DAHARUSMO 7:23 - Biblía Axweesantá Hhohho' ar Mungú 2004

²³ Aníng muruuwí sleémeero una alqaytsiít baraá sagalooar'eene, nay oó', «Aníng sagalooa a mak slaá'.» Ala sagalooa aa sawuúr dir'eene.

DAHARUSMO 7:23 Iomraidhean Croise

IIMU/UUNGW 3:5

Asma Mungú ga xuu' bál kuungá' mamaá xa'anoowí bira /agé', ilaahúng ki gwa/atis, kuungá' tari adór Mungú tleehhitá', muruú hhó' nee oo tlákw kuwa xua'.»

DAHARUSMO 1:17

Aníng baraá muunaáeene ana slaá' sagalooa ngiwa xuu', nee pungahhama, nee daktu'uuma. Ala tlehhmuú adoorí una tsaáhh tawa adór heé fur'a gaa alta'aain.

DAHARUSMO 3:11

Mungú umuú gár hhoohhooe gana qoomaarósí tleéhh ar kawa hhoohhoó' iwa xeer, nee baraá muunuú heewo muruú iimu/uungw wasle nee oo alhhe'eesay wasle nguwa xu'utír wa slai gana qaás. Tam adoorihe kwa pa/ángwií haniisiiká muruú Mungú aa tlehhiít iimír iimu/ungo ay alhhe'eesaay nguwa tsaahhi.

DAHARUSMO 7:22

Kuúng sleeme baraá inslawaywoge a xú' adór kuúngú kilá' múk hatlá' kura /ooslaasliín.

DAHARUSMO 8:17

Aluuwo gadiyér Mungú aa tleéhh ngay ár, tidá' hee arto i aleeslayká baraakaá yaamuwo. Asma hee leelehhtuuwo tim naagisi inós arto ga aleeslayká. Tam heé ti sagalooarós ar xirfayeemiís ga aleeslayká xu'utiro sleeme.

Rumi 1:22

Inooín ta kaahi, «Atén a sagalooár koomaán,» ala laatí inooín tari daktu'uút.

1 Korinto 1:20

Gawaá adoorihe heé sagalooár koóm i diimá? Nee intsaahhatusmooduú hara'aya i diimá? Nee slám heé tlaampa'aamis gu baál i diimá de'emaakae? Ahaá, Mungú sagalooár múk baraaká' yaamu gaa laqáníke adór tar dakti'iima.