DAHARUSMO 7:17 - Biblía Axweesantá Hhohho' ar Mungú 2004

¹⁷ Ma ló'wa tlakuwaar, laqaá ma ló'wa daktu'uutaar. Ahaá waáy gár slafiingók kus hartsat a milá?

DAHARUSMO 7:17 Iomraidhean Croise

2 SAMUELI 6:20

Daudi niwa waátl amór múk do'ós, as nguwa tsuuqi, Mikali, dasír Saulo guri al'eér iri ó', «Waawutmoó múk Israeli kuwa xiríf a adoomá laarí, gár slaamá' gari tleéhh, /ankwetsuwós guri laqán geeraá sagadiyuusér waawutmoó wa ale, slaqás nee mukduú barawasluse, kudá' /ankwets gu gaárí xuaaká dír ilaá muko.»

YOBU 22:16

Mukdá' kuna fiíts dír qoomar'ín ira xeeriiká. Hota sleémeero kiri guú/ nee ma'aay.

WARA'AMI 55:23

Ala kuúng Mungú, inooín in /araraa'ás tay baraá bohóngw qwanaay. Múk kuunday raa/atén nee fooluuse, hotangw'ín sleeme tla/atsara ga ayká. Ala Mungú aníng kuúng u harahhiíf.

AXWEESANOÓ SAGALOOA 10:27

Slafíngw heé AAKOÓ MUNGÚ ilaiwawaá/ ku tleerees, ala hotaá heé tlaákw ki hartsaat.

ESEKIELI 16:20

«Slám daaqaywók nee dasuwók kudá' naa aníng i laqwál ina hanís tawa ilahhooár muruú ta tsu/i dír slaqsi'iiwók kudá'. Xáy ka xu', sli'imaarók tí aqo gár waaqa'atíta?

ESEKIELI 8:17

Mungú iri báy, «Heewí, kuúng kaangwí ugwa aándi? Tam adoorihe, múk Yuda adoorí iwa mune duxuna' kawa ga/ay a gár niina. Yaamu gaa hatsisiyé' /aytaro, adoorihe tari buúhh aníng mune duxuungo. Áx ga/aaweek adór haleemaá xaai ngira qaasiyé' gawaá dunger'ín.

Tlehhema'aá ya/Abuuse 12:23

Hamtidár kilae malaykamoó Aako Herode guna slaáhh, asma Mungú gwa xirfuú i haniisiiká. Kuri /aáy nee naanaga, iri gwaá'.

Tlehhema'aá ya/Abuuse 16:28

Ala Paulo iri tseé' ar afór ur, iri oó', «Miti gaasaar, asma atén sleémeero a diirí diriiaán.»

Tlehhema'aá ya/Abuuse 5:10

Hamtidár kilá' iri hú' dír ya'aá Petro, iri gwá'. Daaqaydá' niwa dáh, naxés kawa ár aa gwá', kari gagaár tsee/áy alé, kari foól dinkwa nee hhawaatuuwós.

Tlehhema'aá ya/Abuuse 5:5

Anania /aymi'iiká' ngiwa axaás, iri yaamií huú', iri gwaá'. Muu sleémeero oo adoodá' gaa axaamiis, daér yaariir guri eér.

Yakobo 1:21

Gawaá adoorihe, slasla/aru sleémeero hingeesaak, nee tlakweema sleémeerowo. Axweesantadá' tinda baraá munerhúngií dahaás ilaoohaak ar tsatsa'areema, tidá' kuungá' ba/amisaro nu aleeslaw.

1 SAMUELI 25:38

Alaá deelo mibaangw iwa waaráhh, AAKOÓ MUNGÚ Nabali guri slaáhh iri gwaá'.