DAHARUSMO 7:15 - Biblía Axweesantá Hhohho' ar Mungú 2004

¹⁵ Muruú yaariír ugwa ár baraá hotaeé' kuká' liitlakwe, heé hota ganaá i deer oo aa gwaa' tam inós i ganaai, heé tlaákw i deer oo hotaatiím tam inós ku tlaakwe.

DAHARUSMO 7:15 Iomraidhean Croise

IIMU/UUNGW 47:9

Yakobo Farao guri báy, «Kureeraá naa hoót tawa adór aausmo a tsiiru nee mibeeri tám. Kureeriiká' ki niina, slám awa slahh'amaayér koomá'. Ala adór kureeraá taati'iieé' naa dahi'iimár hootiyé' ngaa ay'iiká.»

1 WAAWITÁ 21:13

Mukdaádá' tsár oo lamuuse iri iwiít Naboti nguri ilií duxuné', muu nguri bayé', «Naboti Mungú nee waawutmo gaa /ooslislín.» Naboti kuri duúx tsee/aá gixsárí ale, kuri tlaquút ar tlaa/e, kway gaás.

WARA'AMI 10:3

Tlakusmo tin xirfayeemiis as ilatleeri tidá' tlakw ar baraá muunaáwós, nee heé qahusmo AAKOÓ MUNGÚ gun /oosliislín nee gun sii'.

WARA'AMI 39:6

Hee i waaraahh adór geehhantmoó wa ale. Waayaawós nee /ifooro a tawo, i muruú burumburín, ala heé gu sláw gu xuiiká.

DAHARUSMO 2:23

Asma slafiingós sleémeero gár iwa haáts a slahh'amaaye, nee gadiyeérós sleémeero a daawitame kilós, tam xweeraawo inslawaywós i hungu/uusiiká. Tí sleeme a tawór huwisha.

DAHARUSMO 3:16

Dinkwa nee tihe aníng gár naa tsaáhh baraaká daanduú yaamuwo a tí, didá' sakwasleemár ganaa' iwa deér tlakweema i dayá' nee didá' hotaá ganaa'á' iwa dayá', tlakweema iqo dayá' sleeme.

DAHARUSMO 6:12

Asma heé ga xuú' a heemá gár ganaa' dír heewo baraá slafiingós kwí ququmaare, oo gaa wásl, kwí waaraáhh adór mahhtí wa ale? Heé baraá yaamuwo ga xuú' a heemá gár hee gu slaw alaá gwa'araro.

DAHARUSMO 9:9

Slafiingók saqwalaala/eek nee hareerók tidá' taa slá', deelór hotaawók kukaá taworo, kuká' Mungú naa haniís baraakaá yaamuwo. Asma tí an gár tinda kuúngí haniís baraá slafiingoge nee baraá gadiyeeduwoge barakaá yaamuwo.

ISAYA 65:20

Gwa'arár na/oó qawri i baloó ki/ká. Laqaá bariise sleeme i qatlká qoomar'ín bira xeeriiká. Heé kureeraá tsiiruú wák bira gwaá' adoorihe an na/aay. Ala heé tlaákw oo kureeraá tsiiruú wák gaa ay kwaa lu'ús

Yohana 16:2

Kuungá' tundu baynitis dír maraá saalingo. Slám qooma i hardát ar umuúqo heewo oo kuungá' nu tsuú/, ngiwa xui i Munguú sagadiyuus.

Tlehhema'aá ya/Abuuse 7:52

Baabi'iihúng aaruusér taa máy gusisiingo a gaalá? Inooín aaruuse kana tsuú/, tidá' aa aaririin iwa kat, Kudá' Ganaá' ni hardah. Hám kuungá' ugwa saki/é' kuri gasé'.