DAHARUSMO 7:12 - Biblía Axweesantá Hhohho' ar Mungú 2004

¹² Heé sagaloó' sagalooarós gu xuún. Nee gár xu'uti kas hhoó' a tí, sagalooa slafíngw hee nguwa xuun.

DAHARUSMO 7:12 Iomraidhean Croise

YOBU 1:10

Gár us ilaiwawa/i aqo adoosíng kuúng kuwa xuun bihhe sleémeero, inós nee múk do'ós sleémeero nee muruuwós sleémeero. Slám inós ugwa ló'wa tsúq, daqaari'iimarós iri ló'wa doogiín baraá yaamuwo.

WARA'AMI 57:1

Án gurtlawáng, Mungú, aníng gurtlawáng! Asma aníng kuúng ugwa i goów, naa goów baraá mahhatuú hhampe'eeriwók, ay dír tlaftá tlaakw i waarahh.

AXWEESANOÓ SAGALOOA 11:4

Daqaari'iima hee gu gaa wa bu'uká qoomár qwanaywo, Ala hotaá ganaa'á' hee ngu tu/iyá' dír gwa'araro.

AXWEESANOÓ SAGALOOA 14:20

Narkutmo ku slaiiká tam nee inslaawaywós, Ala daqaarmo ku mulqe yaariír.

AXWEESANOÓ SAGALOOA 2:11

Daqaní sagalooa kuúng u de'eén, nee tsaahha kuúng uri amohhe'és.

AXWEESANOÓ SAGALOOA 2:7

Sagalooár ganaa' gaa amohhe'eés as múk daba' hhohhó', inós a gaamboót dír múk inkihhimuú kooma.

AXWEESANOÓ SAGALOOA 3:18

Sagalooa a adór xa'anoó slafiingw dír múk gaa /atleesi. Heé amohhoó' a kudá' nee inós taa dabe oohiye'.

AXWEESANOÓ SAGALOOA 8:35

Asma heé aníng iga slay, a slafiingw guna sláy, heé adoorí ku gurií baa/ nee AAKOÓ MUNGÚ.

AXWEESANOÓ SAGALOOA 9:11

Ar alee/isay'eene kuúng an hotaatiín, nee kureeraá slafiingók nari tlahhiyá'.

DAHARUSMO 10:19

Muruú /ayma kun qamín as qwala/ nee difaái muu gun qwal/atimís nee peésa muruuwí sleémeero ngun slasleér.

DAHARUSMO 2:13

Aníng ngari tsaáhh adór sagalooa kar afhhamít ta daktu'uumaro, adór gwa/aateema kir afhhamít ta giwtiiro.

DAHARUSMO 7:19

Sagalooa i /uuruú hanmís dír heé sagalooe, ta waawituú mibaangw oo gixsár sawaawuti'ii'ima.

DAHARUSMO 9:16

Ala aníng an kah, sagalooa a tsiní ta /uuruuwo tam sagalooár narkutmo i waaqa'atita, laqaá tam axweesantós heé ga axamiís i kahhi.

DAHARUSMO 9:18

Sagalooa xooslár slaqwara ga bá/, ala heé tlaákw oo wák hhoeemaá yaariir gin hhitín.

ISAYA 30:2

Inooín nina Misrírí /eetiyé', aníng sleeme iga yaahasi'iiká, dír guwaay ngina leelehhtuú ayé' dír Farao as ngiwa xun, nee amohhooa ngiwa slaya' baraá xuumár múk Misrír wa alé.

ISAYA 32:2

Umuúqo heewo tari adór dír tay gogoowi qoomár fur'aaro. Tari adór dír tay nahhat qoomár tluwoó dukto. Umuú heewo tari adór yaaér ma'aá koom ar baraá yaamaá kaahaar, tari adór mahhatír tlaa/ár yaangariir ar baraá xaanxaay.

ISAYA 33:6

Mungú tari kudá' tundus dinqisiiká baraá slafingwhunge, nuri ló'wa ba/amiimis, nuri sagalooárí hanmiis nee xu'utiro. Qaasirhúng ar ur tari AAKOÓ MUNGÚ kuwa ilaiwawa/a'.

Yohana 12:50

Nee aníng a xuú' adór hara'ayaarós tar slafíngw alhhe'eesay wásl. Gawaá adoorihe axweesantá án ni axwees, a tidá' Baabá aníng iga báy.»

Yohana 17:3

Nee slafíngw alhhe'eesay wásl an kwí, kuúng uwa xuiya', Munguúduú ló', kudá' wák, nee Yesu Kristo, kudá' naa ya/áp.

DABE 32:47

Dabeerí a tlooraá taworooká dirhunge, ala an slafingwhúng oo kilá'. Kuungá' nu hotaá tleerá' ar eér baraá yaamuudá' ta aalír eera' amoodár gayuú yaaér Yordani.»

Filipi 3:8

Ala a muruuwí kiloseká. Mura' sleémeero un harafadiít tawa /aareemaá kilá' asma Kristo Yesu Aakooeé' nguwa xuú', gaarí a gár afhhamít ta muruú hatlá' sleémeero ba/a. Mura' sleémeero una geexáw as inós, mura' sleémeero una harafaár tawa xwaansloó tawo, as kahhó' Kristo nguwa slaw,

HAR'OHUUSE 9:15

Xa'anoó laqeelo iri oó', ‹Aníng birqo waawutmoó wa sla'á', qwalaasé' iwiité' baraá mahhtír'eé'. Ala bar adoorí a sla'a'aaká, masók asla nin baraá laqeeloeé' wa ti'ít miereésír Lebanoni gari qororo'ós.› »