DAHARUSMO 7:26 - Biblía Axweesantá Hhohho' ar Mungú 2004

²⁶ Gár wák ar slahh'eemiis gwa'ara ba/a ana tsaáhh, a /ameenír ilaá muu gi uuruxuum. Inós a adór tsaxweeli nee baraatsufaay, dabaawós a adór minyoroóro. Heé Mungú gu sla'atimís /ameenirí arba/to ga aleesláy, ala heé tlakusmo /ameenirí gun naga'ás.

DAHARUSMO 7:26 Iomraidhean Croise

IIMU/UUNGW 19:35

Baabuúín nguri malé wahaasiyé'. Xweerawo tidá' niina iri tleér iri qatuú eér dír baabá, ala baabá gár i xui i káhh qoomár iwa qatuú eér, tam qoomár iwa tleér.

IIMU/UUNGW 39:9

Baraá do'wihe inós ku ureeká ta aninge, asma umuú gaaro ar aníng iwa /itín i káhh, aqo har kiíng as tawa hareerós. Gawaá adoorihe dakuúsár ur ar adór tisíng adór ngir tleehh dír geeraá Munguhe a adoomá?»

TI'INAANGW 10:7

Geeraharuuse Farao guri beér, «Ay xaylá heewí i tsaaxweeli tleehhimaamiiti direne? Mukós kwisíng geemaweek i tlay, AAKOÓ MUNGÚ Munguúín ngu sluufmisuú aye'. Ay hamí aga tsahhkáhe adór yaamaá Misri nira qwaariyé'.»

AXWEESANOÓ SAGALOOA 2:16

Sagalooa kuúng uri tú/ dír /ameenír sli'imuso'ooro, dír sli'imuso'ór axweesani tsuú',

AXWEESANOÓ SAGALOOA 22:14

Axweesanoó tsaatuso'o a adór bohóngw saáw. Heé ta sií' nee AAKOÓ MUNGÚ in baraadií /eet.

AXWEESANOÓ SAGALOOA 6:23

Asma hara'ayaarí a tsaa'asi, nee dabeerí a gwa/aateema, an gurbu'úngw hee gu gan'aás, an loohír slafiingw.

AXWEESANOÓ SAGALOOA 6:24

Kuúng uri xuún as /ameenír tlaakw muwa sleér. Uri tú/ dír dahaayo'ór harhheehhe'eemisa.

AXWEESANOÓ SAGALOOA 9:18

Ala heewí ga xuiiká adór gwa'ara ir baraadá', nee adór dahaayeerós ir baraá gi'ií dirí'.

DAHARUSMO 2:26

Mungú sagalooa, nee fuquraangw nee qwal/amaaye gan haniis dír heé inós gu sla'atimís, ala heé tlaákw guna gadiyér gawídií haniís ar bu'uungw nee buruumburiingw, nee tidá' taa sláy kari haniis dír heedá' Mungú gu sla'atimís. Tí sleeme a tawór huwisha, nee a adór heé fur'a gaa alta'aain.

DAHARUSMO 7:27

Qaytsiít, anuú daharusmo muruuwí una niinawemamiís tsatsahhango, as ngiwa ar áx haragaasa ga ya/ána.