DAHARUSMO 7:2 - Biblía Axweesantá Hhohho' ar Mungú 2004

² Tsiní heé aa qaytsuú ay amór doó hee iwa gwaá', ta tawa daqeera amór doó deelór úr kawa qaás. Asma gwa'ara an alhhe'eesaay oo muu sleémeero, i ganá' múk slaáf tí binga insláy baraá muner'ine.

DAHARUSMO 7:2 Iomraidhean Croise

WARA'AMI 90:12

Gawaá adoorihe atén ti intsaahhatis faarór deelór hotaarén kawa xuaan, as kahhó' sagalooa kawa koomaan.

DAHARUSMO 2:14

Heé sagaloó' ilaá xumsi gi kón, ala heé daktani in baraá giwtír wá hi'iimiit. Tam adoorihe ngari tsaáhh adór alhhe'eesoó heé sagaloó' nee oo daktani tar wák.

DAHARUSMO 2:16

Asma heé sagalooár koóm nee oo daktanto heé gi inslasláw i kaahh. Asma de'emaá hi'iitaa'a sleémeero kin gunqarees, adoodá' heé sagaloó' ir gwaai tam daktani sleeme.

DAHARUSMO 3:19

Muu nee makaay a wak, asma gadaádá' tlehharuut dír muko an tidá' tlehharuut dír makaywo sleeme. Muu in qaatl, makaay in qatliiyá' sleeme, sleémeero i hiinsliyá', hee makiito'o gár ngir ba/i i káhh, sleémeero a tawór huwisha.

DAHARUSMO 3:20

Inooín sleémeero amór ta kay a wak. Inooín sleémeero dír i dahhiya' a baraá hhape, nee inooín tan kii/ baraá hhape.

DAHARUSMO 6:6

Na/aywí a tsiní ta heedaádá' amohhooár koomakahe, tam aa hooti kureeri kume tsare. Xáy, inooín tsaraawo amór ta kay a wakekáhe?

DAHARUSMO 9:2

Mura' sleémeero i adór wakár tleehharumiit dír muu sleémeero. Gadaádá' tleehharuut dír heé hota ganaa'a aqo tidá' tleehharuut dír heé tlaakwe, dír heé hhoó' nee dír heé hhooeekahe, dír heé daba' hhohhó' nee dír heé daba' tlakwe, dír heé ilahhooár muruú ta tsu/i ga hanmiisa, nee dír heé ilahhooár muruú ta tsu/i ga hanmisaakahe. Adór heé hhoó' i dirii'i an adór heé tlaákw i dirii'i sleeme, dimbé i káhh dír heé lo'ór /aáy nee oo ga /ayakahe.

DAHARUSMO 9:3

Gaarí ka ló'wa tlaakw baraá mura' sleémeero oo ti'imiita baraakaá yaamuwo, tí sleémeero alhhe'eesaay tawa wak, slám malé ale, hee baraá hotaawose aa haáts tlakweema nee slarhhamko, aluuwo iri gwaa'.

DAHARUSMO 9:5

Múk slaáf gaqo xuu' adór inooín tar qaátl, ala múk aa qaatl gár ta xui i káhh tam ar niiná, nee qeemuú i slayá' i kaahh, inooín kaa gunqareés baraá inslawoó muko.

ISAYA 47:7

Kiíng ana kilók ó', ‹Aníng a waawuto'o daqisleém.› Ala muruuwí ugwa baraá muunaáwók i qasiká, tam alhhe'eesaywós ugwa insleeriiká.

YEREMIA 16:8

Ma baloó dahaar baraá doó muruú /aymár yaariír kuwa qaás. Ma iwitaar dinkwa nee inooín as tawa /ayinda', laqaá tawa wahaanda'.»

HAGAI 1:5

Gawaá adoorihe AAKOÓ MUNGÚ Aleesleemusmo i kaahi, «Lohduuhúng alqaytsitaak.

MALAKI 2:2

Axaasaro bar sla'a'aaká, nee bar baraá munér i qaasaro a sla'a'aaká, as umuueé' iwa xirfuuti,» AAKOÓ MUNGÚ Aleesleemusmo i kaahi, «nu lo'órí huúw. Aníng tsuuqaahúng in lu'ús, nee, iga qaroó lu'ús, asma tí a baraá munerhúng i qamiinda'aaká.

FAARO 23:10

Heé amaaqawár doó Yakobo farooro ga aleesláw a heemá, laqaá heé tlaqtá niina ar múk Israeli faaroorós ngi oó' a heemá? Masók aníng an gwaá' ar gwa'arár heé ganaá', alhhe'eesay'eé' masók a adór kooín.»

Matayo 5:4

Múk amohhoó' a kudá' gurhaamuút, asma inooín gurkwa/asa ngi slayá'.

DABE 32:29

Barnaxes inooín geeraawo i fuqurángw kona'a, geera tí ngaa tsaahhiyé', nee alhhe'eesáy'ín ngwaa aldakutiyé', axáy a adoomá.

DABE 32:46

inooín giri báy, «/Aymi'iiká' sleémeero awa daa'angwí laarí naa dirhúng i daá', baraá munerhúng ti qase', nee na/iihúng ki hara'ayiindá', as kahhó' niwa ilakaahareesiya' axweesanoó dabeerí ooharo.

Filipi 3:19

Inooín i loohír i dirii'iyá', tidár baraá qwanoó kaw. Munguúín a gura'. Muruú tir xirfayeemisi a kuduú murér koóm. Muruú ta inslaslay oo baraaká' yaamu kilós.

Ebrania 9:27

Muu gár kuwa hariím a in qaatl sagaáwa wák wa ale, nee alaá gwa'araaro tari sakwasleema.