DAHARUSMO 7:5 - Biblía Axweesantá Hhohho' ar Mungú 2004

⁵ Tsiní naanaqtá múk sageeloén bar iiárií qamiín, ta daa'ángw daktana kuwa iiárií qamiinda.

DAHARUSMO 7:5 Iomraidhean Croise

WARA'AMI 141:5

Heé ganaá' án i slahhi, asma i gurbuu' ar sla'aari. Ala aníng a ya/aamaaká múk tlákw iwa iimbalaaxi. Asma án daqisleém firo aga mawiiká, as tlehhmi'ii'ín awa tlakw ngiwa sií'.

WARA'AMI 69:12

Muu baraá lohuwo aníng in tawo daanda axwees, nee múk oonituuse aníng in niqín ar daa'angw'ín.

AXWEESANOÓ SAGALOOA 13:13

Umuúqo heé axweesantá waaqaqaá' ti kilós hhitín. Ala umuúqo heé hara'aya ga ilaiwawaá/ qeemu gu sláy.

AXWEESANOÓ SAGALOOA 13:18

Heé intsaahhatisa ga sla'aaká kun oh nee narakw nee waasla'amu, Ala heé gurbu'uungw gu alqaytsimiít ku ilaiwawaa/.

AXWEESANOÓ SAGALOOA 17:10

Dír heé muruú tsatsahhama iigahhaata i gunqarutká, ta muxta tsiiru ar heé daktani i slaya.

AXWEESANOÓ SAGALOOA 25:12

Axweesanoó gurbu'uungw oo heé sagaloó' dír heé gu axamiisa, a adór sixmoó sahaábu oo taa parootuús.

AXWEESANOÓ SAGALOOA 27:6

Mulqumoó inkihhím un iigahhaat, ala wakusmo tam u ma'amamiisi aqo al/ayma.

AXWEESANOÓ SAGALOOA 6:23

Asma hara'ayaarí a tsaa'asi, nee dabeerí a gwa/aateema, an gurbu'úngw hee gu gan'aás, an loohír slafiingw.

AXWEESANOÓ SAGALOOA 9:8

Heé u waaqaaqaá' mu naanaqaar as muwa aáhh. Heé sagaloó' naanaqeek daqaní kuúng u slaa'.

DAHARUSMO 12:11

Axweesantá sagaloo' a adór hhartá de'eemusmo, nee adór kik'ár taa yaamií slaáhh, an adór axweesanoó taa burumburaarín oo de'eemusmoó wák.

DAHARUSMO 7:4

Muunuú heé sagaloó' doó hee iwa kahhuút gun sa slahhaa', ala muunuú heé daktani doó qwal/uú koóm gun slaa'.

DAHARUSMO 9:17

Axweesantá heé sagaloó' ar taa tseegisár ar oó' ka axaas, ta tseeór waawutmo kawa dír dinku'uumár daktanár wá axamisa'.

Geehhoeemaá 3:19

Mukdá' sleémeero aníng ni slaa' un iigahhamiít nee un muúx. Gawaá adoorihe kuúng ilakaaharu tleehheek, hhu'u'uúm.