mungú 2004

⁹ Ma gaanslár buhhaar baraawoge, asma buhhta i baraá munér daktana.

DAHARUSMO 7:9 Iomraidhean Croise

IIMU/UUNGW 4:8

Kaini hhiyaawós Abeli guri báy, «Góh, a baraá qaymór kawaán.» Tawa baraá qaymór i hardáh, Kaini Abeli guri hara/akuút, guri gaás.

2 SAMUELI 13:22

Absalomu axweesantá amór Amnoni gari máy, asma Amnoni nee hho'oorós tawa alqaát.

2 SAMUELI 13:28

Absalomu sagadiyuuserós gari báy, «Xumamisé' bar Amnoni difaái ngaa wáh, afa gway sláy, án bar aga oó', ‹Amnoni slahhaak,› daqaní ku gasá'. Adoorí an adór aníng naa oó' dirhúngí ale. Pihhé' ar muunuú migi.»

2 SAMUELI 13:32

Ala Yonadabu, garmoó Shimea, hhiyoó Daudi, iri oó', «Aakooeé', ma adoorír xuaar tawa kat, daaqaywók kuwa sleémeero wa tsuú/. Amnoni kilós an heé taa gaás. Asma Absalomu ina tsabín Amnoni nguwa gaasi, iimír bál Amnoni hho'orós Tamari ngiwa óh ar /uuru, nee tay alqaát.

2 SAMUELI 19:43

Múk Israeli múk Yuda guri mu/aywaáts, «Atén a gan'amuú koomaán sagaáwa mibaangw daanduú waawutmoowo, kuungá' ba/a, tam daanduú Daudiwo sleeme. Asma milá, mista waaqaé'? Xáy, a aténeéke múk aa geerií oo' waawutmo kungu ki/isi?» Ala axweesanoó múk Yuda i xaraasl ta axweesanoó múk Israeliwo.

AXWEESANOÓ SAGALOOA 14:17

Heé tawo xwar'amiít buhhtaawo a daktani, Ala heé fuqurángw koóm i qiqtlín.

AXWEESANOÓ SAGALOOA 14:29

Heé buhhtaawo inslaahheeká tsaahhár yaariir ga kón, Ala heé buhhta inslaáhh daktu'uuma ga iiatleemiis.

AXWEESANOÓ SAGALOOA 16:32

Heé buhhtaawo inslaahheeká ku hhoó' ta migusmoowo, Heé kilós ti aleesláw ilaa/aro ku hhoó' ta heé gixsa ngaa hayoohi.

AXWEESANOÓ SAGALOOA 25:8

Muruú ilaawoge taa aán, mu gaanslár huwaar baraá kwasleema, Aluuwo gár ta tlehh iri qwát, qoomár inslaawmoowók bura mureekeés.

DAHARUSMO 7:10

Ma kaahaar, waáy bál geera gár tas tsiní ta laarihe. Asma yaahasaarí ar heé sagalooeeká.

YONA 4:3

AAKOÓ MUNGÚ, hamí aníng u firiím, slafingw'eé' hingeeseek, ala ta niwa hoota a tsiní bara gwaá'.»

YONA 4:8

Qoomár tsee/amá iwa ló'wa gwa/aát, Mungú fur'ár da/aá daahh gari ya/aáw ar ló'wa fukuukuu'. Tsee/amá iri ló'wa gwa/aát gawaá ságw Yona. Yona iri /ara/eeriít, tam gwa'ara gari fitlín, iri oó', «A tsiní bara gwaá' ta niwa slafa.»

YONA 4:9

Mungú guri báy, «Xáy, gár tas buhhaabuhh as si'ito'oorí i deéro?» Yona iri oó', «Eeít, gár nis buhhaabuuhh i deer, tam ay gwa'ara.»

Marko 6:19

Herodia loohi gana leelehhít ar Yohane ngur gas, ala gaa sleeriiká.

Marko 6:24

Dasi iri tleér ay amór aayoorós, gari yaahás gana beér, «Gár ni firiim a milá?» Aayo gari beér, «Ságw Yohanedá' Baatimaamiís na firiimeek.»

Yakobo 1:19

Hhaee'eé' awa sla'aaruúse, tí xuaak, umuúqo heewo masók ku inslaáhh gaa axaasaro, ala miwa gaanslín ilawatsto, laqaá buhhtaawo.