DAHARUSMO 7:13 - Biblía Axweesantá Hhohho' ar Mungú 2004

¹³ Gadiyér Mungú aldakuteek, asma ar inós aa qwambatís heé gan'asaro ga aleesláw a heemá?

DAHARUSMO 7:13 Iomraidhean Croise

YOBU 11:10

Mungú barnaxes aa waaraáhh, hee guri tseek, guri sakwasleemuut, heé sií' a heemá?

YOBU 12:14

Bira fe/iít, heé tleehharo ga aleesláw i kaahh, hee burngwa tseék, heé gweeraro gu aleesláw i kaahh.

YOBU 34:29

Mungú bira xasliít heé gu áw a heemá? Bar gitsee/aawós ngaa luú/ heé gi kiís a heemá?

YOBU 37:14

Yóbu iia qaaseek Áx xasliít nee gadiyér Mungú ar waa/oo/amo aldakuuteek.

YOBU 9:12

Gaarós ar i slai gan taataahh gari ar tláy, heé inós ilaa/aro gu aleesláw a heemá? Heé inós gu báw, «Ma tlehh,» a heemá?

WARA'AMI 107:43

Múk sagalooár koóm muruuwí ku alqaytsiti, nee kawa tsaahhi sla'aarír warqawaaká ar AAKOÓ MUNGÚ.

WARA'AMI 8:3

Doori bira i qaytsiít, kudaá gadiyér dabaawók, slahhaangw nee tsatse/ kudá' kuúng taa qás,

DAHARUSMO 1:15

Gár aa gwaambit gan'aasa ga ya/andaaká, tam muruú kaáhh faaro ga ya/anká.

DAHARUSMO 3:11

Mungú umuú gár hhoohhooe gana qoomaarósí tleéhh ar kawa hhoohhoó' iwa xeer, nee baraá muunuú heewo muruú iimu/uungw wasle nee oo alhhe'eesay wasle nguwa xu'utír wa slai gana qaás. Tam adoorihe kwa pa/ángwií haniisiiká muruú Mungú aa tlehhiít iimír iimu/ungo ay alhhe'eesaay nguwa tsaahhi.

DAHARUSMO 8:17

Aluuwo gadiyér Mungú aa tleéhh ngay ár, tidá' hee arto i aleeslayká baraakaá yaamuwo. Asma hee leelehhtuuwo tim naagisi inós arto ga aleeslayká. Tam heé ti sagalooarós ar xirfayeemiís ga aleeslayká xu'utiro sleeme.

ISAYA 14:27

Asma AAKOÓ MUNGÚ Aleesleemusmo adoorí gaa tsabín, heé ga sií' a heemá? Inós gaa istí tsaát xoordu ngiwa muxi, heé inós gu ilaá/ a heemá?

ISAYA 43:13

Aníng an Mungú, iimír hamí wa tleemu ay alhhe'eesaay, aníng an Inós. Heé gawaá dabaeene kuungá' nu tuú/ i kaahh. Heé gadiyér'eé' ga baáq a heemá?»

ISAYA 5:12

Baraá deelor'ín ar urene gidaandori iqo kahhká, nee seesero, nee mitingarto nee filiímbiro nee difaái. Ala tlehhma'aá AAKOÓ MUNGÚ ngi ya/aa/ana'aaká, tam gadiyér dabaawós ngi gaárí xuiaaká.

DANIELI 4:35

Yaamuloouusér daanduú yaamu a gaarooká dirose. Dír malaykedá' gawaá doorí diriia adór i slai gan tlehhiit tam dír múk baraakaá yaamuwo. Heé dakós gu ilaá/ i kaahh tumu wák, laqaá heé gu báw, ‹Gár adoosíng kas tlehhit a milá?›

Luka 12:26

Ala bar kuungá' gár niina tleehhamooro ta aleesleera' i káhh, kuungá' mahar daawiimitá' as muruuwuú hatlá'?

Rumi 9:15

Asma Mungú Mose guna báy, «Án hee bur gurtleemuú wa slaá', u gurtláw. Nee kudá' guruueé' iwa tlatlay, u gurtleemuú i tleéhh.»

Rumi 9:19

Án ngi slaá' daxta kuúng i yaahás tawa o', «Bar adoosíng, Mungú adór ir kaahi dakuús amór naa dáhh a amór hee? Asma heé sla'aarír Mungú ilaa/aro ga aleesláw a heemá?»

Efeso 1:11

Tam atén sleeme baraá Kristowo tina aaluuse tleéhh, adoodá' inós aa qaroó slaá', inósuudá' mura' sleémeero gu tlehhiít ar sla'aarirós.